„სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებაში ნაწილობრივი ცვლილებების შეტანის შესახებ

საქართველოს პრეზიდენტის

ბრძანებულება №619

1997 წლის 4 ნოემბერი

ქ. თბილისი

„სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებაში ნაწილობრივი ცვლილებების შეტანის შესახებ

„ქართულ-ოსური კონფლიქტის მოწესრიგების კომისიების გაერთიანებული აპარატის შესახებ“ საქართველოს პრეზიდენტის 1997 წლის 23 სექტემბრის №536 ბრძანებულებისა და მის საფუძველზე საქართველოს სახელმწიფო მინისტრის 1997 წლის 16 ოქტომბრის №156 ბრძანებით დამტკიცებული საშტატო ნუსხისა და ხარჯთაღრიცხვის თანახმად, აგრეთვე „ქართულ-ოსური კონფლიქტის მოწესრიგების შერეული საკონტროლო კომისიის ქართული მხარის შესახებ“ საქართველოს პრეზიდენტის 1996 წლის 27 დეკემბრის №324 განკარგულების შესაბამისად შემოღებული თანამდებობის – ქართულ-ოსური კონფლიქტის მოწესრიგების კომისიების გაერთიანებული აპარატის უფროსის საქართველოს სახელმწიფო კანცელარიის დებულებაში ასახვის მიზნით: შეტანილ იქნეს ნაწილობრივი ცვლილება საქართველოს პრეზიდენტის 1997 წლის 31 იანვრის №81 ბრძანებულებით დამტკიცებულ საქართველოს სახელმწიფო კანცელარიის დებულებაში:

– დებულების მე-7 მუხლში სიტყვების „სამსახურის უფროსების“ შემდეგ ჩაემატოს სიტყვები „ქართულ-ოსური კონფლიქტის მოწესრიგების კომისიების გაერთიანებული აპარატის უფროსი“;

– დებულების მე-12 მუხლის ბოლო აბზაცში სიტყვების „სამსახურების უფროსების“ შემდეგ ჩაემატოს სიტყვები „ქართულ-ოსური კონფლიქტის მოწესრიგების კომისიების გაერთიანებული აპარატის უფროსი“.

 ე.შევარდნაძე