ადგილობრივი (ქონების) გადასახადის შემოღებისა და მისი განაკვეთების შესახებ“ ზუგდიდის მუნიციპალიტეტის საკრებულოს 2011 წლის 31 მარტის N11 დადგენილებაში ცვლილებისა და დამატების შეტანის თაობაზე

ზუგდიდის მუნიციპალიტეტის საკრებულოს

დადგენილება №19

2011 წლის 16 მაისი

ქ. ზუგდიდი                           

,,ადგილობრივი (ქონების) გადასახადის შემოღებისა და მისი განაკვეთების შესახებ“ ზუგდიდის მუნიციპალიტეტის საკრებულოს 2011 წლის 31 მარტის №11 დადგენილებაში ცვლილებისა და დამატების შეტანის თაობაზე

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის, საქართველოს საგადასახადო კოდექსის მე-7 მუხლის პირველი ნაწილის, „ნორმატიული აქტების შესახებ“ საქართველოს კანონის მე-20 მუხლისა და „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე“ საქართველოს მთავრობის 2010 წლის 23 დეკემბრის №394 დადგენილების შესაბამისად:

ზუგდიდის მუნიციპალიტეტის საკრებულომ დაადგინა:

1. შეტანილ იქნეს ცვლილება და დამატება ,,ადგილობრივი (ქონების) გადასახადის შემოღებისა და მისი განაკვეთების შესახებ“ ზუგდიდის მუნიციპალიტეტის საკრებულოს 2011 წლის 31 მარტის №11 დადგენილებაში ( სსმ 08.04.2011 წ.), კერძოდ:

ა) დადგენილების №1 დანართის მე-4 მუხლი ჩამოყალიბდეს შემდეგი რედაქციით:

   ,,მუხლი 4

სასოფლო-სამეურნეო დანიშნულების მიწის ერთ ჰექტარზე ქონების გადასახადის წლიური განაკვეთი კარგი და მწირი ხარისხის მიწებისათვის განისაზღვროს:

ა) სახნავი და სხვა მიწებისათვის _ 77 ლარი;

ბ) საკარმიდამო მიწებისათვის _ 77 ლარი;

გ) გაკულტურებულ სათიბებზე _ 20 ლარი;

დ) გაკულტურებულ საძოვრებზე _ 16 ლარი;

ე) სათიბებზე (გარდა გაკულტურებული სათიბებისა) – 18 ლარი;

ვ) საძოვრებზე (გარდა გაკულტურებული საძოვრებისა) – 15 ლარი. ‘’

დადგენილება ამოქმედდეს კანონმდებლობით დადგენილი წესით გამოქვეყნებისთანავე.

გრ. სხულუხია

საკრებულოს თავმჯდომარის მოადგილე

საკრებულოს თავმჯდომარის მ/შ