„სამართალშემოქმედებითი საქმიანობის შემდგომი განვითარების ღონისძიებათა შესახებ“ საქართველოს პრეზიდენტის 1998 წლის 4 მარტის №124 ბრძანებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №516

1998 წლის 7 სექტემბერი

ქ. თბილისი

„სამართალშემოქმედებითი საქმიანობის შემდგომი განვითარების ღონისძიებათა შესახებ“ საქართველოს პრეზიდენტის 1998 წლის 4 მარტის №124 ბრძანებულებაში ცვლილებებისა და დამატებების შეტანის თაობაზე

„სამართალშემოქმედებითი საქმიანობის შემდგომი განვითარების ღონისძიებათა შესახებ“ საქართველოს პრეზიდენტის 1998 წლის 4 მარტის №124 ბრძანებულებაში შეტანილ იქნეს შემდეგი ცვლილებები და დამატებები:

1. მე-2 პუნქტი ჩამოყალიბდეს შემდეგი რედაქციით:

„2. კომისია განისაზღვროს შემდეგი შემადგენლობით:

 ლადო ჭანტურია – საქართველოს იუსტიციის მინისტრი, იურიდიულ მეცნიერებათა დოქტორი, პროფესორი, კომისიის თავმჯდომარე

ჯამლეთ ბაბილაშვილი – საქართველოს გენერალური პროკურორი, კომისიის თანათავმჯდომარე

მინდია უგრეხელიძე – საქართველოს უზენაესი სასამართლოს თავმჯდომარე, კომისიის თანათავმჯდომარე

შუქია აფრიდონიძე – საქართველოს მეცნიერებათა აკადემიის ენათმეცნიერების ინსტიტუტის თანამშრომელი

ზურაბ ახვლედიანი – თბილისის ივანე ჯავახიშვილის სახელობის სახელმწიფო უნივერსიტეტის დოცენტი, იურიდიულ მეცნიერებათა კანდიდატი

ნინო ბურჯანაძე – პარლამენტის წევრი

ჯემალ გახოკიძე – საქართველოს სახელმწიფო უშიშროების მინისტრი

ოთარ გამყრელიძე – საქართველოს მეცნიერებათა აკადემიის სახელმწიფოსა და სამართლის ინსტიტუტის სისხლის სამართლისა და კრიმინოლოგიის განყოფილების უფროსი, იურიდიულ მეცნიერებათა დოქტორი, პროფესორი

ამირან გომართელი – თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტის დეკანი, ფილოლოგიის მეცნიერებათა დოქტორი, პროფესორი

ბესარიონ ზოიძე – საქართველოს მეცნიერებათა აკადემიის სახელმწიფოსა და სამართლის ინსტიტუტის დირექტორი, იურიდიულ მეცნიერებათა დოქტორი, პროფესორი

კახა თარგამაძე – საქართველოს შინაგან საქმეთა მინისტრი

გივი ინწკირველი – თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის დეკანი, იურიდიულ მეცნიერებათა დოქტორი, პროფესორი

თენგიზ ლილუაშვილი – საქართველოს იუსტიციის სასწავლო ცენტრის დირექტორი, იურიდიულ მეცნიერებათა დოქტორი, პროფესორი

ვალერიან ლორია – თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის სამართლის საფუძვლების კათედრის გამგე, იურიდიულ მეცნიერებათა დოქტორი, პროფესორი

გია მეფარიშვილი – საქართველოს საკონსტიტუციო სასამართლოს თავმჯდომარის მოადგილე

დავით მუმლაძე – იუსტიციის საბჭოს მდივანი

მაია მწარიაშვილი – ეროვნული უშიშროების საბჭოს აპარატის სამართალდაცვის ორგანოებთან ურთიერთობის სამსახურის რეფერენტი

გიორგი ნადარეიშვილი – საქართველოს მეცნიერებათა აკადემიის სახელმწიფოსა და სამართლის ინსტიტუტის ქართული სამართლის ისტორიის განყოფილების გამგე, იურიდიულ მეცნიერებათა დოქტორი, პროფესორი

თედო ნინიძე – იუსტიციის საბჭოს წევრი, იურიდიულ მეცნიერებათა კანდიდატი

მიხეილ სააკაშვილი – პარლამენტის წევრი

დავით სულაქველიძე – საქართველოს პარლამენტის საკონსტიტუციო, იურიდიულ საკითხთა და კანონიერების კომიტეტის წამყვანი სპეციალისტი, იურიდიულ მეცნიერებათა კანდიდატი

გიორგი ტყეშელიაძე – თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის სისხლის სამართლისა და კრიმინოლოგიის კათედრის გამგე, იურიდიულ მეცნიერებათა დოქტორი, პროფესორი

აპოლონ ფალიაშვილი – თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის სისხლის სამართლის პროცესის კათედრის გამგე, იურიდიულ მეცნიერებათა დოქტორი, პროფესორი

თენგიზ შარმანაშვილი – პარლამენტის წევრი

 ალექსანდრე შუშანაშვილი – საქართველოს პროკურატურის სასწავლო ცენტრის დირექტორი

 ჯონი ხეცურიანი – საქართველოს პრეზიდენტის საპარლამენტო მდივანი, იურიდიულ მეცნიერებათა დოქტორი, პროფესორი

ლია ხვედელიანი – საქართველოს იუსტიციის სამინისტროს საჯარო სამართლის დეპარტამენტის უფროსი, კომისიის პასუხისმგებელი მდივანი.“

2. მე-4 პუნქტი ჩამოყალიბდეს შემდეგი რედაქციით:

„4. საქართველოს იუსტიციის სამინისტროსთან შეიქმნას:

ა) საქართველოს კანონთა წიგნის მომზადებისა და გამოცემის რედაქცია, რომელიც 2000 წლისათვის უზრუნველყოფს საქართველოს კანონთა კრებულის გამოცემას;

ბ) ბეჭდვითი ორგანო "საქართველოს საკანონმდებლო მაცნეს რედაქცია, რომელიც უზრუნველყოფს მოქმედი ნორმატიული აქტების პერიოდულ გამოცემას.“.

3. მე-5 პუნქტს სიტყვების „კანონთა წიგნის“ შემდეგ დაემატოს სიტყვები „საქართველოს საკანონმდებლო მაცნეს“, ხოლო სიტყვები „(თ. ნინიძე)“ შეიცვალოს სიტყვებით „(ლ. ჭანტურია)“.

4. მე-6 და მე-7 პუნქტში სიტყვები „კომისიისა და კანონთა წიგნის რედაქციის“ შეიცვალოს სიტყვებით „კომისიის, საქართველოს კანონთა წიგნისა და საქართველოს საკანონმდებლო მაცნეს“ რედაქციების.

5. ამ ბრძანებულებით დამტკიცებული საქართველოს კანონთა წიგნის რედაქციის ხარჯთა ნუსხაში (დანართი №7) კანონთა წიგნის რედაქციის ინვენტარის შეძენის ხარჯების ცხრილის მე-4 პუნქტში გათვალისწინებული თანხიდან 10 000 (ათი ათასი) ლარი მიზნობრივად მოხმარდეს „საქართველოს საკანონმდებლო მაცნეს“ გამოცემას.

ე. შევარდნაძე