საზღვარგარეთ არსებული საქართველოს ისტორიულ-კულტურული მემკვიდრეობის სახელმწიფოებრივი მეურვეობის კომისიის შესახებ

საქართველოს პრეზიდენტის

ბრძანებულება №631

1996 წლის 23 სექტემბერი

ქ. თბილისი

საზღვარგარეთ არსებული საქართველოს ისტორიულ-კულტურული მემკვიდრეობის სახელმწიფოებრივი მეურვეობის კომისიის შესახებ

საქართველოს ფარგლებს გარეთ არსებული საქართველოს ისტორიულ-კულტურული მემკვიდრეობის შესწავლისა და აღრიცხვის მიზნით:

1. შეიქმნას საზღვარგარეთ არსებული საქართველოს კულტურული მემკვიდრეობის სახელმწიფოებრივი მეურვეობის კომისია შემდეგი შემადგენლობით:

ზაზა შენგელია – საქართველოს სახელმწიფო მინისტრის მოადგილე, კომისიის თავმჯდომარე

ზაზა ალექსიძე – საქართველოს მეცნიერებათა აკადემიის ხელნაწერთა ინსტიტუტის დირექტორი

ვალერი ასათიანი – საქართველოს კულტურის მინისტრი

ანდრია აფაქიძე – საქართველოს მეცნიერებათა აკადემიის ვიცე-პრეზიდენტი

არჩილ გოგელია – საქტელერადიო კორპორაციის თავმჯდომარე

დავით იაკობიძე – საქართველოს ფინანსთა მინისტრი

ზურაბ მახარაძე – საქართველოს საარქივო სახელმწიფო დეპარტამენტის თავმჯდომარე

ირაკლი მენაღარიშვილი – საქართველოს საგარეო საქმეთა მინისტრი

თევდორე ნინიძე – საქართველოს იუსტიციის მინისტრი

ზაზა სიამაშვილი – რეზო თაბუკაშვილის სახელობის ეროვნული მადლიერების ინსტიტუტის დირექტორი

ილია ტაბაღუა – ევროპისა და ამერიკის სამეცნიერო-კვლევითი ინსტიტუტის დირექტორი

გურამ შარაძე – საქართველოს პარლამენტის მიგრაციის და უცხოეთში მცხოვრებ თანანმემამულეთა საქმეების კომიტეტის თავმჯდომარე.

2. კომისიამ:

ა) უზრუნველყოს უცხოეთში არსებული ქართული და აგრეთვე საქართველოში არსებული უცხოური ისტორიულ-კულტურული მემკვიდრეობის შესწავლა და აღრიცხვა;

ბ) შეადგინოს თავისი მუშაობის გეგმა და წარუდგინოს საქართველოს ფინანსთა სამინისტროს გეგმით გათვალისწინებულ ღონისძიებათა ხარჯთაღრიცხვა.

3. საქართველოს ფინანსთა სამინისტრომ კომისიის მიერ წარმოდგენილი ხარჯები გაითვალისწინოს 1997 წლის ბიუჯეტში.

    ე. შევარდნაძე