„ადმინისტრაციულ სამართალდარღვევათა ოქმის, საჯარიმო ქვითრისა და სატრანსპორტო საშუალების მართვის დროებითი ნებართვის ფორმების დამტკიცების, მათი შევსებისა და ადმინისტრაციულ სამართალდარღვევათა საქმის განმხილველ ორგანოში წარდგენის წესის შესახებ” საქართველოს შინაგან საქმეთა მინისტრის 2005 წლის 4 აგვისტოს №792 ბრძანებაში ცვლილებებისა და დამატებების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ადმინისტრაციულ სამართალდარღვევათა ოქმის, საჯარიმო ქვითრისა და სატრანსპორტო საშუალების მართვის დროებითი ნებართვის ფორმების დამტკიცების, მათი შევსებისა და ადმინისტრაციულ სამართალდარღვევათა საქმის განმხილველ ორგანოში წარდგენის წესის შესახებ” საქართველოს შინაგან საქმეთა მინისტრის 2005 წლის 4 აგვისტოს №792 ბრძანებაში ცვლილებებისა და დამატებების შეტანის თაობაზე
დოკუმენტის ნომერი	319
დოკუმენტის მიმღები	საქართველოს შინაგან საქმეთა მინისტრი
მიღების თარიღი	13/04/2011
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 110414004, 18/04/2011
სარეგისტრაციო კოდი	020080160.22.034.016038

Word

საქართველოს შინაგან საქმეთა მინისტრის

ბრძანება №319

2011 წლის 13 აპრილი

ქ. თბილისი

„ადმინისტრაციულ სამართალდარღვევათა ოქმის, საჯარიმო ქვითრისა და სატრანსპორტო საშუალების მართვის დროებითი ნებართვის ფორმების დამტკიცების, მათი შევსებისა და ადმინისტრაციულ სამართალდარღვევათა საქმის განმხილველ ორგანოში წარდგენის წესის შესახებ” საქართველოს შინაგან საქმეთა მინისტრის 2005 წლის 4 აგვისტოს №792 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა” და „ნ” ქვეპუნქტების შესაბამისად, ვბრძანებ:

მუხლი 1. „ადმინისტრაციულ სამართალდარღვევათა ოქმის, საჯარიმო ქვითრისა და სატრანსპორტო საშუალების მართვის დროებითი ნებართვის ფორმების დამტკიცების, მათი შევსებისა და ადმინისტრაციულ სამართალდარღვევათა საქმის განმხილველ ორგანოში წარდგენის წესის შესახებ” საქართველოს შინაგან საქმეთა მინისტრის 2005 წლის 4 აგვისტოს №792 ბრძანებაში (სსმ III, 05.08.2005 92 მუხ. 1050) შეტანილ იქნეს შემდეგი ცვლილებები და დამატებები:

1. წესის მე-9 მუხლი ჩამოყალიბდეს შემდეგი რედაქციით:

„მუხლი 9

1. ადმინისტრაციულ სამართალდარღვევათა ოქმის ფორმა (დანართი №3) ივსება საქართველოს ადმინისტრაციულ სამართალდარღვევათა კოდექსით გათვალისწინებული სამართალდარღვევების ჩადენისას, გარდა ამ წესის მე-3 მუხლით, მე-7 მუხლის მე-2 პუნქტით და ამ მუხლის მე-2 პუნქტით გათვალისწინებული შემთხვევებისა.

2. ადმინისტრაციულ სამართალდარღვევათა ოქმის ფორმა (დანართი №9) ივსება საქართველოს ადმინისტრაციულ სამართალდარღვევათა კოდექსის 114¹, 114² და 190² მუხლებით გათვალისწინებული სამართალდარღვევების ჩადენისას.

3. ადმინისტრაციულ სამართალდარღვევათა ოქმის ფორმა ივსება ერთ ეგზემპლარად, რომელიც განსახილველად ეგზავნება უფლებამოსილ პირს.

