"სატყეო მეურნეობის მართვის შესახებ" აჭარის ავტონომიური რესპუბლიკის მთავრობის 2010 წლის 7 დეკემბრის №56 დადგენილებაში ცვლილებებისა და დამატებების შეტანის თაობაზე

აჭარის ავტონომიური რესპუბლიკის მთავრობის

დადგენილება №12

2011 წლის 29 მარტი

ქ. ბათუმი

„სატყეო მეურნეობის მართვის შესახებ“ აჭარის ავტონომიური რესპუბლიკის მთავრობის 2010 წლის 7 დეკემბრის №56 დადგენილებაში ცვლილებებისა და დამატებების შეტანის თაობაზე

    მუხლი 1

„აჭარის ავტონომიური რესპუბლიკის ნორმატიული აქტების შესახებ“ აჭარის ავტონომიური რესპუბლიკის კანონის 26-ე მუხლის შესაბამისად, „სატყეო მეურნეობის მართვის შესახებ“ აჭარის ავტონომიური რესპუბლიკის მთავრობის 2010 წლის 7 დეკემბრის №56 დადგენილებაში (სსმ III, 17.12.10 წ., №165, მუხ. 2359) შეტანილ იქნეს შემდეგი ცვლილებები და დამატებები და დადგენილებით დამტკიცებული „სატყეო მეურნეობის მართვის წესის“:

ა) მე-3 მუხლი ჩამოყალიბდეს შემდეგი რედაქციით:

     „მუხლი 3. მომსახურების საფასური

1. სააგენტოს მიერ გაწეული მომსახურების საფასური განისაზღვრება ამ წესის №1 დანართის შესაბამისად.

2. ხე-ტყის დამზადების ბილეთის გაცემისათვის მომსახურების საფასურის გადახდა ხდება არა უგვიანეს ხე-ტყის ტყიდან ტრანსპორტირებისა:

ა) ხე-ტყის დამზადების სპეციალური ლიცენზიის ან გენერალური ლიცენზიის მფლობელის, მიერ ხე-ტყის დამზადების ბილეთში მითითებული ლიკვიდური მერქნის მოცულობის შესაბამისად – სრულად;

ბ) სოციალური ჭრების განხორციელების შემთხვევაში – ტყითმოსარგებლის მიერ მასზე დასამზადებლად დამაგრებული ლიკვიდური მერქნის მოცულობის მიხედვით.

3. სალიცენზიო ობიექტის მომზადებისათვის მომსახურების საფასური არ დგინდება გადაშენების საფრთხის წინაშე მყოფი ველური მცენარეების სანიტარიული ჭრებით გარემოდან ამოღების მიზნით ხე-ტყის დამზადების სპეციალური ლიცენზიის გაცემისას.

4. ხე-ტყის დამზადების ბილეთის გაცემისათვის ამ წესით დადგენილი მომსახურების საფასური გადაიხდება 2011 წლის 1 იანვრის შემდეგ გამოყოფილ ტყეკაფებზე.

5. ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიის, სამონადირეო მეურნეობის სპეციალური ლიცენზიისა და სოჭის გირჩის მოპოვებისათვის ლიცენზიის გაცემის მიზნით გამართულ აუქციონში გამარჯვებული ვალდებულია ლიცენზიის მიღებამდე სააგენტოს ანგარიშზე ჩარიცხოს სალიცენზიო ობიექტის მომზადებისათვის გაწეული მომსახურების ამ წესით დადგენილი საფასური.“;

ბ) მე-14 მუხლს დაემატოს შემდეგი შინაარსის მე-4 პუნქტი:

„4. ნადირობას დაქვემდებარებული ცხოველთა სამყაროს ობიექტის მოპოვების დოკუმენტი გაიცემა თითოეულ სანადირო იარაღზე.“;

გ) მე-6 თავის სათაური ჩამოყალიბდეს შემდეგი რედაქციით:

„თავი V

მერქნული რესურსის საკუთრებაში და ტყის ფონდის სარგებლობაში აუქციონის ფორმით გაცემის წესი’’;

დ) 23-ე მუხლი ჩამოყალიბდეს შემდეგი რედაქციით:

     „მუხლი 23. ტყის ფონდით სარგებლობის ობიექტი

1. ამ თავის მიზნებისათვის ტყის ფონდით სარგებლობის ობიექტია მის ფარგლებში არსებული მიწის ნაკვეთი, მასზე არსებული მცენარეებით და შენობა-ნაგებობებით.

