„შვილად აყვანის პროცედურებისა და ფორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2010 წლის 26 თებერვლის N50/ნ ბრძანებაში დამატების შეტანის შესახებ“

 საქართველოს შრომის, ჯანმრთელობისა და სოციალური დაცვის მინისტრის

ბრძანება №01-18/ნ

2011 წლის 20 აპრილი

ქ. თბილისი

„შვილად აყვანის პროცედურებისა და ფორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის                   2010 წლის 26 თებერვლის  №50/ნ ბრძანებაში დამატების შეტანის შესახებ

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „შვილად აყვანის პროცედურებისა და ფორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2010 წლის 26 თებერვლის  №50/ნ ბრძანების (სსმ III, 26.02.2010, №23, მუხ. 311) მე-3 პუნქტით დამტკიცებულ ,,ბავშვის შვილად აყვანის მსურველ პირთა განცხადების ფორმას“ (დანართი  №3) დაემატოს „13¹“ პუნქტი შემდეგი რედაქციით:

„13¹) შვილის ყოლის მიზნით ალტერნატიული შემოთავაზების შემთხვევაში ხართ თუ არა თანახმა თქვენი ვინაობის შესახებ ინფორმაცია გახდეს ხელმისაწვდომი მესამე პირისათვის აღნიშნული შემოთავაზების მისაღებად?

□ კი;       □ არა;

*ეს პუნქტი ივსება მხოლოდ იმ შემთხვევაში, თუ შვილის აყვანის მსურველი ქალის ასაკი არ აღემატება 40 წელს.“.

მუხლი 2. ბრძანება ამოქმედდეს გამოქვეყნებისთანავე.

ა. ურუშაძე