„ვეტერინარული დანიშნულების პრეპარატების სარეგისტრაციო მოწმობის ფორმის დამტკიცების თაობაზე" საქართველოს სოფლის მეურნეობის მინისტრის 2008 წლის 17 ნოემბრის N2–157 ბრძანებაში ცვლილებების შეტანის შესახებ

საქართველოს სოფლის მეურნეობის მინისტრის

ბრძანება №2-75

2011 წლის 16 მაისი

ქ. თბილისი

„ვეტერინარული დანიშნულების პრეპარატების სარეგისტრაციო მოწმობის ფორმის დამტკიცების თაობაზე“ საქართველოს სოფლის მეურნეობის მინისტრის           2008 წლის 17 ნოემბრის №2–157 ბრძანებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „ვეტერინარული დანიშნულების პრეპარატების სარეგისტრაციო მოწმობის ფორმის დამტკიცების თაობაზე“ საქართველოს სოფლის მეურნეობის მინისტრის 2008 წლის 17 ნოემბრის №2–157 ბრძანებაში (სსმ III, 25.11.2008, №167, მუხლი 1693) შეტანილ იქნეს ცვლილებები:

1. ბრძანების პირველი პუნქტის „ა“ ქვეპუნქტით დამტკიცებული ვეტერინარული დანიშნულების პრეპარატის სარეგისტრაციო მოწმობის ფორმა (დანართი №1) დამტკიცდეს თანდართული რედაქციით.

2. ბრძანების პირველი პუნქტის „გ“ ქვეპუნქტით დამტკიცებული ვეტერინარული დანიშნულების პრეპარატების სარეგისტრაციო მოწმობის აღრიცხა-ანგარიშგების (დანართი №3) წესის:

ა) პირველი მუხლის პირველი პუნქტი ჩამოყალიბდეს შემდეგი რედაქციით:

„1. ვეტერინარული დანიშნულების პრეპარატების სარეგისტრაციო მოწმობების (შემდგომში – მოწმობა) დამზადებას სააგენტო ახორციელებს დამოუკიდებლად ,,მკაცრი აღრიცხვის ფორმების შესახებ“ საქართველოს კანონის თანახმად, კანონმდებლობის შესაბამისად შერჩეულ პოლიგრაფიულ საწარმოში.“;

ბ) პირველი მუხლის მე-3 და მე-4 პუნქტები ჩამოყალიბდეს შემდეგი რედაქცით:

„3. სააგენტოს მიერ მოწმობების გაცემა, დაბრუნება და გაუქმება აღირიცხება ვეტერინარული დანიშნულების პრეპარატების სარეგისტრაციო მოწმობების აღრიცხვის ჟურნალში“ (დანართი №2).

4. აღრიცხვა-ანგარიშგებაზე პასუხისმგებელი პირი განცხადების საფუძველზე გადასცემს მოწმობებს სააგენტოს იმ თანამშრომელს, რომელიც უფლებამოსილია გასცეს მოწმობები.“;

გ) მე-2 მუხლი პირველი პუნქტი ჩამოყალიბდეს შემდეგი რედაქციით:

„1. მოწმობები ინახება მათ აღრიცხვა-ანგარიშგებაზე უფლებამოსილ პირებთან „მკაცრი აღრიცხვის ფორმების შესახებ“ საქართველოს კანონის შესაბამისად.“;

დ) მე-3 მუხლის პირველი პუნქტი ჩამოყალიბდეს შემდეგი რედაქციით:

„1. მოწმობებს ავსებს სააგენტოს უფლებამოსილი პირი.“

ე) მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. მოწმობის ერთი ეგზემპლარი რჩება სააგენტოში, ერთი ეგზემპლარი გადაეცემა განმცხადებელს.“

ვ) მე-5 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. მოწმობების შენახვაზე, აღრიცხვაზე და გაცემაზე კონტროლს ახორციელებს სააგენტო.

2. სააგენტო ყოველი კალენდარული წლის ბოლოს ახდენს მკაცრი მოწმობების ინვენტარიზაციას კანონმდებლობით დადგენილი წესით.“

მუხლი 2. ბრძანება ამოქმედდეს გამოქვეყნებისთანავე.

ბ. კვეზერელი

დანართი №1

საქართველოს სოფლის მეურნეობის სამინისტრო

საჯარო სამართლის იურიდიული პირი

სურსათის ეროვნული სააგენტო

ვეტერინარული დანიშნულების პრეპარატის

სარეგისტრაციო მოწმობა № 000000

ვეტერინარული დანიშნულების პრეპარატის დასახელება

_________________________________________________________________________

საერთაშორისო არაპატენტირებული დასახელება

_________________________________________________________________________

ფორმა, დოზა, კონცენტრაცია და შეფუთვაში არსებული რაოდენობა

_________________________________________________________________________

მწარმოებელი ქვეყანა

_________________________________________________________________________

განკუთვნილია (ცხოველის სახეობა)

_________________________________________________________________________

მფლობელი (ფიზიკური/იურიდიული პირის დასახელება და მისამართი)

რეგისტრაციის თარიღი: .................... მოქმედების ვადა: ........................

უფლებამოსილი პირი

ხელმოწერა                                                                                             ბ.ა.

სფს-ს №

დამკვეთი: სურსათის ეროვნული სააგენტო

დამამზადებელი: