საქართველოს იუსტიციის სამინისტროს სასჯელაღსრულების დაწესებულებების მოსამსახურეებისათვის თანამდებობრივი სარგოს შრომის ანაზღაურების მინიმალურ დონესთან თანაფარდობის კოეფიციენტების განსაზღვრის, მსჯავრდებულთა და პატიმართა შევსების ლიმიტების დამტკიცების შესახებ

სახელმწიფო სარეგისტრაციო კოდი 410.012.004.315

საქართველოს იუსტიციის მინისტრის

ბრძანება №129

2000 წლის 26 ივნისი

ქ. თბილისი

საქართველოს იუსტიციის სამინისტროს სასჯელაღსრულების დაწესებულებების მოსამსახურეებისათვის თანამდებობრივი სარგოს შრომის ანაზღაურების მინიმალურ დონესთან თანაფარდობის კოეფიციენტების განსაზღვრის, მსჯავრდებულთა და პატიმართა შევსების ლიმიტების დამტკიცების შესახებ

საქართველოს იუსტიციის სამინისტროს სასჯელაღსრულების დაწესებულებების მოსამსახურეებისათვის თანამდებობრივი სარგოს შრომის ანაზღაურების მინიმალურ დონესთან თანაფარდობის კოეფიციენტების განსაზღვრის შესახებ მსჯავრდებულთა და პატიმართა შევსების ლიმიტების დამტკიცების მიზნით, ვბრძანებ:

1. „პატიმრობის შესახებ” საქართველოს 1999 წლის 22 ივლისის კანონისა და „სასჯელაღსრულების სისტემის რეფორმის შესახებ” საქართველოს პრეზიდენტის 1999 წლის 12 ოქტომბრის №591 ბრძანებულების შესაბამისად დამტკიცდეს საქართველოს იუსტიციის სამინისტროს სასჯელაღსრულების დაწესებულებებში მსჯავრდებულთა და პატიმართა შევსების შემდეგი ლიმიტები:

ა) №1 საერთო რეჟიმის სასჯელაღსრულების დაწესებულება (ქ. რუსთავი) – 950 ადგილი;

ბ) №2 საერთო რეჟიმის სასჯელაღსრულების დაწესებულება (ქ. რუსთავი) – 1000 ადგილი;

გ) №3 მკაცრი რეჟიმის სასჯელაღსრულების დაწესებულება (საგარეჯოს რაიონი) – 1005 ადგილი;

დ) №4 სასჯელაღსრულების დაწესებულება (საგარეჯოს რაიონი) – 100 ადგილი;

ე) №5 საერთო რეჟიმის სასჯელაღსრულების დაწესებულება (ქ. თბილისი) – 350 ადგილი;

ვ) №6 მკაცრი რეჟიმის სასჯელაღსრულების დაწესებულება (ქ.თბილისი) – 1010 ადგილი;

ზ) №7 მკაცრი რეჟიმის სასჯელაღსრულების დაწესებულება (მცხეთის რაიონი) – 1010 ადგილი;

თ) №8 საერთო რეჟიმის სასჯელაღსრულების დაწესებულება (წყალტუბოს რაიონი) – 900 ადგილი;

ი) №9 საერთო და მკაცრი რეჟიმის დაწესებულება (ხონის რაიონი) – 300 ადგილი;

კ) არასრულწლოვანთა აღმზრდელობითი დაწესებულება (მცხეთის რაიონი) – 300 ადგილი;

ლ) №1 საპყრობილე (ქ. თბილისი) – 600 ადგილი;

მ) №2 საპყრობილე (ქ. ქუთაისი) – 650 ადგილი;

ნ) №3 საპყრობილე (ქ. ბათუმი) – 250 ადგილი;

ო) №4 საპყრობილე (ქ. ზუგდიდი) – 305 ადგილი;

პ) №5 საპყრობილე (ქ. თბილისი) – 2001 ადგილი;

ჟ) სასჯელაღსრულების დეპარტამენტის ტუბერკულოზით დაავადებულ მსჯავრდებულთა სამკურნალო დაწესებულება (მცხეთის რაიონი) – 760 ადგილი;

რ) სასჯელაღსრულების დეპარტამენტის მსჯავრდებულთა და პატიმართა სამკურნალო დაწესებულება (ქ. თბილისი) – 350 ადგილი.

2. ამ ბრძანებით გათვალისწინებული ლიმიტების დაცვაზე კონტროლი დაევალოს სასჯელაღსრულების დეპარტამენტს (გ. ყვარელაშვილს).

3. ეს ბრძანება ამოქმედდეს 2000 წლის 1 იანვრიდან.

ჯ. ხეცურიანი