საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 8 მაისის №3 ბრძანებაში „ნავთობისა და გაზის ოპერაციების რეგულირების საფასურის დადგენისა და განკარგვის წესის შესახებ დებულების დამტკიცების თაობაზე“ დამატებისა და ცვლილების შეტანის შესახებ

სახელმწიფო სარეგისტრაციო კოდი 300.380.000.16¹.011¹.005.897

საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის

ბრძანება №9

2003 წლის 18 ივნისი

ქ.თბილისი

საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 8 მაისის №3 ბრძანებაში „ნავთობისა და გაზის ოპერაციების რეგულირების საფასურის დადგენისა და განკარგვის წესის შესახებ დებულების დამტკიცების თაობაზე“ დამატებისა და ცვლილების შეტანის შესახებ

„ნავთობისა და გაზის შესახებ“ საქართველოს კანონის (საქართველოს საკანონმდებლო მაცნე №13(20), 1999 წელი) შესაბამისად, ვბრძანებ:

1. „ნავთობისა და გაზის ოპერაციების რეგულირების საფასურის დადგენისა და განკარგვის წესის შესახებ დებულების დამტკიცების თაობაზე“ ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 8 მაისის №3 ბრძანებაში (საქართველოს საკანონმდებლო მაცნე, 2002 წლის №45, მუხლი №423) ნავთობისა და გაზის ოპერაციების რეგულირების საფასურის დადგენისა და განკარგვის წესის შესახებ დებულების მე-2 მუხლს „დებულებაში გამოყენებული ტერმინების განმარტება“ დაემატოს თ) ქვეპუნქტი შემდეგი რედაქციით:

„თ) სასაქონლო ნავთობი ან/და ბუნებრივი გაზი – სალიცენზიო ფართობზე მოპოვებული და სარეალიზაციოდ მომზადებული ნავთობი ან/და ბუნებრივი გაზი, რომელიც ექვემდებარება განაწილებას ხელშეკრულების თანახმად;“ და

შესაბამისად, მე-4 მუხლის მე-2 პუნქტის ბ) ქვეპუნქტი ჩამოყალიბდეს შემდეგნაირად:

„ბ) ინვესტორის მიერ სასაქონლო ნავთობის ყოველ ტონაზე ან/და ბუნებრივი გაზის ყოველ მეტრიკულ ტონაზე 0,5 აშშ დოლარის ოდენობით წელიწადში;“.

2. ბრძანება ამოქმედდეს გამოქვეყნებისთანავე.

   გ. ითონიშვილი