საქართველოს ეროვნული უშიშროების საბჭოს აპარატის ზოგიერთი კატეგორიის თანამშრომელთა დიპლომატიური თანამდებობის პირებთან გათანაბრების შესახებ

საქართველოს პრეზიდენტის

ბრძანებულება №290

2004 წლის 26 ივლისი

ქ. თბილისი

საქართველოს ეროვნული უშიშროების საბჭოს აპარატის ზოგიერთი კატეგორიის თანამშრომელთა დიპლომატიური თანამდებობის პირებთან გათანაბრების შესახებ

1. „დიპლომატიური სამსახურის შესახებ“ საქართველოს კანონის მე-2 მუხლის „თ” ქვეპუნქტის შესაბამისად:

ა) უმაღლესი დიპლომატიური თანამდებობის პირებთან გათანაბრდნენ საქართველოს პრეზიდენტის თანაშემწე ეროვნული უშიშროების საკითხებში – ეროვნული უშიშროების საბჭოს მდივანი, საქართველოს ეროვნული უშიშროების საბჭოს მდივნის მოადგილეები, ეროვნული უშიშროების საბჭოს აპარატის საერთაშორისო უსაფრთხოების დეპარტამენტის დირექტორი, ეროვნული უშიშროების საბჭოს აპარატის სახელმწიფო და საზოგადოებრივი უსაფრთხოების დეპარტამენტის დირექტორი;

ბ) უფროსი დიპლომატიური თანამდებობის პირებთან გათანაბრდეს საქართველოს ეროვნული უშიშროების საბჭოს აპარატის საერთაშორისო უსაფრთხოების დეპარტამენტის დირექტორის მოადგილე;

გ) უმცროსი დიპლომატიური თანამდებობის პირებთან გათანაბრდნენ საქართველოს ეროვნული უშიშროების საბჭოს აპარატის საერთაშორისო უსაფრთხოების დეპარტამენტის მთავარი მრჩევლები, ხოლო თუ მათ აქვთ დიპლომატიურ სამსახურში მუშაობის სულ ცოტა 2 წლის სტაჟი და/ან აქვთ მინიჭებული დიპლომატიური რანგი, გათანაბრდნენ უფროსი დიპლომატიური თანამდებობის პირებთან.

2. ძალადაკარგულად ჩაითვალოს ,,საქართველოს ეროვნული უშიშროების საბჭოს აპარატის ზოგიერთი კატეგორიის თანამშრომლეთა დიპლომატიური თანამდებობის პირებთან გათანაბრების შესახებ” საქართველოს პრეზიდენტის 2004 წლის 25 მაისის №182 ბრძანებულება.

მ. სააკაშვილი