„საქართველოს სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებაში ცვლილებების თაობაზე

საქართველოს პრეზიდენტის

ბრძანებულება №65

1999 წლის 19 თებერვალი

ქ. თბილისი

„საქართველოს სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებაში ცვლილებების თაობაზე

1. გაუქმდეს საქართველოს სახელმწიფო კანცელარიის ეკონომიკური სამსახურის სტრუქტურული ქვედანაყოფები და მის ბაზაზე საქართველოს სახელმწიფო კანცელარიის სტრუქტურაში (არსებულ ასიგნებათა ფარგლებში) შეიქმნას:

ა) ფულად-საკრედიტო, ფისკალური პოლიტიკისა და საგარეო-ეკონომიკურ ურთიერთობათა სამსახური;

ბ) სექტორული ეკონომიკის სამსახური;

გ) ეკონომიკური რეფორმებისა და საერთაშორისო ორგანიზაციებთან მუშაობის სამსახური.

2. გაუქმდეს სახელმწიფო მართვის სისტემის რეფორმების საბჭოს აპარატის სტრუქტურული ქვედანაყოფი.

3. შეტანილ იქნეს შესაბამისი ცვლილება „საქართველოს სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებით დამტკიცებულ სტრუქტურაში:

ა) დაემატოს – ფულად-საკრედიტო, ფისკალური პოლიტიკისა და საგარეო-ეკონომიკურ ურთიერთობათა სამსახური; სექტორული ეკონომიკის სამსახური; ეკონომიკური რეფორმებისა და საერთაშორისო ორგანიზაციებთან მუშაობის სამსახური;

ბ) ჩამონათავლიდან ამოღებულ იქნეს – ეკონომიკური სამსახური; სახელმწიფო მართვის სისტემის რეფორმების საბჭოს აპარატი.

4. საქართველოს სახელმწიფო მინისტრმა ვ. ლორთქიფანიძემ და საქართველოს სახელმწიფო მინისტრის პირველმა მოადგილეს – სახელმწიფო კანცელარიის უფროსმა პ. მამრაძემ ახლად შექმნილ სამსახურებში განახორციელონ შტატების შემცირება, თანახმად საქართველოს კანონისა „საჯარო სამსახურის შესახებ“.

ე. შევარდნაძე