,,საჯარო სამართლის იურიდიული პირის შეფასებისა და გამოცდების ეროვნული ცენტრის „დებულების დამტკიცების შესახებ” განათლების მინისტრის 2002 წლის 5 ივლისის №151 ბრძანებაში ცვლილებებისა და დამატებების შეტანის შესახებ

სახელმწიფო სარეგისტრაციო კოდი 040.030.000.22.022.007.199

საქართველოს განათლებისა და მეცნიერების მინისტრის

ბრძანება №128

2005 წლის 28 მარტი

ქ. თბილისი

,,საჯარო სამართლის იურიდიული პირის შეფასებისა და გამოცდების ეროვნული ცენტრის „დებულების დამტკიცების შესახებ” განათლების მინისტრის 2002 წლის 5 ივლისის №151 ბრძანებაში ცვლილებებისა და დამატებების შეტანის შესახებ

,,უმაღლესი განათლების შესახებ” კანონის 89-ე მუხლის მე-3 პუნქტის, საქართველოს განათლებისა და მეცნიერების მინისტრის 2002 წლის 5 ივლისის №151 ბრძანებით დამტკიცებული საჯარო სამართლის იურიდიული პირის ,,შეფასებისა და გამოცდების ეროვნული ცენტრის” დებულების მე-2 მუხლის საფუძველზე და ,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

,,საჯარო სამართლის იურიდიული პირის „შეფასებისა და გამოცდების ეროვნული ცენტრის“ დებულების დამტკიცების შესახებ” განათლების მინისტრის 2002 წლის 5 ივლისის №151 ბრძანებით (სსმ III, 2002 წ., №70, მუხ. 53) დამტკიცებულ დებულებაში შეტანილ იქნეს შემდეგი სახის დამატებები:

1. მე-2 მუხლის 1 პუნქტს დაემატოს შემდეგი შინაარსის ა¹ და ა² ქვეპუნქტები:

,,ა¹) უზრუნველყოფს ერთიანი ეროვნული გამოცდების ჩატარებას საქართველოს განათლებისა და მეცნიერების მინისტრის მიერ დამტკიცებული დებულების შესაბამისად;”.

,,ა²) საქართველოს კანონმდებლობის შესაბამისად ერთიანი ეროვნული გამოცდების ჩატარების მიზნით საქართველოს მთელ ტერიტორიაზე ქმნის აბიტურიენტთა სარეგისტრაციო პუნქტებსა და საგამოცდო ცენტრებს.”.

2. მე-2 მუხლის მე-2 პუნქტს დაემატოს შემდეგი შინაარსის ა¹ და ი¹ ქვეპუნქტები:

,,ა¹) ერთიანი ეროვნული გამოცდების ჩატარების მიზნით ახორციელებს საქართველოს განათლებისა და მეცნიერების მინისტრის მიერ დამტკიცებული დებულებით გათვალისწინებულ უფლებამოსილებებს;”.

,,ი¹) ახორციელებს საქართველოს კანონმდებლობით გათვალისწინებულ სხვა უფლებამოსილებებს.”.

3. ბრძანება ძალაში შევიდეს გამოქვეყნებისთანავე.

ალ. ლომაია