დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოში ბუნებრივი და ანთროპოგენური კატასტროფების პროგნოზირების, მათი შედეგების შერბილებისა და მოსახლეობის ეკოლოგიური უსაფრთხოების უზრუნველყოფის სახელმწიფო საკოორდინაციო სამსახურის შექმნის შესახებ | |
|---|---|
| დოკუმენტის ნომერი | 134 |
| დოკუმენტის მიმღები | საქართველოს პრეზიდენტი. |
| მიღების თარიღი | 10/03/1997 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | საქართველოს პრეზიდენტის ბრძანებულებების და განკარგულებების კრებული, 5, 15/04/1997 |
| ძალის დაკარგვის თარიღი | 09/10/2006 |
| სარეგისტრაციო კოდი | 010340000.05.002.000566 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (15/04/1997 - 06/10/2006)
საქართველოს პრეზიდენტის
ბრძანებულება №134
1997 წლის 10 მარტი
ქ. თბილისი
საქართველოში ბუნებრივი და ანთროპოგენური კატასტროფების პროგნოზირების, მათი შედეგების შერბილებისა და მოსახლეობის ეკოლოგიური უსაფრთხოების უზრუნველყოფის სახელმწიფო საკოორდინაციო სამსახურის შექმნის შესახებ
საქართველოში ბუნებრივი და ანთროპოგენური კატასტროფების პროგნოზირების, მათი შედეგების შერბილებისა და მოსახლეობის ეკოლოგიური უსაფრთხოების უზრუნველყოფის სფეროში ერთიანი ორგანიზაციული და სამეცნიერო-ტექნოლოგიური პოლიტიკის განხორციელების, გარემოს დაცვის საქმიანობით დაკავებული სამეცნიერო-კვლევითი და სხვა ორგანიზაციების (მიუხედავად მათი დაქვემდებარებისა) ფუნქციონირების საერთო კოორდინაციის, სტიქიურ უბედურებათა (მიწისძვრა, წყალდიდობა, ღვარცოფი, მეწყერი, ზვავი და სხვ.) რისკის შეფასებისა და მათთვის მზადყოფნის, სტიქიური უბედურების დროს ორგანიზაციათა მოქმედების კოორდინაციის მეცნიერული მართვის, აღნიშნულ სფეროში ფუნდამენტური და გამოყენებითი კვლევების ორგანიზაციის, კატასტროფების შედეგების ოპერატიული ლიკვიდაციის, საქართველოს მოსახლეობისა და სასიცოცხლო ობიექტების უსაფრთხოების უზრუნველყოფის ღონისძიებების განხორციელების და საერთაშორისო გამოცდილების საქართველოში გამოყენების, მოსახლეობაში ბუნებრივი და ანთროპოგენური კატასტროფების შესახებ განმარტებითი მუშაობისა და ეკოლოგიური აუდიტის ორგანიზაციის მიზნით:
1. შეიქმნას საქართველოს გარემოსა და ბუნებრივი რესურსების დაცვის სამინისტროსთან საქართველოში ბუნებრივი და ანთროპოგენური კატასტროფების პროგნოზირების, მათი შედეგების შერბილებისა და მოსახლეობის ეკოლოგიური უსაფრთხოების უზრუნველყოფის სახელმწიფო საკოორდინაციო სამსახური, რომლის რიცხოვნობა განისაზღვროს 12 საშტატო ერთეულით.
2. საქართველოს ფინანსთა სამინისტრომ (დ.იაკობიძე) წლიური სახელმწიფო ბიუჯეტების ფორმირებისას წარმოდგენილი გაანგარიშებების საფუძველზე გაითვალისწინოს სახელმწიფო საკოორდინაციო სამსახურის ხარჯები.
3. სტიქიური უბედურების მოსალოდნელ ზონებში მყოფი ქალაქების, ქალაქის ტიპის დასახლებული პუნქტების, სოფლების, საგზაო და სარკინიგზო მაგისტრალების, გაზსადენებისა და ნავთობსადენების მფლობელი ორგანიზაციებისა და სხვა წარმოება-დაწესებულებების ხელმძღვანელებმა თავიანთ საფინანსო გეგმებში ყოველწლიურად გაითვალისწინონ სტიქიური უბედურებისაგან დაცვის ადგილობრივი ღონისძიებების გასატარებლად აუცილებელი ფულადი სახსრების გამოყოფის საკითხი.
4. ქ. თბილისის მერიამ (ბ.შოშიტაიშვილი) არსებული წესით გადაწყვიტოს სახელმწიფო საკოორდინაციო სამსახურისათვის საჭირო სამუშაო ფართობის გამოყოფის საკითხი.
5. საქართველოს გარემოსა და ბუნებრივი რესურსების დაცვის სამინისტრომ 20 დღეში წარმოადგინოს სახელმწიფო საკოორდინაციო სამსახურის დებულება და სტრუქტურა.
ე. შევარდნაძე
დოკუმენტის კომენტარები