საქართველოს საერთო სასამართლოების მოსამართლეთათვის თანამდებობრივ სარგოზე დანამატის განსაზღვრისა და საცხოვრებელი ფართობით უზრუნველყოფის ხარჯების ანაზღაურების წესის შესახებ

საქართველოს პრეზიდენტის

ბრძანებულება №78

2006 წლის 25 იანვარი

ქ. თბილისი

საქართველოს საერთო სასამართლოების მოსამართლეთათვის თანამდებობრივ სარგოზე დანამატის განსაზღვრისა და საცხოვრებელი ფართობით უზრუნველყოფის ხარჯების ანაზღაურების წესის შესახებ

1. „მოსამართლეთა სოციალური და სამართლებრივი დაცვის გარანტიების შესახებ“ საქართველოს კანონის მე-5 მუხლის პირველი პუნქტისა და მე-11 მუხლის შესაბამისად:

ა) საერთო სასამართლოების მოსამართლეებს საქართველოს იუსტიციის უმაღლესი საბჭოს გადაწყვეტილებით შესაძლებელია თანამდებობრივ სარგოზე დაუწესდეთ დანამატი არა უმეტეს თანამდებობრივი სარგოს 50%-ისა;

ბ) გადაწყვეტილებას იმ მოსამართლეთა საცხოვრებელი ბინით უზრუნველყოფის ან საამისოდ საჭირო ხარჯების ანაზღაურების შესახებ, რომელთაც სამოსამართლო უფლებამოსილების განხორციელების ადგილას არ აქვთ საცხოვრებელი ბინა, იღებს საქართველოს იუსტიციის უმაღლესი საბჭო.

2. ამ ბრძანებულების პირველი და მეორე პუნქტების შესაბამისად განსაზღვრული დანამატებისა და საცხოვრებელი ბინით უზრუნველყოფის ხარჯების ანაზღაურება განხორციელდეს „2006 წლის სახელმწიფო ბიუჯეტის შესახებ“ საქართველოს კანონით საერთო სასამართლოებისათვის დამტკიცებული ასიგნებების ფარგლებში.

3. ეს ბრძანებულება ამოქმედდეს 2006 წლის   1 იანვრიდან.

მ. სააკაშვილი