4. ადმინისტრაციული სამართალდარღვევის ოქმში (დანართი №3) აღინიშნება – მისი შედგენის თარიღი და ადგილი; შემდგენლის თანამდებობა, სახელი, გვარი და მამის სახელი; მონაცემები დამრღვევის პიროვნების შესახებ; ადმინისტრაციული სამართალდარღვევის ჩადენის ადგილი, დრო, არსი და სიმთვრალეზე შემოწმების შედეგები; ნორმატიული აქტი, რომელიც ითვალისწინებს პასუხისგმებლობას ამ სამართალდარღვევისათვის; მოწმეთა და დაზარალებულთა გვარები და მისამართები (თუ ისინი არიან); დამრღვევის ახსნა-განმარტება და საქმის გადასაწყვეტად საჭირო სხვა ცნობები.

5. ადმინისტრაციული სამართალდარღვევის ოქმში (დანართი №9) აღინიშნება – მისი შედგენის თარიღი და ადგილი; შემდგენლის სახელი, გვარი და თანამდებობა; მონაცემები დამრღვევის პიროვნების შესახებ (მათ შორის, პირადი ნომერი); დაზარალებულთა სახელები, გვარები და მისამართები (თუ ისინი არიან); ადმინისტრაციული სამართალდარღვევის ჩადენის ადგილი, დრო და არსი; ნორმატიული აქტი, რომელიც ითვალისწინებს პასუხისგმებლობას ამ სამართალდარღვევისათვის; მცურავი ობიექტის მონაცემები (თუ ადმინისტრაციული სამართალდარღვევა ჩადენილია მცურავი ობიექტის გამოყენებით), მათ შორის IMO-ს (საერთაშორისო საზღვაო ორგანიზაცია, რომელიც მცურავ ობიექტებს ანიჭებს სარეგისტრაციო ნომერს) ნომერი; მოწმის სახელი, გვარი და მისამართი (თუ არის); ოქმზე თანდართული დოკუმენტები, მათ შორის, სამართალდამრღვევის მიერ შედგენილი ახსნა-განმარტება (დანართი №10) და საქმის გადასაწყვეტად საჭირო სხვა ცნობები.

6. თუ ადმინისტრაციულ სამართალდარღვევათა კოდექსის შესაბამისი მუხლით ადმინისტრაციული პასუხისმგებლობა ითვალისწინებს ჯარიმას და სამართალდარღვევა საჭიროებს ადმინისტრაციულ გამოკვლევას დგება ადმინისტრაციულ სამართალდარღვევათა ოქმი (დანართი №3 და დანართი №9). დამრღვევს მის მიმართ გამოყენებული სახდელის შესახებ ეცნობება საქართველოს კანონმდებლობით დადგენილი წესით.

7. ადმინისტრაციულ სამართალდარღვევათა ოქმის შევსებისას გამოიყენება საჯარიმო ქვითრის I ნაწილის შევსებისათვის დადგენილი წესები ამ მუხლით დადგენილ თავისებურებათა გათვალისწინებით.”.

2. წესის 10⁵ მუხლის:

ა) მე-2 პუნქტი ჩამოყალიბდეს შემდეგი რედაქციით:

2. ოქმის ფორმა შეიცავს შემდეგ დამცავ ნიშნებს:

ა) ექსკლუზიურ ნუმერაციას (არანაკლებ 6 ციფრი), რომელიც ანათებს ულტრაიისფერი დანათებისას;

ბ) დამცავ საკონტროლო ნიშანს, რომელზედაც სპეციალური ფირის დადებისას იკითხება: „PAT“ ან „GBP”;

გ) ექსკლუზიური რღვეული სიმეტრიის დამცავი ბადე;

დ) გილიოშური ელემენტი „როზეტი“, რომელიც დაბეჭდილია ანტიკოპირებადი საღებავით;

ე) ხაზის ნაცვლად გამოყენებულია მიკროტექსტი, სადაც იკითხება: ,,საპატრულო პოლიციის დეპარტამენტი‘‘ ან „შსს სასაზღვრო პოლიცია”;

ბ) მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. ოქმის ბოლო გვერდის უკანა მარჯვენა კუთხეში დაიტანება ოქმის დამამზადებელი პოლიგრაფიული საწარმოს, დამკვეთის, საქართველოს ფინანსთა სამინისტროს სახელწოდება ინიციალებით, რეგისტრაციის ნომერი და ინდივიდუალური ნომერი (არანაკლებ 6 ციფრი).“.

3. ბრძანებას თანდართული სახით დაემატოს №9 და №10 დანართები.

