„ბაღდათის მუნიციპალიტეტის ტერიტორიაზე ადგილობრივი გადასახადის შემოღების შესახებ“ ბაღდათის მუნიციპალიტეტის საკრებულოს 2011 წლის 30 მარტის №52 დადგენილებაში ცვლილებების და დამატებების შეტანის თაობაზე

ბაღდათის მუნიციპალიტეტის საკრებულოს

დადგენილება №55

2011 წ ლის 2 მაისი

ქ. ბაღდათი

 „ბაღდათის მუნიციპალიტეტის ტერიტორიაზე ადგილობრივი გადასახადის შემოღების შესახებ“ ბაღდათის მუნიციპალიტეტის საკრებულოს 2011 წლის 30 მარტის №52 დადგენილებაში ცვლილებების და დამატებების შეტანის თაობაზე

„ადგილობრივი თვითმმართველობის შესახებ" საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის, საქართველოს საგადასახადო კოდექსის მე-7 მუხლის პირველი ნაწილისა და „სასოფლო-სამეურნეო დანიშნულების მიწაზე ქონების გადასახადის წლიური საბაზო განაკვეთების დამტკიცების თაობაზე“ საქართველოს მთავრობის 2010 წლის 23 დეკემბრის №394 დადგენილების შესაბამისად „ბაღდათის მუნიციპალიტეტის ტერიტორიაზე ადგილობრივი გადასახადის შემოღების შესახებ“ ბაღდათის მუნიციპალიტეტის 2011 წლის 30 მარტის №52 დადგენილებაში შეტანილი იქნეს ცვლილებები და დამატებები :

ბაღდათის მუნიციპალიტეტის საკრებულომ დაადგინა:

მუხლი 1. დადგენილებაში შევიდეს შემდეგი ცვლილებები:

№52 დადგენილების პირველი მუხლით დამტკიცებული დანართის მე-5 და მე -9 მუხლები ჩამოყალიბდეს შემდეგი რედაქციით;

     „მუხლი 5.

სათიბები და საძოვრების ერთ ჰექტარზე ქონების გადასახადის წლიური განაკვეთებია:

 ა) სათიბები (მათ შორის გაკულტურებული) – 17 ლარი;

 ბ) საძოვრები(მათ შორის გაკულტურებული) – 13 ლარი“.

     „მუხლი 9

ქონების გადასახადისგან გათავისუფლდეს:

ა) საცხოვრებელი სახლზე მიმაგრებული მიწის ნაკვეთები;

ბ) მრავალბინიან სახლში მცხოვრები ფიზიკური პირის თანასაკუთრებაში არსებული ფართობის პროპორციულად განსაზღვრული მიწის ნაკვეთი.

გ) ავტოფარეხზე მიმაგრებული მიწის ნაკვეთები;

დ) ბაღდათის მუნიციპალიტეტის ტერიტორიაზე მდებარე საკარმიდამო ნაკვეთები (საკარმიდამო, საბაღე, საბოსტნე და სააგარაკო სასოფლო-სამეურნეო დანიშნულების მიწის ნაკვეთები).“.

    მუხლი 2

ეს დადგენილება ამოქმედდეს გამოქვეყნებისთანავე და მისი მოქმედება გავრცელდეს 2011 წლის 31 მარტიდან წარმოშობილ ურთიერთობებზე.

საკრებულოს თავმჯდომარე               გ. რობაქიძე