დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს საგადასახადო შემოსავლების სამინისტროს მცხეთის საოლქო, ახალგორის, დუშეთის, თიანეთის და ყაზბეგის რაიონული საგადასახადო ინსპექციების თანამშრომლების შრომის ანაზღაურების მოწესრიგების შესახებ | |
|---|---|
| დოკუმენტის ნომერი | 249 |
| დოკუმენტის მიმღები | საქართველოს საგადასახადო შემოსავლების მინისტრი |
| მიღების თარიღი | 27/04/2001 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 50, 10/05/2001 |
| ძალის დაკარგვის თარიღი | 25/12/2003 |
| სარეგისტრაციო კოდი | 200250000.11.114.004755 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (10/05/2001 - 25/12/2003)
სახელმწიფო სარეგისტრაციო კოდი 200.250.000.11.114.004.755
საქართველოს საგადასახადო შემოსავლების მინისტრის
ბრძანება №249
2001 წლის 27 აპრილი
ქ. თბილისი
საქართველოს საგადასახადო შემოსავლების სამინისტროს მცხეთის საოლქო, ახალგორის, დუშეთის, თიანეთის და ყაზბეგის რაიონული საგადასახადო ინსპექციების თანამშრომლების შრომის ანაზღაურების მოწესრიგების შესახებ
საქართველოს საგადასახადო კოდექსის 270-ე მუხლისა და საქართველოს საბაჟო კოდექსის 169-ე მუხლის, საქართველოს პრეზიდენტის 2000 წლის 24 ნოემბრის №499 ბრძანებულების ”საქართველოს საგადასახადო შემოსავლების სამინისტროს ზოგიერთი ტერიტორიული ორგანოს შექმნისა და მათი სამოქმედო ტერიტორიის განსაზღვრის შესახებ” შესაბამისად, მცხეთის საოლქო, ახალგორის, დუშეთის, თიანეთის და ყაზბეგის რაიონული საგადასახადო ინსპექციების თანამშრომელთა შრომის ანაზღაურების პირობების გაუმჯობესებისა და სტაბილურობის უზრუნველყოფის მიზნით, ვბრძანებ:
1. საქართველოს საგადასახადო შემოსავლების სამინისტროს მცხეთის საოლქო, ახალგორის, დუშეთის, თიანეთის და ყაზბეგის რაიონული საგადასახადო ინსპექციების თანამშრომელთა მატერიალური წახალისების მიზნით შემოღებულ იქნეს ყოველთვიური პრემია დაკავებულ თანამდებობათა მიხედვით, თანახმად დანართებისა (№1,2).
2. საგადასახადო სისტემაში კვარტალური საპროგნოზო მაჩვენებლების შესრულებისათვის და გაწეული მუშაობის შედეგების შესაბამისად უფლება მიეცეთ აღნიშნულ სამსახურებს საქართველოს საგადასახადო შემოსავლების სამინისტროსთან შეთანხმებით თითოეულ თანამშრომელზე გასცენ კვარტალური პრემიები ამ ბრძანების პირველი პუნქტით გათვალისწინებული ერთი თვის პრემიის ოდენობით.
3. ყოველთვიური და კვარტალური პრემიების თანხების დარიცხვა განხორციელდეს საქართველოს საგადასახადო კოდექსის 270-ე და საბაჟო კოდექსის 169-ე მუხლების შესაბამისად საქართველოს საგადასახადო შემოსავლების სამინისტროსთან შექმნილი ფონდებიდან.
4. საქართველოს საგადასახადო შემოსავლების სამინისტროს მცხეთის საოლქო, ახალგორის, დუშეთის, თიანეთის და ყაზბეგის რაიონულმა საგადასახადო ინსპექციებმა თანამშრომლებზე შრომის ანაზღაურების გაცემა აწარმოონ საბანკო დაწესებულებების მეშვეობით.
5. ფინანსებისა და საბუღალტრო აღრიცხვის სამმართველომ (კ. გედევანიშვილი):
– ყოველი მომდევნო თვის ხუთ რიცხვამდე უზრუნველყოს ზემოაღნიშნული სამსახურების საპრემიო ფონდებისთვის საჭირო ოდენობის თანხების გადატანა მათ სპეციალური სახსრების ანგარიშებზე.
– ორი კვირის განმავლობაში უზრუნველყოს აღნიშნული სამსახურების ნორმალური ფუნქციონირებისათვის საჭირო საექსპლუატაციო და სამეურნეო ხარჯების ხარჯთაღრიცხვების მომზადება და დასამტკიცებლად წარმოდგენა. აღნიშნულის შესაბამისად განახორციელოს ყოველთვიური ხარჯებისათვის საჭირო თანხების გადატანა მათ სპეციალური სახსრების ანგარიშებზე.
– მ/წლის 30 მარტამდე უზრუნველყოს საქართველოს საგადასახადო შემოსავლების სამინისტროს მცხეთის საოლქო, ახალგორის, დუშეთის, თიანეთის და ყაზბეგის რაიონული საგადასახადო ინსპექციების თანამშრომლების შრომის ანაზღაურების საბანკო დაწესებულებების მეშვეობით გაცემის უზრუნველსაყოფად საჭირო წინასწარი ხარჯების გაწევა, საბანკო დაწესებულებების მიერ წარმოდგენილი ანგარიშების შესაბამისად.
6. კონტროლს აღნიშნული ბრძანების შესრულებაზე განვახორციელებ პირადად.
მ. მაჭავარიანი
დანართი №1
მცხეთის საოლქო საგადასახადო ინსპექციის საჯარო მოსამსახურეების სპეც. ფონდებიდან გასაცემი ყოველთვიური პრემიების ოდენობა თანამდებობათა მიხედვით
(ლარებში)
| № | თანამდებობის დასახელება | პრემიის ოდენობა |
| 1 | ინსპექციის უფროსი | 400 |
| 2 | ინსპექციის უფროსის მოადგილე | 370 |
| 3 | განყოფილების უფროსი | 340 |
| 4 | მთ.სპეციალისტი | 300 |
| 5 | მთ. ბუღალტერი | 340 |
| 6 | მთ. ინსპექტორი | 300 |
| 7 | უფროსი ინსპექტორი | 270 |
| 8 | ინსპექტორი | 250 |
| 9 | კადრების ინსპექტორი | 250 |
| 10 | საქმის მწარმოებელი | 150 |
| 11 | მდივან-რეფერენტი | 130 |
| 12 | მძღოლი | 150 |
| 13 | ოპერატორი | 150 |
| 14 | დამლაგებელი | 100 |
| სულ |
| |
დანართი №2
ახალგორის, დუშეთის, თიანეთის და ყაზბეგის რაიონული საგადასახადო ინსპექციების საჯარო მოსამსახურეების სპეც. ფონდებიდან გასაცემი ყოველთვიური პრემიების ოდენობა თანამდებობათა მიხედვით
(ლარებში)
| № | თანამდებობის დასახელება | პრემიის ოდენობა |
| 1 | ინსპექციის უფროსი | 200 |
| 2 | უფროსი ინსპექტორი | 150 |
| 3 | ინსპექტორი | 120 |
| 4 | ბუღალტერი | 80 |
| სულ |
| |
დოკუმენტის კომენტარები