მუხლი 2. ბრძანება ამოქმედდეს გამოქვეყნებისთანავე.

ი. მერაბიშვილი

დანართი №9

ადმინისტრაციული სამართალდარღვევის ოქმი

№სპ 000000

1. ______________________________________ 2. _____________________________

შედგენის თარიღი (რიცხვი, თვე, წელი) შედგენის ადგილი

3. ___________________________ __ _____________________________________________________

ოქმის შემდგენლის სახელი, გვარი, თანამდებობა

___________________________ __ _______________________________________________________

4. დამრღვევის: ა) ________________________________________ ბ) __________________________

სახელი, გვარი დაბადების თარიღი

გ) ____________________________________________________________________________________

სამუშაო ადგილი

დ) _________________________________ ე) ___________________________________________

მოქალაქეობა პირადი №

5. სამართალდარღვევის ჩადენის ადგილი, დრო და არსი:

____________________________________________________________________________________

6. ასკ-ს: მუხლი _________ ნაწილი __________ ქვეპუნქტი __________

7. მცურავი ობიექტის (თუ არის): ა) _________________________ბ)___________________________

მოდელი (ტიპი) სახელი (სარეგისტრაციო №)

გ) __________________ დ) ___________________ ე) _________________ ვ) _____________________

დროშა IMO-ს ნომერი საძახისი მიწერის ნავსადგური

8. _________________________________________________________________________________

მოწმის (თუ არის) სახელი, გვარი და მისამართი

9. ოქმს თან ერთვის: _________________________________________________________________

____________________________________________________________________________________

დაზარალებულის სახელი, გვარი და მისამართი (თუ არის) –––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

მოწმე (თუ არის) ________________________

ხელმოწერა

ოქმის შემდგენელი ____________ სამართალდამრღვევი ____________________________________

ხელმოწერა ხელმოწერა, ხელმოწერაზე ან ოქმის

ჩაბარებზე უარის აღნიშვნა

ოქმის შედგენისას დამრღვევს განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული მისი უფლებები და მოვალეობები – ადმინისტრაციულ პასუხისგებაში მიცემულ პირს უფლება აქვს გაეცნოს საქმის მასალებს, მისცეს ახსნა-განმარტებანი, წარადგინოს მტკიცებულებანი, განაცხადოს შუამდგომლობანი, საქმის განხილვისას ისარგებლოს ადვოკატის იურიდიული დახმარებით, გამოვიდეს დედაენაზე, თუ არ იცის მიმდინარე წარმოების ენა, ისარგებლოს თარჯიმნის მომსახურებით, გაასაჩივროს საქმის გამო მიღებული დადგენილება (გადაწყვეტილება).

დამრღვევს მიეცა განმარტება საქართველოს ადმინისტრაციულ სამართალდარღვევათა კოდექსის 273-ე მუხლით გათვალისწინებული უფლებებისა და სამართალდარღვევის საქმეზე მიღებული დადგენილების გასაჩივრების 10-დღიანი ვადის შესახებ.

დამკვეთი: შსს – საქართველოს

სასაზღვრო პოლიცია

მისამართი: ქ. თბილისი

სიმონ კანდელაკის ქ. №12

დამამზადებელი: შპს „კაბადონი+“

სფს-ს რეგისტრაციის № 00 - 0000

დანართი №10

ახსნა-განმარტება

ოქმის შინაარსის გამო

1. დამრღვევის:

ა) სახელი და გვარი_______________________________________________________________;

ბ) პირადი №______________________________________;

გ) მისამართი ____________________________________________________________________;

დ) დაბადების თარიღი ___________________________________________________________;

ე) სამუშაო ადგილი ______________________________________________________________;

ვ) ადმ. სამართალდარღვევათა ოქმის სერია და ნომერი _________________;

ზ) სამართალდარღვევის ჩადენის ადგილი, დრო და არსი

_____________________________________________________________________________________

თ) ასკ-ს: მუხლი _____ ნაწილი ____;

2. ახსნა-განმარტების ან/და შენიშვნის შინაარსი: _______________________________

____________________________________________________________________________________

დამრღვევის ხელმოწერა: ____________________ თარიღი: ___________________________

რიცხვი, თვე, წელი

თარჯიმანი (თუ არის): ___________________________________________________

ხელმოწერა, სახელი, გვარი