„საქართველოს თავდაცვის სამინისტროს უწყებრივი მედლების დამტკიცების შესახებ” საქართველოს თავდაცვის მინისტრის 2008 წლის 16 აპრილის №223 ბრძანებაში ცვლილების შეტანის თაობაზე

საქართველოს თავდაცვის მინისტრის

ბრძანება №364

2011 წლის 18 მაისი

ქ. თბილისი

,,საქართველოს თავდაცვის სამინისტროს უწყებრივი მედლების დამტკიცების შესახებ” საქართველოს თავდაცვის მინისტრის 2008 წლის 16 აპრილის №223 ბრძანებაში ცვლილების შეტანის თაობაზე

 „ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საქართველოს თავდაცვის სამინისტროს უწყებრივი მედლების დამტკიცების შესახებ” საქართველოს თავდაცვის მინისტრის 2008 წლის 16 აპრილის №223 ბრძანებით (სსმ, 18.04.2008, №59 მუხ. 675) დამტკიცებულ:

1. №5 დანართს დაემატოს მე-6 პუნქტი შემდეგი რედაქციით:

„6. სა­ქარ­თვე­ლოს თავ­დაც­ვის მი­ნის­ტრის გადაწყვეტილებით მედ­ლით „ქაქუცა ჩოლოყაშვილი“ შესაძლებელია დაჯილდოვდნენ აგრეთვე უცხო ქვეყნის მოქალაქეები (სამხედრო მოსამსახურეები და სამოქალაქო პირები), რომლებთაც დიდი მნიშვნელობა გააჩნიათ საქართველოსა და უცხო ქვეყანას შორის სამხედრო თანამშრომლობის განვითარების საკითხებში.”.

2. №7 დანართს დაემატოს მე-6 პუნქტი შემდეგი რედაქციით:

„6. სა­ქარ­თვე­ლოს თავ­დაც­ვის მი­ნის­ტრის გადაწყვეტილებით მედ­ლით „გენერალი კვინიტაძე“ შესაძლებელია დაჯილდოვდნენ აგრეთვე უცხო ქვეყნის მოქალაქეები (სამხედრო მოსამსახურეები და სამოქალაქო პირები), რომლებთაც დიდი მნიშვნელობა გააჩნიათ საქართველოსა და უცხო ქვეყანას შორის სამხედრო თანამშრომლობის განვითარების საკითხებში.”.

3. №9 დანართს დაემატოს მე-6 პუნქტი შემდეგი რედაქციით:

„6. სა­ქარ­თვე­ლოს თავ­დაც­ვის მი­ნის­ტრის გადაწყვეტილებით მედ­ლით ’’სამ­შვი­დო­ბო ოპერაციებში მო­ნა­წი­ლე­ო­ბი­სათ­ვის” შესაძლებელია დაჯილდოვდნენ აგრეთვე უცხო ქვეყნის მოქალაქეები (სამხედრო მოსამსახურეები და სამოქალაქო პირები) საქართველოს სამხედრო მოსამსახურეებთან ერთად სამშვიდობო ოპერაციებში მონაწილეობისათვის.”.

4. №10 დანართს დაემატოს მე-6 პუნქტი შემდეგი რედაქციით:

„6. სა­ქარ­თვე­ლოს თავ­დაც­ვის მი­ნის­ტრის გადაწყვეტილებით მედ­ლით „გენერალი მაზნიაშვილი“ შესაძლებელია დაჯილდოვდნენ აგრეთვე, უცხო ქვეყნის მოქალაქეები (სამხედრო მოსამსახურეები და სამოქალაქო პირები), რომლებთაც დიდი მნიშვნელობა გააჩნიათ საქართველოსა და უცხო ქვეყანას შორის სამხედრო თანამშრომლობის განვითარების საკითხებში.”.

მუხლი 2. ბრძანება ამოქმედდეს გამოქვეყნებისთანავე.      

ბ. ახალაია