2. სააგენტოს მიერ ტყის ფონდი სარგებლობის უფლებით გაიცემა აჭარის ავტონომიური რესპუბლიკის ფინანსთა და ეკონომიკის სამინისტროს, ხოლო სახელმწიფო სასაზღვრო ზოლში, აგრეთვე საქართველოს შინაგან საქმეთა სამინისტროს თანხმობით.

3. სააგენტო სახელმწიფო ტყის ფონდის მიწებს სასოფლო-სამეურნეო მიზნით სარგებლობის უფლებით გასცემს არა უმეტეს 10 წლის ვადით, ხოლო არასასოფლო-სამეურნეო მიზნით სარგებლობის უფლებით – არა უმეტეს 49 წლის ვადით.’’;

ე) 24-ე მუხლის პირველი პუნქტი ჩამოყალიბდეს შემდეგი რედაქციით:

,,1. ტყის ფონდის ფარგლებში არსებული მიწის ნაკვეთის სარგებლობაში მიღების უფლება აქვს ნებისმიერ ფიზიკურ ან იურიდიულ პირს, ან სხვა ორგანიზაციულ წარმონაქმნს, რომელიც არ არის იურიდიული პირი.’’;

ვ) 25-ე მუხლი ჩამოყალიბდეს შემდეგი რედაქციით:

     „მუხლი 25. ტყის ფონდის სარგებლობაში გადაცემისა და მერქნული რესურსის საკუთრების უფლებით გაცემის წესი

1. ტყის ფონდის სარგებლობაში გადაცემა და მერქნული რესურსის საკუთრების უფლებით გაცემა ხდება სააგენტოს მიერ აუქციონის ფორმით.

2. ამ თავის მიზნებისათვის მერქნული რესურსია ტყით მოსარგებლისათვის გამოყოფილ ტყეკაფამდე მისასვლელი სატყეო-სამეურნეო გზის მშენებლობისას მოჭრილი მერქნული რესურსი, ტყითმოსარგებლისათვის (მათ შორის, ლიცენზიანტი) ტყითსარგებლობის ვადის ამოწურვის ან შეწყვეტის შემდეგ სახელმწიფო ტყის ფონდიდან გამოუზიდავი მერქნული რესურსი, უკანონო ჭრების შედეგად სახელმწიფო ტყის ფონდიდან გამოუზიდავი მერქნული რესურსი, აგრეთვე ამ წესის 36-ე მუხლის მე-5 პუნქტით, 38-ე მუხლის მე-6 პუნქტითა და 39-ე მუხლის მე-3 პუნქტით გათვალისწინებულ შემთხვევებში – გარემოდან ამოღებული მერქნული რესურსი.”;

ზ) 26-ე მუხლის პირველი, მე-8 და მე-9 პუნქტები ჩამოყალიბდეს შემდეგი რედაქციით:

„1. აუქციონი შეიძლება გამოცხადდეს:

ა) ტყის ფონდის სარგებლობის უფლების გაცემის შემთხვევაში – სააგენტოს ინიციატივით ან დაინტერესებული პირის განცხადების საფუძველზე ტყის ფონდის შესაბამისი მიწის ნაკვეთის საჯარო რეესტრში რეგისტრაციის შემდეგ;

ბ) მერქნული რესურსის საკუთრებაში გაცემის შემთხვევაში – სააგენტოს ინიციატივით.“.

„8. გამოსაქვეყნებელი ინფორმაცია უნდა შეიცავდეს შემდეგ მონაცემებს:

ა) ქონების საკუთრებაში ან სარგებლობაში გამცემი სუბიექტის დასახელებას;

ბ) ქონების დასახელებას, ადგილმდებარეობას და ზოგად მონაცემებს (ტყის ფონდის სარგებლობაში გაცემის შემთხვევაში) ან ქონების სახეობას, ადგილმდებარეობას და რაოდენობას (მერქნული რესურსის საკუთრებაში გაცემის შემთხვევაში);

გ) აუქციონის გამართვისა და სარგებლობის უფლების მაძიებლის მიერ განცხადების წარდგენის ვადებს;

დ) კანონმდებლობით დადგენილ სარგებლობის უფლებით გაცემის პირობებს;

