„ახალგორის მუნიციპალიტეტის ქონების პრივატიზებისას აუქციონში გამარჯვების დამადასტურებელი ოქმებისა და საკუთრების, აგრეთვე სარგებლობის უფლებით (იჯარა, აღნაგობა, უზუფრუქტი და სხვა) დამადასტურებელი მოწმობის ტიპიური ფორმის დამტკიცების შესახებ” ახალგორის მუნიციპალიტეტის საკრებულოს 2011 წლის 28 თებერვლის №29 დადგენილებაში ცვლილებებისა და დამატებების შეტანის თაობაზე

ახალგორის მუნიციპალიტეტის საკრებულოს

დადგენილება №32

2011 წლის 11 აპრილი

სოფ. წეროვანი, დევნილთა დასახლება

„ახალგორის მუნიციპალიტეტის ქონების პრივატიზებისას აუქციონში გამარჯვების დამადასტურებელი ოქმებისა და საკუთრების, აგრეთვე სარგებლობის უფლებით (იჯარა, აღნაგობა, უზუფრუქტი და სხვა) დამადასტურებელი მოწმობის ტიპური ფორმის დამტკიცების შესახებ” ახალგორის მუნიციპალიტეტის საკრებულოს 2011 წლის 28 თებერვლის №29 დადგენილებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის შესაბამისად ახალგორის მუნიციპალიტეტის საკრებულო ადგენს:

1. „ახალგორის მუნიციპალიტეტის ქონების პრივატიზებისას აუქციონში გამარჯვების დამადასტურებელი ოქმებისა და საკუთრების, აგრეთვე სარგებლობის უფლების (იჯარა, აღნაგობა, უზუფრუქტი და სხვა) დამადასტურებელი მოწმობის ტიპური ფორმის დამტკიცების შესახებ“ ახალგორის მუნიციპალიტეტის საკრებულოს 2011 წლის 28 თებერვლის №29 დადგენილებაში შეტანილ იქნეს შემდეგი ცვლილებები და დამატებები:

ა) ახალგორის მუნიციპალიტეტის საკრებულოს 2011 წლის 28 თებერვლის დადგენილება №29-ის სათაური ჩამოყალიბდეს შემდეგი რედაქციით:

„ახალგორის მუნიციპალიტეტის ქონების პრივატიზებისას აუქციონში გამარჯვების დამადასტურებელი ოქმებისა და საკუთრების მოწმობის, აგრეთვე ქონების სარგებლობის უფლებით გაცემის (იჯარა, აღნაგობა, უზუფრუქტი და სხვა) დამადასტურებელი ოქმის ტიპური ფორმის დამტკიცების შესახებ“;

ბ) დადგენილებით დამტკიცებული მე-4 პუნქტი ჩამოყალიბდეს შემდეგი რედაქციით:

„4. დამტკიცდეს ახალგორის მუნიციპალიტეტის ქონების სარგებლობის უფლებით (იჯარა, აღნაგობა, უზუფრუქტი და სხვა) გაცემის დამადასტურებელი ოქმის ტიპური ფორმა, თანახმად დანართი №4-ისა;

გ) დადგენილებით დამტკიცებული დანართი №4-ის პირველ პუნქტში სიტყვა „მყიდველი“ ამოღებულ იქნეს.

2. ეს დადგენილება ამოქმედდეს დადგენილი წესით, გამოქვეყნებისთანავე.

საკრებულოს თავმჯდომარე                  ა.ყოჩიშვილი