აბაშის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის დებულების დამტკიცების შესახებ აბაშის მუნიციპალიტეტის საკრებულოს 2010 წლის 24 დეკემბრის №34 დადგენილებაში ცვლილებების შეტანის თაობაზე

აბაშის მუნიციპალიტეტის საკრებულოს

დადგენილება №23

2011 წლის 17 მაისი

ქ. აბაშა

,,აბაშის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის დებულების დამტკიცების შესახებ“ აბაშის მუნიციპალიტეტის საკრებულოს 2010 წლის 24 დეკემბრის №34 დადგენილებაში ცვლილებების შეტანის თაობაზე

,,ადგილობრივი თვითმმართველობის შესახებ“ საქართველოს ორგანული კანონის 43-ე მუხლისა და ,,ნორმატიული აქტების შესახებ“ საქართველოს კანონის მე-20 მუხლისა და სახელმწიფო რწმუნებულის – გუბერნატორის 2011 წლის 27 იანვრის №27 სამართლებრივი შენიშვნის საფუძველზე, აბაშის მუნიციპალიტეტის საკრებულომ დაადგინა:

„აბაშის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის დებულების დამტკიცების შესახებ“ აბაშის მუნიციპალიტეტის საკრებულოს 2010 წლის 24 დეკემბრის №34 დადგენილებაში შეტანილ იქნეს შემდეგი ცვლილებები:

1. დებულების მე-3 მუხლის (,,სამსახურის სტრუქტურა“) პირველი პუნქტი შეიცვალოს და ჩამოყალიბდეს ახალი რედაქციით:

ა) სამსახურის უფროსი;

ბ) მთ. სპეციალისტი;

გ) წამყვანი სპეციალისტი.

2. მე-5 მუხლის პუნქტების ნუმერაცია 9.1-დან 9.4-ის ჩათვლით შეიცვალოს შესაბამისად რიცხვებით – 1, 2, 3, 4.

3. მე-6 მუხლის პუნქტების ნუმერაცია 10.1-დან 10.3-ის ჩათვლით შეიცვალოს შესაბამისად რიცხვებით – 1, 2, 3.

4. დადგენილება ამოქმედდეს ,, ნორმატიული აქტების შესახებ” საქართველოს  კანონის შესაბამისად, გამოქვეყნებისთანავე.   

საკრებულოს თავმჯდომარე                                                                                          დ. თოფურია