დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „შიდა აუდიტთან დაკავშირებული საკითხების განმხილველი საბჭოს შექმნის, მისი დებულების დამტკიცებისა და ამ საბჭოში არსებული სამდივნოს უფლება-მოვალეობათა განსაზღვრის შესახებ“ საქართველოს მთავრობის 2010 წლის 9 ნოემბრის №345 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 193 |
| დოკუმენტის მიმღები | საქართველოს მთავრობა |
| მიღების თარიღი | 28/04/2011 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 110503008, 03/05/2011 |
| ძალის დაკარგვის თარიღი | 30/12/2015 |
| სარეგისტრაციო კოდი | 040030000.10.003.016353 |
საქართველოს მთავრობის
დადგენილება №193
2011 წლის 28 აპრილი
ქ. თბილისი
„შიდა აუდიტთან დაკავშირებული საკითხების განმხილველი საბჭოს შექმნის, მისი დებულების დამტკიცებისა და ამ საბჭოში არსებული სამდივნოს უფლება-მოვალეობათა განსაზღვრის შესახებ“ საქართველოს მთავრობის 2010 წლის 9 ნოემბრის №345 დადგენილებაში ცვლილების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „შიდა აუდიტთან დაკავშირებული საკითხების განმხილველი საბჭოს შექმნის, მისი დებულების დამტკიცებისა და ამ საბჭოში არსებული სამდივნოს უფლება-მოვალეობათა განსაზღვრის შესახებ“ საქართველოს მთავრობის 2010 წლის 9 ნოემბრის №345 დადგენილებაში (სსმ, №148, 12/11/2010) შეტანილ იქნეს ცვლილება და ამ დადგენილებით დამტკიცებული შიდა აუდიტთან დაკავშირებული საკითხების განმხილველი საბჭოს დებულების და ამ საბჭოში არსებული სამდივნოს უფლება-მოვალეობების მე-2 მუხლის მე-2 და მე-4 პუნქტები ჩამოყალიბდეს შედეგი რედაქციით:
„2. საბჭოს ხელმძღვანელობს/ხელმძღვანელობენ საბჭოს თავმჯდომარე/თანათავმჯდომარეები, რომელიც/რომლებიც:
ა) უძღვება/უძღვებიან საბჭოს საქმიანობას;
ბ) ამტკიცებს/ამტკიცებენ საბჭოს სამუშაო განრიგს;
გ) იწვევს/იწვევენ და წარმართავს/წარმართავენ საბჭოს სხდომებს;
დ) წარმოადგენს/წარმოადგენენ საბჭოს მესამე პირებთან ურთიერთობაში;
ე) უზრუნველყოფს/უზრუნველყოფენ საბჭოს ფუნქციონირებისათვის საჭირო სხვა ღონისძიებების განხორციელებას.
3. საბჭოს თავმჯდომარის/თანათავმჯდომარეების არყოფნის შემთხვევაში საბჭოს თავმჯდომარის მოვალეობას ასრულებს საბჭოს თავმჯდომარის მოადგილე.
4. საბჭოს სხდომები იმართება საჭიროებისამებრ, საბჭოს თავმჯდომარის/ თანათავმჯდომარეების გადაწყვეტილებით, ხოლო მისი/მათი არყოფნის შემთხვევაში – საბჭოს თავმჯდომარის მოადგილის გადაწყვეტილებით. საბჭოს სხდომის მოწვევის უფლება აქვს საბჭოს თითოეულ წევრს.“.
მუხლი 2. დადგენილება ამოქმედდეს 2011 წლის 2 მაისიდან.
პრემიერ-მინისტრი ნ. გილაური
დოკუმენტის კომენტარები