დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საჯარო სამართლის იურიდიული პირის – სახელმწიფო მუზეუმის – საქართველოს ეროვნული გალერეის შექმნის შესახებ | |
|---|---|
| დოკუმენტის ნომერი | 1074 |
| დოკუმენტის მიმღები | საქართველოს პრეზიდენტი. |
| მიღების თარიღი | 21/12/2005 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 149, 23/12/2005 |
| ძალის დაკარგვის თარიღი | 19/03/2007 |
| სარეგისტრაციო კოდი | 000000000.00(0).000.000000 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (23/12/2005 - 15/03/2007)
საქართველოს პრეზიდენტის
ბრძანებულება №1074
2005 წლის 21 დეკემბერი
ქ. თბილისი
საჯარო სამართლის იურიდიული პირის – სახელმწიფო მუზეუმის – საქართველოს ეროვნული გალერეის შექმნის შესახებ
1. სახელმწიფო მუზეუმის – საქართველოს ეროვნული გალერეის სამართლებრივი სტატუსის განსაზღვრის მიზნით, „მუზეუმების შესახებ“ საქართველოს კანონის 33-ე მუხლის გათვალისწინებით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, აღნიშნული მუზეუმის ბაზაზე შეიქმნას საჯარო სამართლის იურიდიული პირი – სახელმწიფო მუზეუმი – საქართველოს ეროვნული გალერეა (შემდგომში – მუზეუმი).
2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):
ა) განახორციელოს მუზეუმის საქმიანობის სახელმწიფო კონტროლი;
ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.
3. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს მუზეუმისათვის საქართველოს ეროვნული გალერეის ბალანსზე არსებული ქონების კანონმდებლობით დადგენილი წესით გადაცემა.
მ. სააკაშვილი
დოკუმენტის კომენტარები