„საქართველოს შინაგან საქმეთა სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №672 ბრძანებულებით დამტკიცებულ დებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №208

2001 წლის 25 მაისი

ქ. თბილისი

„საქართველოს შინაგან საქმეთა სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №672 ბრძანებულებით დამტკიცებულ დებულებაში ცვლილებებისა და დამატებების შეტანის თაობაზე

„საქართველოს შინაგან საქმეთა სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №672 ბრძანებულებით დამტკიცებულ დებულებაში შეტანილ იქნეს შემდეგი ცვლილებები და დამატებები:

1. მე-7 პუნქტის „ზ“ ქვეპუნქტიდან ამოღებულ იქნეს სიტყვები „სასჯელისა და“.

2. მე-8 პუნქტში:

ა) ამოღებულ იქნეს „ზ“ ქვეპუნქტი.

3. მე-14  პუნქტის „დ“ ქვეპუნქტს სიტყვა „განყოფილებების“ შემ­დეგ დაემატოს სიტყვები: „საქვეუწყებო დაწესებულებების“.

4. VII თავი ჩამოყალიბდეს შემდეგი რედაქციით:

„VII. სამინისტროს სტრუქტურა

17. სამინისტროს სტრუქტურული ერთეულები და სამსახურებია:

1. კრიმინალური პოლიცია, რომლის შემადგენლობაშია:

ა) სისხლის სამართლის სამძებროს მთავარი სამმართველო,

ბ) კორუფციასთან და ეკონომიკურ დანაშაულთან ბრძოლის მთა­ვარი სამმართველო;

გ) ნარკომანიისა და ნარკობიზნესის წინააღმდეგ ბრძოლის ეროვნული ბიურო;

დ) ოპერატიული დაზვერვის მთავარი სამმართველო;

ე) ოპერატიულ-ტექნიკური უზრუნველყოფისა და სპეცტექნიკის სამმრთველო;

ვ) შსს წარმომადგენლობა დსთ-ის ქვეყნებში;

ზ) დროებითი დაკავების საკანი.

2. ადმინისტრაციული პოლიცია, რომლის შემადგენლობაშია:

ა) საზოგადოებრივი წესრიგის დაცვის მთავარი სამმართველო;

ბ) საგზაო პოლიციის მთავარი სამმართველო;

გ) ეკოლოგიის პოლიციის მთავარი სამმართველო;

დ) საპასპორტო-სავიზო და მოსახლეობის რეგისტრაციის ეროვ­ნული ბიურო.

3. საგამოძიებო დეპარტამენტი

4. სატრანსპორტო პოლიციის დეპარტამენტი

5. დაცვის პოლიციის დეპარტამენტი

6. საგანგებო სიტუაციებისა და სამოქალაქო თავდაცვის მთავარი სამმართველო

7. ხანძარსაწინააღმდეგო სამსახურის მთავარი სამმართველო

8. საექსპერტო-კრიმინალისტიკური მთავარი სამმართველო

9. „ინტერპოლის“ ეროვნული ცენტრალური ბიურო

10. გენერალ გ.გულუას სახელობის პოლიციის სპეციალური დანიშნულების სამსახური

11. შინაგანი ჯარები

12. სამინისტროს კონტროლის, კოორდინაციისა და უზრუნ­ველყოფის სამსახურები:

ა) შტაბი;

ბ) გენერალური ინსპექცია;

გ) კადრებისა და პირად შემადგენლობასთან მუშაობის მთავარი სამმართველო;

დ) იურიდიული სამმართველო;

ე) მატერიალურ-ტექნიკური და ფინანსური უზრუნველყოფის დეპარ­ტამენტი;

ვ) შინაგან საქმეთა სამინისტროს აკადემია;

ზ) ჯანმრთელობის დაცვის მთავარი სამმართველო;

თ) საქმეთა მმართველობა.“.

5. მე-18 და მე-19 პუნქტებში სიტყვები „პოლიციის დეპარ­ტამენტის“ შეიცვალოს სიტყვით „პოლიციის“.

6. 21-ე  პუნქტს დაემატოს სიტყვები „სამინისტროს კუთვნილი ტვირთის შეუფერხებელი გადაზიდვა“.

7. 22-ე პუნქტი ამოღებულ იქნეს.

8. 23-ე და 25-ე პუნქტებში სიტყვა „დეპარტამენტი“ შეიცვალოს „მთავარ სამმართველოდ“.

9. 28-ე პუნქტი ამოღებულ იქნეს.

10. 29-ე პუნქტში სიტყვები „სასჯელაღსრულებითი დაწესებუ­ლებების დაცვა, მსჯავრდებულთა და განსასჯელ პირთა ბადრაგობა“ ამოღებულ იქნეს.

11. 33-ე პუნქტი ჩამოყალიბდეს შემდეგი რედაქციით:

„კადრებსა და პირად შემადგენლობასთან მუშაობის მთავარი სამ­მართველოს ძირითადი ამოცანებია: სამინისტროს სისტემაში ერთიანი საკადრო პოლიტიკის განხორციელება, კადრების შემადგენლობის თვისებრივი გაუმჯობესება, მათი შერჩევა, განაწილება და პროფესიული დონის ამაღლება, საორგანიზაციო-საშტატო მუშაობის ორგანიზაცია, შემოსული განცხადებებისა და ინფორმაციების შემოწ­მება და სათანადო რეაგირება, შინაგან საქმეთა ორგანოების თანამშრომელთა უფლებების, პატივისა და ღირსების დაცვა“.

12. 34-ე პუნქტს დაემატოს სიტყვები „სამინისტროს კავშირ­გაბმულობის სისტემის ფუნქციონირების უზრუნველყოფა“.

13. 35-ე პუნქტში სიტყვა „სამსახური“ შეიცვალოს სიტყვით „სამმართველო“, ხოლო ბოლოში დაემატოს სიტყვები „საჯარო რე­ესტრის წარმოება და საჯარო ინფორმაციის გაცემა“.

14. 37-ე პუნქტი ჩამოყალიბდეს შემდეგი რედაქციით:

„37. გენერალური ინსპექციის ძირითადი ამოცანებია:

ა) შინაგან საქმეთა ორგანოების თანამშრომელთა მიერ მოქა­ლაქეთა კონსტიტუციური უფლებების, პიროვნების თავისუფლების კანონიერი ინტერესების შელახვის, კანონსაწინააღმდეგო ქმედებათა გამოვლენა და მათი პროფილაქტიკა;

ბ) შინაგან საქმეთა ორგანოების თანამშრომელთა მიერ კორუფ­ციისა და თანამდებობრივი მდგომარეობის ბოროტად გამოყენების, ინტერესთა შეუთავსებლობის შესახებ მოქმედი ნორმების დარღვევის ადმინისტრაციული და დისციპლინური გადაცდომის წინააღმდეგ ბრძოლა.“.

15. 38-ე პუნქტში სიტყვები „სამედიცინო დეპარტამენტი“ შეიცვა­ლოს სიტყვებით „ჯანმრთელობის დაცვის მთავარი სამმართველო“.

16. მე-40 პუნქტში ამოღებულ იქნეს ბოლო წინადადება „აგრეთვე მსჯავრდებულ პირთა გადაყვანა და მათი დაუბრკოლებელი გადა­ადგილების კონტროლის განხორციელება“.

ე. შევარდნაძე