ე) ტყის ფონდის სარგებლობის უფლებით გადაცემის შემთხვევაში  –  სარგებლობის ვადას;

ვ) გამარჯვებულის გამოვლენის კრიტერიუმებს;

ზ) სარგებლობის უფლებით გადასაცემი ტყის ფონდის საწყის ფასს ან საკუთრების უფლებით გასაცემი მერქნული რესურსის საწყის ფასს;

თ) ,,ბუნებრივი რესურსებით სარგებლობისათვის მოსაკრებლების შესახებ’’ საქართველოს კანონით შესაბამისი სახეობის მერქნული რესურსისათვის დადგენილი სამასალე მერქნის მოსაკრებლის ოდენობას და სააგენტოს მიერ გაწეული მომსახურების საფასურის ოდენობას (მერქნული რესურსის საკუთრებაში გაცემის შემთხვევაში);

ი) ყველა სხვა ინფორმაციას, რომელსაც სააგენტო ჩათვლის საჭიროდ.

9. აუქციონის ჩატარების მიზანია ტყის ფონდით სარგებლობის უფლება და მერქნული რესურსის საკუთრების უფლება მიენიჭოს აუქციონში მონაწილე იმ პირს, რომელიც აუქციონის პროცესში ყველაზე მაღალ ფასს შესთავაზებს სააგენტოს.“;

თ) 26-ე მუხლის მე-4 პუნქტი ამოღებულ იქნას;

ი) 27-ე მუხლის მე-4 პუნქტი ჩამოყალიბდეს შემდეგი რედაქციით:

„4. ბეს ოდენობა განისაზღვრება აუქციონის საწყისი ფასის 100 %-ის ოდენობით.“;

კ) 31-ე მუხლის მე-4 პუნქტი ჩამოყალიბდეს შემდეგი რედაქციით:

„4. ტყის ფონდის სარგებლობის უფლებით გაცემის მიზნით გამართული აუქციონის ოქმის გაფორმებიდან 30 კალენდარული დღის ვადაში აუქციონში გამარჯვებულის მიერ გადახდის დამადასტურებელი ქვითრის წარდგენის შემთხვევაში ფორმდება ტყითსარგებლობის ხელშეკრულება, ხოლო მერქნული რესურსის საკუთრებაში გაცემის მიზნით გამართული აუქციონის ოქმის გაფორმებიდან 10 კალენდარული დღის ვადაში აუქციონში გამარჯვებულის მიერ გადახდის დამადასტურებელი ქვითრის წარდგენის შემთხვევაში ფორმდება ნასყიდობის ხელშეკრულება და გამარჯვებულს გადაეცემა მერქნული რესურსი საკუთრებაში.“;

ლ) 32-ე მუხლს დაემატოს შემდეგი შინაარსის მე-4 და მე-5 პუნქტები:

„4. მერქნული რესურსის საკუთრების უფლებით გაცემის მიზნით გამართულ აუქციონში გამარჯვებული ვალდებულია, აუქციონში გამარჯვებიდან არა უგვიანეს 10 კალენდარული დღის ვადაში მითითებულ საბანკო ანგარიშებზე ნაღდი ან უნაღდო ანგარიშსწორებით გადაიხადოს:

ა) აჭარის ავტონომიური რესპუბლიკის რესპუბლიკურ ბიუჯეტში – თავის მიერ აუქციონზე შეთავაზებული ფასი;

ბ) ,,ბუნებრივი რესურსებით სარგებლობისათვის მოსაკრებლების შესახებ’’ საქართველოს კანონით შესაბამისი სახეობის მერქნული რესურსისათვის დადგენილი სამასალე მერქნის მოსაკრებელი;

გ) სააგენტოს ანგარიშზე – ამ მერქნული რესურსისათვის დადგენილი, სააგენტოს მიერ გაწეული მომსახურების საფასური 1 კუბურ მეტრ მერქნულ რესურსზე – 3 ლარი (დღგ-ის ჩათვლით).

