დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ახალგაზრდა მეცნიერთათვის საპრეზიდენტო სტიპენდიების მინიჭების შესახებ დებულების დამტკიცების თაობაზე“ საქართველოს პრეზიდენტის 1997 წლის 15 სექტემბრის №521 ბრძანებულებაში ცვლილებებისა და დამატებების შეტანის შესახებ | |
---|---|
დოკუმენტის ნომერი | 224 |
დოკუმენტის მიმღები | საქართველოს პრეზიდენტი |
მიღების თარიღი | 08/05/2002 |
დოკუმენტის ტიპი | საქართველოს პრეზიდენტის ბრძანებულება |
გამოქვეყნების წყარო, თარიღი | სსმ, 44, 10/05/2002 |
ძალის დაკარგვის თარიღი | 06/10/2004 |
სარეგისტრაციო კოდი | 000000000.00(0).000.000000 |
საქართველოს პრეზიდენტის
ბრძანებულება №224
2002 წლის 8 მაისი
ქ. თბილისი
„ახალგაზრდა მეცნიერთათვის საპრეზიდენტო სტიპენდიების მინიჭების შესახებ დებულების დამტკიცების თაობაზე“ საქართველოს პრეზიდენტის 1997 წლის 15 სექტემბრის №521 ბრძანებულებაში ცვლილებებისა და დამატებების შეტანის შესახებ
„ახალგაზრდა მეცნიერთათვის საპრეზიდენტო სტიპენდიების მინიჭების შესახებ დებულების დამტკიცების თაობაზე“ საქართველოს პრეზიდენტის 1997 წლის 15 სექტემბრის №521 ბრძანებულებაში შეტანლ იქნეს შემდეგი ცვლილებები და დამატებები:
1. ბრძანებულებისა და დებულების სათაურში სიტყვები „ახალგაზრდა მეცნიერთათვის საპრეზიდენტო სტიპენდიების მინიჭების შესახებ“ შეიცვალოს სიტყვებით „ახალგაზრდა მეცნიერთათვის პრეზიდენტის სტიპენდიების მინიჭებისა და სამეცნიერო მივლინებებისათვის თანხების გამოყოფის შესახებ.“.
2. დებულების ტექსტში სიტყვები საქართველოს ეკონომიკის სამინისტრო შეიცვალოს სიტყვებით „საქართველოს ეკონომიკის, მრეწველობისა და ვაჭრობის სამინისტრო“.
3. დებულების მე-5 მუხლში ციფრები 200, 150, 100 შეიცვალოს შესაბამისად ციფრებით 250, 200, 150.
4. დებულების I თავში გაერთიანდეს პირველი 8 მუხლი და მისი სათაური ჩამოყალიბდეს შემდეგი რედაქციით:
„ I. პრეზიდენტის სტიპენდიების მინიჭება“.
5. დებულებას დაემატოს შემდეგი შინაარსის II თავი:
„II. სამეცნიერო მივლინებებისათვის თანხების გამოყოფა
9. საქართველოს ეკონომიკის, მრეწველობისა და ვაჭრობის სამინისტროს მეცნიერებისა და ტექნოლოგიების დეპარტამენტთან არსებული საბჭო ასევე განიხილავს განაცხადებს ახალგაზრდა მეცნიერთათვის სამივლინებო თანხების გამოყოფისა და მათი ოდენობის განსაზღვრის თაობაზე.
სამეცნიერო მივლინებისათვის თანხის გამოყოფა ხორციელდება საქართველოს პრეზიდენტის განკარგულებით, რომლის პროექტსაც ამზადებს საქართველოს ეკონომიკის, მრეწველობისა და ვაჭრობის სამინისტროს მეცნიერებისა და ტექნოლოგიების დეპარტამენტი საბჭოს სხდომაზე მიღებული გადაწყვეტილების შესაბამისად.
10. სამივლინებო თანხები შეიძლება გამოიყოს როგორც პრეზიდენტის სტიპენდიანტებისათვის, ისე სხვა ახალგაზრდა მეცნიერთათვის, რომელთა ასაკს დებულების მე-5 მუხლი განსაზღვრავს სამეცნიერო ხარისხის შესაბამისად.
11. სამივლინებო თანხების მიმღები ვალდებულია მივლინების სამეცნიერო ანგარიში და სათანადო დოკუმენტაცია წლის ბოლომდე წარუდგინოს საქართველოს ეკონომიკის, მრეწველობისა და ვაჭრობის სამინისტროს მეცნიერებისა და ტექნოლოგიების დეპარტამენტს, რომელიც საბჭოს სხდომაზე განიხილავს და დაამტკიცებს მათ“.
6. საქართველოს ფინანსთა სამინისტრომ საქართველოს 2003 წლის სახელმწიფო ბიუჯეტში ახალგაზრდა მეცნიერთათვის პრეზიდენტის სტიპენდიების მინიჭებისათვის გაითვალისწინოს 305 ათასი ლარი, ხოლო მათი მივლინებებისათვის – 55 ათასი ლარი.
7. ბრძანებულება ძალაში შევიდეს 2003 წლის 1 იანვრიდან.
ე. შევარდნაძე
დოკუმენტის კომენტარები