„საქართველოს იუსტიციის სამინისტროს დებულების შესახებ“ საქართველოს პრეზიდენტის 2001 წლის 31 დეკემბრის №544 ბრძანებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №314

2002 წლის 1 ივლისი

ქ. თბილისი

„საქართველოს იუსტიციის სამინისტროს დებულების შესახებ“ საქართველოს პრეზიდენტის 2001 წლის 31 დეკემბრის №544 ბრძანებულებაში ცვლილებებისა და დამატებების შეტანის თაობაზე

1. „საქართველოს იუსტიციის სამინისტროს დებულების შესახებ“ საქართველოს პრეზიდენტის 2001 წლის 31 დეკემბრის №544 ბრძანე­ბულებით დამტკიცებულ საქართველოს იუსტიციის სამინისტროს დებულებაში შეტანილ იქნეს შემდეგი ცვლილებები და დამატებები:

ა) მე-12 მუხლის:

ა.ა) პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) მოქალაქეობის, სამოქალაქო მდგომარეობის რეგისტრაციისა და იმიგრაციის საკითხთა დეპარტამენტი;“

ა.ბ) „ზ“ ქვეპუნქტის შემდეგ დაემატოს შემდეგი შინაარსის „ზ¹“ ქვეპუნქტი:

„ზ¹) ნოტარიატის დეპარტამენტი.“

ბ) მე-19 მუხლის:

ბ.ა) პირველი აბზაცი ჩამოყალიბდეს შემდეგი რედაქციით:

„მოქალაქეობის, სამოქალაქო მდგომარეობის რეგისტრაციისა და იმიგრაციის საკითხთა დეპარტამენტის ძირითადი ამოცანებია:“;

ბ.ბ) ამოღებულ იქნეს „ვ“ და „ზ“ ქვეპუნქტები.

გ) დებულებას დაემატოს შემდეგი შინაარსის 20¹ მუხლი:

     „მუხლი 20¹.

ნოტარიატის დეპარტამენტის ძირითადი ამოცანებია:

ა) ნოტარიატის სფეროში მინისტრის (სამინისტროს) კანონით დადგენილ უფლებამოსილებათა განხორციელების ორგანიზაციული უზრუნველყოფა;

ბ) ნოტარიატის საერთაშორისო ორგანიზაციებში საქართველოს ინტეგრაციის პროცესისათვის ხელშეწყობა;

გ) თანამშრომლობა სამინისტროს სხვა შესაბამის სტრუქტურულ ქვედანაყოფთან ნოტარიატის საკითხებზე ნორმატიული აქტების პროექტების მომზადებასა და დებულებით განსაზღვრული ამოცანების გადაწყვეტაში;

დ) თავისი კომპეტენციის ფარგლებში სანოტარო წესით დამოწ­მებული ან დადასტურებული საზღვარგარეთ წარსადგენი დოკუმენტების ლეგალიზაციის უზრუნველყოფა.“.

2. ბრძანებულებით გათვალისწინებული ცვლილებები და დამატებები განხორციელდეს საქართველოს იუსტიციის სამინისტროს სისტემისათვის 2002 წლის სახელმწიფო ბიუჯეტით გათვალისწინებულ ასიგნებათა ფარგლებში.

ე. შევარდნაძე