ცენტრალური ბიუჯეტის დაფინანსებაზე მყოფ ორგანიზაციათა მიერ დადებული ხელშეკრულებების (კონტრაქტების) რეგისტრაციის წესის შესახებ

სახელმწიფო სარეგისტრაციო კოდი 190.020.010.11.117.004.636

საქართველოს ფინანსთა მინისტრის

ბრძანება №18

2001 წლის 29 იანვარი

ქ. თბილისი

ცენტრალური ბიუჯეტის დაფინანსებაზე მყოფ ორგანიზაციათა მიერ დადებული ხელშეკრულებების (კონტრაქტების) რეგისტრაციის წესის შესახებ

საქართველოს პრეზიდენტის 2000 წლის 12 დეკემბრის №523 ბრძანებულების მე-7 პუნქტის შესასრულებლად, საქართველოს ცენტრალური ბიუჯეტის დაფინანსებაზე მყოფ ორგანიზაციათა მომსახურე სუბიექტების მიმართ არსებული დავალიანებათა შემცირებისა და მათი შემდგომი ზრდის თავიდან აცილების მიზნით, ვბრძანებ:

1. ეთხოვოს ცენტრალური ბიუჯეტის დაფინანსებაზე მყოფ ორგანიზაციებს სახაზინო სამსახურში რეგისტრაციაში გასატარებლად წარმოადგინონ ხელშეკრულებები (კონტრაქტები), რომელთა თანხის ოდენობა განისაზღვრება 5000 ლარზე ზევით.

2. დაევალოს ფინანსთა სამინისტროს სახაზინო სამსახურს ცენტრალური ბიუჯეტის დაფინანსებაზე მყოფ ორგანიზაციებსა და მომსახურე სუბიექტებს შორის რეგისტრირებული ხელშეკრულებების (კონტრაქტების) მიხედვით შეადგინოს ვალდებულებათა დაფარვის გრაფიკი ყოველთვიური საპროგნოზო მაჩვენებლების გათვალისწინებით.

3. ცენტრალური ბიუჯეტის დაფინანსებაზე მყოფმა ყველა ორგანიზაციამ სახაზინო სამსახურში წარმოადგინონ ის ხელშეკრულებები, რომელთა დაფარვა უნდა მოხდეს ხერჯების ეკონომიკური კლასიფიკაციის იმ მუხლებიდან, რომლებიც გათვალსწინებულია საქართველოს პრეზიდენტის 2000 წლის 12 დეკემბრის №523 და 2001 წლის 18 იანვრის №16 ბრძანებულებებში.

4. სახაზინო სამსახურმა ფინანსთა მინისტრის ბრძანების საფუძველზე შექმნილ ცენტრალური ბიუჯეტის ხარჯების ძირითადი პარამეტრების მიხედვით განაწილების დროებით კომისიას წარუდგინოს საბიუჯეტო ორგანიზაციასა და მომსახურე სუბიექტს შორის გაფორმებული ხელშეკრულება (კონტრაქტი) . კიმისია განიხილავს არ უგვიანეს ერთი თვის ვადაში ხელშეკრულებათა პროექტებს და საბიუჯეტი ხარჯების კვარტალური განწერისა და შესაბამისი წლის სახელწმიფო ბიუჯეტის შესახებ კანონით განსაზღვრული პრიორიტეტების გათვალისწინებით, აგრეთვე შემოსავლების საპროგნოზო მაჩვენებელთა შესაბამისად იღებს გადაწყვეტილებას მათი რეგისტრაციაში გატარების შესახებ.

5. იმის გამო, რომ შემოსავლების საპროგნოზო მაჩვენებლების გათვალისწინებით შესაძლებელია გადავადდეს ან უარი ეთქვას ხელშეკრულების რეგისტრაციაზე, ვადაგადაცილებული ვალდებულებების დაგროვების თავიდან აცილების მიზნით, მიეცეს რეკომენდაცია ცენტრალური ბიუჯეტის დაფინანსებაზე მყოფ ორგანიზაციებს, რათა ხელშეკრულებაში გაითვალისწინონ მუხლი, რომლის შესაბამისადაც იგი ძალაში შევა მხოლოდ სახაზინო სამსახურში რეგისტრაციის შემდეგ.

6. ხელშეკრულების (კონტრქტების) პირობებზე პასუხისმგებელია საბიუჯეტო ორგანიზაცია და მომსახურე სუბიექტი.

7. ხელშეკრულების (კონტრაქტების) რეგისტრაცია განხორციელდეს №1 დანართში მოცემული ფორმის შესაბამისად, რომელიც დამოწმებული იქნება სპეციალური ბეჭდით და სახაზინო სამსახურის უფროსის ხელმოწერით.

8. შესაბსამისი სარეგისტრაციო ფორმის წარუდგენლობის შემთხვევაში სახაზინო სამსახურის საოპერაციო დეპარტამენტისა და რეგიონალური ხაზინების მიერ არ იქნეს განაღდებული ცენტრალური ბიუჯეტის დაფინანსებაზე მყოფი ორგანიზაციების მიერ წარდგენილი საგადასახადო დავალებები, რომელთა თანხოს ოდენობა აღემატება 5000 ლარს და რომელთა განაღდება უნდა მოხდეს ხარჯების კლასიფიკაციის იმ მუხლებიდან, რომლებიც განსაზღვრულია საქართველოს პრეზიდენტის 2000 წლის 12 დეკემბრის №523 ბრძანებულებით.

9. სახაზინო სამსახურის საოპერაციო დეპარტამენტმა და რეგიონალურმა ხაზინებმა ყოველთვიურად წარმოადგინონ ინფორმაცია რეგისტრირებული ხელშეკრულებების შესაბამისად გატარებული თანხების შესახებ, სახაზინო სამსახურის სამართლებრიბვი უზრუნველყოფისა და შიდა აუდიტის დეპარტამენტში.

10. „საბიუჯეტო სისტემისა და საბიუჯეტო უფლებამოსილებათა შესახებ” საქართველოს კანონის მე-17 მუხლის შესაბამისად, საქართველოს პარლამენტის მიერ საგანგებო ბიუჯეტის შემოღების შემთხვევაში წინემდებარე წესი არ მოქმედებს.

საფუძველი: საქართველოს პრეზიდენტის 2000 წლის 12 დეკემბრის №523 ბრძანებულება

ზ. ნოღაიდელი

სახაზინო სამსახურის უფროსი                                                 დავით რამიშვილი

კონტრაქტების რეგისტრაციის

სამმართველოს უფროსი                                                 ვალენტი ფირცხალაიშვილი