,,საქართველოს ეკონომიკური განვითარების სამინისტროს შინაგანაწესის დამტკიცების თაობაზე” საქართველოს ეკონომიკური განვითარების მინისტრის 2009 წლის 7 მაისის №1-1/940 ბრძანებაში ცვლილებების შეტანის თაობაზე

საქართველოს ეკონომიკისა და მდგრადი განვითარების მინისტრის

ბრძანება №1-1/565

2011 წლის 13 აპრილი

ქ. თბილისი

„საქართველოს ეკონომიკური განვითარების სამინისტროს შინაგანაწესის დამტკიცების თაობაზე” საქართველოს ეკონომიკური განვითარების მინისტრის 2009 წლის 7 მაისის №1-1/940 ბრძანებაში ცვლილებების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საქართველოს ეკონომიკური განვითარების სამინისტროს შინაგანაწესის დამტკიცების თაობაზე” საქართველოს ეკონომიკური განვითარების მინისტრის 2009 წლის 7 მაისის №1-1/940 ბრძანებით დამტკიცებულ შინაგანაწესში (სსმ III, 14.05.2009 წ., №59, მუხ. 667) შეტანილ იქნეს შემდეგი ცვლილებები:

1. ბრძანების სათაური ჩამოყალიბდეს შემდეგი რედაქციით:

„საქართველოს ეკონომიკისა და მდგრადი განვითარების სამინისტროს შინაგანაწესის დამტკიცების თაობაზე”.

2. ბრძანების პირველი პუნქტი ჩამოყალიბდეს შემდეგი რედაქციით:

„1. დამტკიცდეს საქართველოს ეკონომიკისა და მდგრადი განვითარების სამინისტროს თანდართული შინაგანაწესი.”.

3. სათაური ჩამოყალიბდეს შემდეგი რედაქციით:

„საქართველოს ეკონომიკისა და მდგრადი განვითარების სა­მინისტროს შინაგანაწესი.”.

4. პირველი მუხლი ჩამოყალიბდეს შემდეგი რედაქციით:

„1. საქართველოს ეკონომიკისა და მდგრადი განვითარების სამინისტროს (შემდგომში – სამინისტრო) შინაგანაწესი შემუშავებულია „საჯარო სამსახურის შესახებ’’ საქართველოს კანონის 72-ე და 73-ე მუხლების მოთხოვნათა შესაბამისად.”.

5. მე-5 მუხლის მე-5 პუნქტი ჩამოყალიბდეს შემდეგი რედაქციით:

„5. მინისტრის მიერ გამოცემული ადმინისტრაციულ-სამართლებრივი აქტის მოსამსახურეებისათვის (მოსამსახურისთვის) გაცნობას უზრუნველყოფს სამინისტროს ადმინისტრაცია, კანონმდებლობით დადგენილი წესის შესაბამისად.”.

მუხლი. 2. ბრძანება ამოქმედდეს გამოქვეყნებისთანავე.

ვ. ქობალია