საჯარო სამართლის იურიდიული პირის - საქართველოს ფინანსთა სამინისტროს აკადემიის შექმნის შესახებ

საქართველოს პრეზიდენტის

ბრძანებულება №212

2011 წლის 18 აპრილი

ქ. თბილისი

საჯარო სამართლის იურიდიული პირის – საქართველოს ფინანსთა სამინისტროს აკადემიის შექმნის შესახებ

,,საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის ,,ბ“ ქვეპუნქტის შესაბამისად:

1. საჯარო სამართლის იურიდიული პირის – შემოსავლების სამსახურის საფინანსო აკადემიის ბაზაზე შეიქმნას საჯარო სამართლის იურიდიული პირი – საქართველოს ფინანსთა სამინისტროს აკადემია (შემდეგში – აკადემია ).

2. აკადემიის სახელმწიფო კონტროლი განახორციელოს საქართველოს ფინანსთა სამინისტრომ.

3. საჯარო სამართლის იურიდიული პირის – შემოსავლების სამსახურის საფინანსო აკადემიის უფლებები და მის მიერ ნაკისრი მოვალეობები განახორციელოს აკადემიამ.

4. საქართველოს ფინანსთა სამინისტრომ უზრუნველყოს:

ა) ამ ბრძანებულების პირველი პუნქტის შესაბამისად, საჯარო სამართლის იურიდიული პირის – შემოსავლების სამსახურის სტრუქტურულ ცვლილებებთან დაკავშირებული კანონმდებლობით გათვალისწინებული ღონისძიებების განხორციელება;

ბ) აკადემიის დებულების დამტკიცება;

გ) აკადემიის ხელმძღვანელის დანიშვნა.

5. ძალადაკარგულად გამოცხადდეს ,,საჯარო სამართლის იურიდიული პირის - საქართველოს ფინანსთა სამინისტროს საფინანსო აკადემიის რეორგანიზაციის შესახებ” საქართველოს პრეზიდენტის 2011 წლის 25 იანვრის №41 ბრძანებულება.

6 . ეს ბრძანებულება, გარდა მე-4 პუნქტის ,,ა“ და ,,ბ“ ქვეპუნქტებისა , ამოქმედდეს 2011 წლის 20 აპრილიდან .

7 . ამ ბრძანებულების მე-4 პუნქტის ,,ა“ და ,,ბ“ ქვეპუნქტები ამოქმედდეს გამოქვეყნებისთანავე .

მ. სააკაშვილი