არჩევნებში პარტიის მონაწილეობისა და პარლამენტის წევრობის კანდიდატის მხარდამჭერთა სიაში ხელმოწერათა ნამდვილობის შემოწმების წესის შესახებ

სახელმწიფო სარეგისტრაციო კოდი                   010.008.003.793

საქართველოს ცენტრალური საარჩევნო კომისიის

დადგენილება №22/1999

1999 წლის 4 აგვისტო

ქ. თბილისი

არჩევნებში პარტიის მონაწილეობისა და პარლამენტის წევრობის კანდიდატის მხარდამჭერთა სიაში ხელმოწერათა ნამდვილობის შემოწმების წესის შესახებ

საქართველოს ცენტრალური საარჩევნო კომისია ადგენს:

ბათილად იქნეს ცნობილი არჩევნებში პარტიის მონაწილეობისა და პარლამენტის წევრობის კანდიდატის მხარდამჭერთა სიებში ხელმოწერა, თუ:

ა) სახელი და გვარი არასრულადაა მოცემული;

ბ) 1981 წელს დაბადებულ პირს მითითებული არ აქვს დაბადების თვე და რიცხვი;

გ) მითითებული არ არის საქართველოს პირადობის მოწმობის ან პირადი ნომერი, ანდა საქართველოს ან ყოფილი საბჭოთა კავშირის სიმბოლიკიანი პასპორტის ნომერი;

დ) სრულად არ არის მითითებული მისამართი;

ე) ხელმოწერის თარიღი არ ემთხვევა მხარდამჭერთა სიების ფორმათა წარმოდგენის იმ ვადას, რომელიც განსაზღვრულია "საქართველოს პარლამენტის არჩევნების შესახებ" საქართველოს ორგანული კანონით;

ვ) აკლია მხარდამჭერის ხელმოწერა;

ზ) არ არის ხელმოწერის შეგროვებაზე პასუხისმგებელი პირის სრული მონაცემი.

კომისიის თავმჯდომარე                                                                                  ჯ. ლომინაძე