საქართველოს ფინანსთა მინისტრის ბრძანება №637 „მკაცრი აღრიცხვის ბლანკების ბეჭდვისა და შენახვის ლიცენზიის ფორმისა და ლატარიების, აზარტული და სხვა მომგებიანი თამაშობების მოწყობის ნებართვის ფორმის ნუმერაციის დამტკიცების შესახებ

სახელმწიფო სარეგისტრაციო კოდი 190.040.000.11.117.006.280

საქართველოს ფინანსთა მინისტრის

ბრძანება №637

2003 წელი 30 დეკემბერი

ქ. თბილისი

მკაცრი აღრიცხვის ბლანკების ბეჭდვისა და შენახვის ლიცენზიის ფორმისა და ლატარიების, აზარტული და სხვა მომგებიანი თამაშობების მოწყობის ნებართვის ფორმის ნუმერაციის დამტკიცების შესახებ

“აღმასრულებელი ხელისუფლების სტრუქტურისა და საქმიანობის წესის შესახებ” საქართველოს კანონის მე-15 მუხლის მე-2 პუნქტის საფუძველზე და საქართველოს ფინანსთა მინისტრის 2003 წლის 14 ივლისის №356 და №357 ბრძანებების შესრულების მიზნით დამტკიცდეს:

1. მკაცრი აღრიცხვის ბლანკების ბეჭდვისა და შენახვის ლიცენზიის ფორმის ნუმერაცია, კერძოდ:

ა) პირველი კატეგორიის პოლიგრაფიული საწარმოს საქმიანობის ლიცენზია–№19-1-01/000

ბ) მეორე კატეგორიის პოლიგრაფიული საწარმოს საქმიანობის ლიცენზია–№19-1-02/000

გ) მესამე კატეგორიის პოლიგრაფიული საწარმოს საქმიანობის ლიცენზია–№19-1-03/000

2. ლატარიების, აზარტული და სხვა მომგებიანი თამაშობების მოწყობის ნებართვის ფორმის ნუმერაცია, კერძოდ:

ა) ტირაჟიანი ლატარიის ნებართვა–№19-01/000;

ბ) მომენტალური ლატარიის ნებართვა–№19-02/000;

გ) წამახალისებელი გათამაშების ნებართვა–№19-03/000;

დ) სამორინეს ნებართვა–№19-04/000;

ე) ტოტალიზატორის ნებართვა–№19-05/000;

ვ) სათამაშო აპარატების ნებართვა–№19-06/000;

ზ) ლოტოს ნებართვა–№19-07/000;

თ) ბინგოს ნებართვა–№19-08/000.

3. დაევალოს მკაცრი აღრიცხვის დოკუმენტაციის, სათამაშო ბიზნესისა და ექსპერტიზა-უტილიზაციის დეპარტამენტს (კობა აბულაძე) კანონმდებლობით დადგენილი ლიცენზიისა და ნებართვის ფორმების გაცემისას ამ ბრძანების პირველი და მეორე პუნქტებით დადგენილი ნუმერაციის გამოყენება.

4. ეს ბრძანება ამოქმედდეს გამოქვეყნებისთანავე.

ზ. ნოღაიდელი