დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | "სტანდარტიზაციის შესახებ" საქართველოს კანონში ცვლილების შეტანის თაობაზე | |
|---|---|
| დოკუმენტის ნომერი | 4703-Iს |
| დოკუმენტის მიმღები | საქართველოს პარლამენტი |
| მიღების თარიღი | 20/05/2011 |
| დოკუმენტის ტიპი | საქართველოს კანონი |
| გამოქვეყნების წყარო, თარიღი | ვებგვერდი, 110601022, 01/06/2011 |
| ძალის დაკარგვის თარიღი | 25/05/2012 |
| სარეგისტრაციო კოდი | 300160000.05.001.016332 |
საქართველოს კანონი
„სტანდარტიზაციის შესახებ“ საქართველოს კანონში ცვლილების შეტანის თაობაზე
მუხლი 1. „სტანდარტიზაციის შესახებ“ საქართველოს კანონს (საქართველოს საკანონმდებლო მაცნე, №30(37), 1999 წელი, მუხ. 162) დაემატოს შემდეგი შინაარსის 181 მუხლი:
„მუხლი 181 . სააგენტოს საქმიანობის საფასურის გაანგარიშების წესი
1. ამ კანონის მე-18 მუხლის მე-2 პუნქტის „ბ“ და „გ“ ქვეპუნქტებით გათვალისწინებული საქმიანობების საფასურების გაანგარიშების წესს ამტკიცებს საქართველოს მთავრობა.
2. ამ კანონის მე-18 მუხლის მე-2 პუნქტის „დ“ ქვეპუნქტის შესაბამისად განხორციელებული საქმიანობის საფასური დგინდება მხარეებს შორის გაფორმებული ხელშეკრულებით.“.
მუხლი 2. საქართველოს მთავრობამ ამ კანონის ამოქმედებიდან 3 თვის ვადაში უზრუნველყოს ამავე კანონის პირველი მუხლით გათვალისწინებული წესის დამტკიცება.
მუხლი 3. ეს კანონი ამოქმედდეს გამოქვეყნებისთანავე.
საქართველოს პრეზიდენტი მ . სააკაშვილი
თბილისი,
2011 წლის 20 მაისი .
№4703-Iს
დოკუმენტის კომენტარები