ქ. თბილისის ადმინისტრაციულ საზღვრებში ადგილობრივი საქალაქო რეგულარული სამგზავრო გადაყვანის მიზნით ავტობუსების (M3 კატეგორია) მარშრუტების სქემის დამტკიცების თაობაზე

სახელმწიფო სარეგისტრაციო კოდი 300.330.000.37.101.000.074

ქალაქ თბილისის მთავრობის

დადგენილება №17.29.840

2010 წლის 11 ივნისი

ქ. თბილისი

ქ. თბილისის ადმინისტრაციულ საზღვრებში ადგილობრივი საქალაქო რეგულარული სამგზავრო გადაყვანის მიზნით ავტობუსების (M₃ კატეგორია) მარშრუტების სქემის დამტკიცების თაობაზე

„საავტომობილო ტრანსპორტის შესახებ“ საქართველოს კანონის პირველი მუხლის მე-11 პუნქტის, „საქართველოს დედაქალაქის – თბილისის შესახებ“ საქართველოს კანონის 9¹ მუხლის მე-2 პუნქტის „ი“ ქვეპუნქტის, 23¹ მუხლის „თ” პუნქტისა და 28-ე მუხლის მე-2 პუნქტის, „ნორმატიული აქტების შესახებ“ საქართველოს კანონის მე-2 მუხლის მე-3 პუნქტის, მე-3 მუხლის მე-3 პუნქტის, 22-ე მუხლის მე-2 პუნქტისა და 25-ე მუხლის, ქ. თბილისის საკრებულოს 2006 წლის 12 ოქტომბრის №1-1 გადაწყვეტილებით დამტკიცებული ქ. თბილისის მერიის დებულების მე-14 მუხლის „თ” ქვეპუნქტის, „ტექნიკური რეგლამენტის „სხვადასხვა კატეგორიის ავტოსატრანსპორტო საშუალების ტესტირების პერიოდულობა“ დამტკიცების თაობაზე“ საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის უფროსის 2007 წლის 14 ივნისის №36 ბრძანებით დამტკიცებული დანართი 1-ის შესაბამისად, ქ. თბილისის მთავრობა ადგენს:

1. დამტკიცდეს ქ. თბილისის ადმინისტრაციულ საზღვრებში ადგილობრივი საქალაქო რეგულარული სამგზავრო გადაყვანის მიზნით ავტობუსების (M₃ კატეგორია) მარშრუტები, დანართის შესაბამისად.

2. ძალადაკარგულად გამოცხადდეს „ქ. თბილისის ადმინისტრაციულ საზღვრებში საავტობუსო სამარშრუტო სქემის დამტკიცების თაობაზე“ ქ. თბილისის მთავრობის 2010 წლის 30 მარტის №08.01.381 დადგენილება.

3. დადგენილება ამოქმედდეს გამოქვეყნებისთანავე.

ქ. თბილისის მერი      გ. უგულავა