5. ამ მუხლის მე-4 პუნქტით განსაზღვრული თანხის გადახდის შემდეგ აუქციონში გამარჯვებული პირიზე გაიცემა ხე-ტყის კანონიერების დამადასტურებელი დოკუმენტი.’’;

მ) 36-ე მუხლის მე-5 პუნქტი ჩამოყალიბდეს შემდეგი რედაქციით:

,,5. ფართობის შერჩევა არ უნდა მოხდეს ტერიტორიაზე, სადაც პლანტაციური მეურნეობის წარმოების მიზნებისათვის აუცილებელი გახდება ხის (ხეების) მოჭრა 1 ჰექტარზე 50 კუბურ მეტრზე მეტი ოდენობით. პლანტაციური მეურნეობის წარმოების მიზნების განხორციელებისათვის დასაშვებია ბუჩქნარისა და ქვეტყის ფანჯრულად ან ზოლებრივად მოჭრა. მოჭრილი მერქნული რესურსიდან სარეალიზაციოდ ვარგისი მერქნული რესურსი გაიცემა სააგენტოს მიერ ამ წესით დადგენილი აუქციონის წესით.’’;

ნ) 38-ე მუხლის მე-6 პუნქტი ჩამოყალიბდეს შემდეგი რედაქციით:

,,6. ფართობის შერჩევა არ უნდა მოხდეს ტერიტორიაზე, სადაც თევზის მეურნეობის წარმოების მიზნებისათვის აუცილებელი გახდება ხის (ხეების) მოჭრა 1 ჰექტარზე 50 კუბურ მეტრზე მეტი ოდენობით. მოჭრილი მერქნული რესურსიდან სარეალიზაციოდ ვარგისი მერქნული რესურსი გაიცემა სააგენტოს მიერ ამ წესით დადგენილი აუქციონის წესით.’’;

ო) 39-ე მუხლის მე-3 პუნქტი ჩამოყალიბდეს შემდეგი რედაქციით:

„3. ფართობის შერჩევა არ უნდა მოხდეს ტერიტორიაზე, სადაც სანაშენეების მიზნებისათვის აუცილებელი გახდება ხის (ხეების) მოჭრა 1 ჰექტარზე 50 კუბურ მეტრზე მეტი ოდენობით. დასაშვებია ბუჩქნარისა და ქვეტყის პირწმინდად მოჭრა (ამოძირკვის გარეშე). მოჭრილი მერქნული რესურსიდან სარეალიზაციოდ ვარგისი მერქნული რესურსი გაიცემა სააგენტოს მიერ ამ წესით დადგენილი აუქციონის წესით.’’;

პ) წესის №1 დანართი ჩამოყალიბდეს შემდეგი რედაქციით:

„დანართი №1

სააგენტოს მიერ გაწეული მომსახურების საფასური

                                                                                                                                                             “;

ჟ) წესს დაემატოს შემდეგი შინაარსის №2 დანართი:

„დანართი №2

მერქნული რესურსის საკუთრების უფლებით გაცემის აუქციონის საწყისი ფასი

                                                                                                                                                        “.

    მუხლი 2

1. ის პირი, რომელსაც ამ დადგენილების ამოქმედებამდე აჭარის ავტონომიური რესპუბლიკის ადმინისტრაციულ ტერიტორიაზე არსებულ ტყის ფონდის ტერიტორიაზე განთავსებული აქვს კავშირგაბმულობის საკომუნიკაციო ნაგებობა, ვალდებულია ამ დადგენილების ამოქმედებიდან 3 თვის ვადაში დადოს ტყითსარგებლობის ხელშეკრულება საჯარო სამართლის იურიდიულ პირთან – აჭარის სატყეო სააგენტოსთან და გადაიხადოს შესაბამისი საფასური.

2. ის პირი, რომელსაც ამ დადგენილების ამოქმედებამდე სარგებლობაში აქვს მიწის ნაკვეთი აჭარის ავტონომიური რესპუბლიკის ადმინისტრაციულ ტერიტორიაზე არსებულ სახელმწიფო საკუთრებაში არსებული ტყის ფონდის ტერიტორიაზე ვალდებულია ამ დადგენილების ამოქმედებიდან 3 თვის ვადაში დადოს ხელშეკრულება საჯარო სამართლის იურიდიულ პირთან – აჭარის სატყეო სააგენტოსთან და ხელშეკრულებით განსაზღვრული სარგებლობის თანხა ჩარიცხოს საჯარო სამართლის იურიდიული პირის – აჭარის სატყეო სააგენტოს ანგარიშზე.

    მუხლი 3

დადგენილება ამოქმედდეს გამოქვეყნებისთანავე.

მთავრობის თავმჯდომარე          ლ. ვარშალომიძე