„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის N286 ბრძანებულებაში დამატებების შეტანის თაობაზე

საქართველოს პრეზიდენტის

ბრძანებულება №188

2011 წლის 7 აპრილი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატებების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში (სსმ III, 2001 წ., №78, მუხ. 555) შეტანილ იქნეს დამატებები და ბრძანებულების პირველი პუნქტით დამტკიცებულ საჯარო სამსახურის თანამდებობათა რეესტრის 26-ე მუხლს დაემატოს შემდეგი შინაარსის „რ–უ“ ქვეპუნქტები:

„რ) სახელმწიფო საქვეუწყებო დაწესებულების მთავარი ინსპექტორი;

ს) სახელმწიფო საქვეუწყებო დაწესებულების უფროსი ინსპექტორი;

ტ) სახელმწიფო საქვეუწყებო დაწესებულების ინსპექტორი;

უ) სახელმწიფო საქვეუწყებო დაწესებულების უმცროსი ინსპექტორი.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი