„ქვეყანაში თავდაცვითი დანიშნულების სამეცნიერო სამრეწველო საქმიანობის სრულყოფის ზოგიერთ ღონისძიებათა შესახებ“ საქართველოს პრეზიდენტის 1997 წლის 15 ოქტომბრის №582 ბრძანებულებაში ცვლილებების შეტანის თაობაზე

საქართველოს პრეზიდენტის

ბრძანებულება №416

 1998 წლის 17 ივლისი

ქ.თბილისი

„ქვეყანაში თავდაცვითი დანიშნულების სამეცნიერო სამრეწველო საქმიანობის სრულყოფის ზოგიერთ ღონისძიებათა შესახებ“ საქართველოს პრეზიდენტის 1997 წლის 15 ოქტომბრის №582 ბრძანებულებაში ცვლილებების შეტანის თაობაზე

 შეტანილ იქნეს ცვლილებები „ქვეყანაში თავდაცვითი დანიშნულების სამეცნიეროსამრეწველო საქმიანობის სრულყოფის ზოგიერთ ღონისძიებათა შესახებ" საქართველოს პრეზიდენტის 1997 წლის 15 ოქტომბრის № 582 ბრძანებულების № 2 დანართის მიხედვით დამტკიცებულ ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის შემადგენლობაში:

1. კომისიის შემადგენლობიდან გამოყვანილ იქნეს ვარდიკო ნადიბაიძე.

2. კომისიის შემადგენლობაში შეყვანილ იქნენ:

დავით თევზაძე – საქართველოს თავდაცვის მინისტრი და განისაზღვროს იგი კომისიის თავმჯდომარის მოადგილედ;

თეიმურაზ ლობილაძე – ეროვნული უშიშროების საბჭოს აპარატის თავდაცვითი მრეწველობის საკითხთა განყოფილების უფროსი და განისაზღვროს იგი კომისიის პასუხიმგებელ მდივნად.

3. პანტიკო თორდია დარჩეს კომისიის შემადგენლობაში, როგორც თბილისის სახელმწიფო საავიაციო გაერთიანების გენერალური დირექტორი.

ე. შევარდნაძე