„საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებაში ცვლილების შეტანის თაობაზე

საქართველოს იუსტიციის მინისტრის

ბრძანება № 60

2011 წლის 23 მაისი

ქ.  თბილისი

„საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებით (სსმ III, 31.01.2006 წ., №13, მუხ. 156) დამტკიცებული დებულების :

1.  მე -2 მუხლის პირველ პუნქტს დაემატოს შემდეგი შინაარსის „ი⁷“ ქვეპუნქტი:

„ი⁷ ) საქართველოს საერთაშორისო ხელშეკრულებებისა და კანონმდებლობის შესაბამისად სამართლებრივი ურთიერთდახმარების ფარგლებში სამოქალაქო აქტების, პირის დაბადების/გარდაცვალების, მისი მისამართზე რეგისტრაციის, პირადობის დადასტურების ან მოქალაქეობრივი კუთვნილების შესახებ დოკუმენტის (ინფორმაციის) უცხო ქვეყნიდან გამოთხოვასთან დაკავშირებით უფლებამოსილი ორგანოების, ფიზიკური და იურიდიული პირების მიერ სააგენტოს სახელზე შედგენილი განცხადებების მიღება და სააგენტოსათვის მიწოდება ;“ .

2. მე -2 მუხლის მე -4 პუნქტი ჩამოყალიბდეს შემდეგი რედაქციით:

„ 4. სააგენტოს აფხაზეთის სამსახური ახორციელებს ამ მუხლის პირველი პუნქტის მხოლოდ „ე¹ “, „ე² “, „ვ”, „ზ² “, „ი“-„ი² “, „ი⁶ “, „ი⁷“ და „კ” ქვეპუნქტებით გათვალისწინებულ უფლებამოსილებებს, გარდა უცხოელთა რეგისტრაციის, რეგისტრაციიდან მოხსნისა და ბინადრობის მოწმობის გაცემისა.“ .

3. მე -5 მუხლს დაემატოს შემდეგი შინაარსის 3² პუნქტი:

„3². ამ დებულების მე-2 მ უხლის 1¹, 2¹, მე -4 და 4² პუნქტებით გათვალისწინებული  სამსახურები ამ დებულების მე-2 მუხლის პირველი პუნქტის „ი⁷ “ ქვეპუნქტით გათვალისწინებული უფლებამოსილების განხორციელებისას არ არიან შეზღუდულნი სამოქმედო ტერიტორიით და ამავე ქვეპუნქტით გათვალისწინებული განცხადებების მიღებას ახორციელებს ნებისმიერი სამსახური, რომელსაც მიმართავს განმცხადებელი.“.

მუხლი 2. ეს ბრძანება ამოქმედდეს გამოქვეყნებისთანავე .

ზ . ადეიშვილი