,,სკოლის გამოსაშვები გამოცდების ჩატარების წესის და პირობების დამტკიცების შესახებ’’ საქართველოს განათლებისა და მეცნიერების მინისტრის 2011 წლის 7 აპრილის №48/ნ ბრძანებაში ცვლილებისა და დამატების შეტანის თაობაზე

საქართველოს განათლებისა და მეცნიერების მინისტრის

ბრძანება №83/ნ

2011 წლის 13 მაისი

ქ. თბილისი

,,სკოლის გამოსაშვები გამოცდების ჩატარების წესის და პირობების დამტკიცების შესახებ’’ საქართველოს განათლებისა და მეცნიერების მინისტრის 2011 წლის 7 აპრილის №48/ნ ბრძანებაში ცვლილებისა და დამატების შეტანის თაობაზე

,,ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე, ვბრძანებ:

მუხლი 1. ,,სკოლის გამოსაშვები გამოცდების ჩატარების წესის და პირობების დამტკიცების შესახებ’’  საქართველოს განათლებისა და მეცნიერების მინისტრის 2011 წლის 7 აპრილის №48/ნ ბრძანებით (სსმ, 07.04.2011წ.) დამტკიცებულ ,,სკოლის გამოსაშვები გამოცდების ჩატარების წესი და პირობებში” შეტანილ იქნეს შემდეგი ცვლილება და დამატება:

ა) მე-11 მუხლის მე-4 პუნქტი ჩამოყალიბდეს შემდეგი რედაქციით:

,,4. გამოცდაზე გამოუცხადებლობა პირს ართმევს უფლებას მოითხოვოს დამატებითი გამოცდის ჩატარება.”;

ბ) მე-11 მუხლს დაემატოს შემდეგი შინაარსის  4¹ პუნქტი:

,,4¹. ობიექტური მიზეზით პირის გამოცდაზე გამოუცხადებლობის შემთხვევაში, მინისტრი უფლებამოსილია მიიღოს გადაწყვეტილება პირისათვის დამატებითი  გამოცდის დანიშვნის შესახებ.”.

მუხლი 2. ბრძანება ამოქმედდეს გამოქვეყნებისთანავე.

დ. შაშკინი