საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული პირის - საგანმანათლებლო დაწესებულების მანდატურის სამსახურის მანდატურობის კანდიდატების მოსამზადებელი კურსების დამტკიცების შესახებ

საქართველოს შინაგან საქმეთა მინისტრისა და საქართველოს განათლებისა

და მეცნიერების მინისტრის ერთობლივი

ბრძანება №373–№58/ნ

2011 წლის 3 მაისი – 29 აპრილი

ქ. თბილისი

საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული პირის – საგანმანათლებლო დაწესებულების მანდატურის სამსახურის   მანდატურობის კანდიდატების მოსამზადებელი კურსების დამტკიცების შესახებ

„ზოგადი განათლების შესახებ”  საქართველოს კანონის 48¹ მუხლის მე-3 პუნქტის საფუძველზე,                                                          ვბრძანებთ:

1. დამტკიცდეს საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული პირის – საგანმანათლებლო დაწესებულების მანდატურის  სამსახურის   მანდატურობის კანდიდატების მოსამზადებელი კურსები დანართის შესაბამისად.

2. ბრძანება აქმოქმედდეს გამოქვეყნებისთანავე.

ი. მერაბიშვილი

დ.   შაშკინი

საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული  პირის – საგანმანათლებლო დაწესებულების მანდატურის სამსახურის   მანდატურობის კანდიდატების მოსამზადებელი კურსები

საჯარო სამართლის იურიდიული  პირის – საგანმანათლებლო დაწესებულების მანდატურის  სამსახურის   მანდატურობის კანდიდატების მოსამზადებელი კურსები შედგება შემდეგი თემატიკისაგან:

ა) ეფექტური კომუნიკაცია;

ბ) ბავშვის ფსიქოლოგია;

გ) საქართველოს ადმინისტრაციულ სამართალდარღვევათა კოდექსი;

დ) სისხლის სამართალი;

ე) ადამიანის უფლებები;

ვ) პირველადი სამედიცინო დახმარება;

ზ) ძალისა და სპეციალური საშუალებების გამოყენება;

თ) საჯარო სკოლის სტრუქტურა;

ი) სამოქალაქო თავდაცვა;

კ) ინფორმატიკა;

ლ) საქმისწარმოება;

მ) ნარკოტიკული საშუალებები.

შენიშვნა:

ა) სწავლების მეთოდიკასა და საათობრივ დატვირთვას განსაზღვრავს საჯარო სამართლის იურიდიული პირი – საქართველოს შინაგან საქმეთა სამინისტროს აკადემია;

ბ) საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული  პირის – საგანმანათლებლო დაწესებულების მანდატურის სამსახურის  მანდატურობის კანდიდატების მოსამზადებელი კურსები ითვალისწინებს საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის მიერ მოსამზადებელი კურსების მიმდინარეობისას საგანმანათლებლო დაწესებულების მანდატურის სამსახურის  მანდატურობის კანდიდატების კვებას.