დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს პარლამენტის რეგლამენტში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 1359 |
დოკუმენტის მიმღები | საქართველოს პარლამენტი |
მიღების თარიღი | 10/04/2002 |
დოკუმენტის ტიპი | საქართველოს პარლამენტის დადგენილება |
გამოქვეყნების წყარო, თარიღი | სსმ, 40, 26/04/2002 |
ძალის დაკარგვის თარიღი | 05/04/2004 |
სარეგისტრაციო კოდი | 000000000.00.000.000000 |
საქართველოს პარლამენტის დადგენილება
საქართველოს პარლამენტის რეგლამენტში ცვლილებებისა და დამატებების შეტანის თაობაზე
მუხლი 1
საქართველოს პარლამენტის რეგლამენტში (პარლამენტის უწყებანი, №13-14, 8.04.1998) შეტანილ იქნეს შემდეგი ცვლილებები და დამატებები:
1. 178-ე მუხლის:
ა) პირველ პუნქტს სიტყვების „იმპიჩმენტის წესით” შემდეგ დაემატოს სიტყვა „თანამდებობიდან”, ხოლო სიტყვა „ბრალდების” ამოღებულ იქნეს;
ბ) მე-2 პუნქტში სიტყვები „საქართველოს პრეზიდენტის მიმართ წაყენებული ბრალდება” შეიცვალოს სიტყვით „წარდგინება”, ხოლო სიტყვა „მითითებებს” – სიტყვით „ბრალდებას”;
გ) მე-3 პუნქტიდან სიტყვები „და საქართველოს პრეზიდენტისათვის წაყენებულ ბრალდებას” ამოღებულ იქნეს;
დ) მე-4 პუნქტი ჩამოყალიბდეს შემდეგი რედაქციით:
„4. დასკვნის განხილვაში პარლამენტის მოწვევით შეიძლება მონაწილეობდეს ის თანამდებობის პირი, რომლის იმპიჩმენტის წესით თანამდებობიდან გადაყენების საკითხიც არის აღძრული, ხოლო განხილვაზე ამ პირის დასწრების შეუძლებლობის შემთხვევაში – მისი წარმომადგენელი.”.
2. 179-ე მუხლის პირველ პუნქტში სიტყვები „საქართველოს პრეზიდენტის მიმართ ბრალდების” შეიცვალოს სიტყვებით „მიღებული დასკვნის”.
3. 181-ე მუხლის:
ა) პირველი პუნქტი ჩამოყალიბდეს შემდეგი რედაქციით:
„1. საქართველოს კონსტიტუციის დარღვევის, სახელმწიფო ღალატისა და სისხლის სამართლის სხვა დანაშაულის ჩადენისათვის იმპიჩმენტის წესით უზენაესი სასამართლოს თავმჯდომარის, მთავრობის წევრების, გენერალური პროკურორის, კონტროლის პალატის თავმჯდომარის და ეროვნული ბანკის საბჭოს წევრების გადაყენების საკითხის აღძვრის უფლება აქვს პარლამენტის სრული შემადგენლობის არანაკლებ ერთ მესამედს. წარდგინება უნდა შეიცავდეს კონკრეტულ ბრალდებას შესაბამისი თანამდებობის პირის მიერ საქართველოს კონსტიტუციის დარღვევის ან ჩადენილი დანაშაულის შემადგენლობის ნიშნებზე. წარდგინება დასკვნისათვის გადაეცემა საკონსტიტუციო სასამართლოს ან უზენაეს სასამართლოს.”;
ბ) მე-2 პუნქტში სიტყვა „შესაბამისად” შეიცვალოს სიტყვებით „თავისი დასკვნით”.
4. რეგლამენტს დაემატოს შემდეგი შინაარსის 1811 მუხლი:
„1811. წარდგინებაზე ხელმოწერათა დამოწმება ხდება სანოტარო წესით ან შემდეგნაირად: თანამდებობის პირის იმპიჩმენტის წესით გადაყენების საკითხის აღძვრისათვის წერილობითი მოთხოვნის – წარდგინების შედგენის შემდეგ პარლამენტის წევრი, ფრაქცია ან ფრაქციათა კოალიცია აკეთებს განცხადებას ხელმოწერათა შესრულების ადგილთან დაკავშირებით. საკითხის აღძვრიდან და შესაბამისი წარდგინების საპროცედურო საკითხთა და წესების კომიტეტში გადაცემიდან 3 დღის ვადაში კომიტეტის თავმჯდომარე ან მისი მოადგილე ამოწმებს და ხელმოწერითა და ბეჭდით ადასტურებს შესრულებული ხელმოწერების ნამდვილობას.”.
5. 182-ე მუხლს დაემატოს შემდეგი შინაარსის მე-4 პუნქტი:
„4. კონსტიტუციურ სარჩელზე ხელმოწერათა დამოწმება ხდება რეგლამენტის 1811 მუხლის შესაბამისად.”.
6. 183-ე მუხლში სიტყვები „ერთ მეხუთედს” შეიცვალოს სიტყვებით „ერთ მესამედს”.
მუხლი 2
ეს დადგენილება ამოქმედდეს გამოქვეყნებისთანავე.
საქართველოს პარლამენტის
თავმჯდომარის მოადგილე გ. წერეთელი
თბილისი,
2002 წლის 10 აპრილი.
№1359 – IIს
დოკუმენტის კომენტარები