„2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დადგენილებაში ცვლილებებისა და დამატების შეტანის თაობაზე

საქართველოს მთავრობის

დადგენილება №146

2011 წლის 31 მარტი

ქ. თბილისი

„2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დადგენილებაში ცვლილებებისა და დამატების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დადგენილებაში (სსმ, 17.02.2011წ.) შეტანილ იქნეს შემდეგი ცვლილებები და დამატება:

1. №5 დანართის (დედათა და ბავშვთა ჯანმრთელობა) მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. ამ პროგრამის ფარგლებში ორსულებში B ჰეპატიტის განსაზღვრისათვის საჭირო ტესტების შესყიდვა ხორციელდება 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრის, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტროს მიერ „სახელმწიფო შესყიდვების შესახებ“ საქართველოს კანონის მოთხოვნათა შესაბამისად. აღნიშნული ტესტები შემსყიდველის მიერ ინდივიდუალური ადმინისტრაციულ-სამართლებრივი აქტით დადგენილი წესით, სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მეშვეობით გადაეცემა ამ დანართის მე-3 მუხლის „ა“ ქვეპუნქტით განსაზღვრული მომსახურების მიმწოდებელს, რომელიც გამოვლინდება პროგრამის მე-7 მუხლის პირველი პუნქტის შესაბამისად.“.

2. №6 დანართის (ბავშვთა და მოზარდთა დიაბეტის მართვა) მე-7 მუხლის პირველი პუნქტი ჩამოყალიბდეს შემდეგი რედაქციით:

„1. მე-3 მუხლის „ა“ ქვეპუნქტით გათვალისწინებული მომსახურების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.“.

3. №8 დანართის (ნარკომანია) მე-5 მუხლი ჩამოყალიბდეს შემდეგი რედაქციით:

     „მუხლი 5. მომსახურების განხორციელების მექანიზმები

პროგრამით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის ,,დ“ ქვეპუნქტის შესაბამისად, გამარტივებული შესყიდვის საშუალებით, სსიპ – სოციალური მომსახურების სააგენტოს მიერ.“.

4. №12 დანართის (იმუნიზაცია) მე-8 მუხლის პირველი პუნქტი ჩამოყალიბდეს შემდეგი რედაქციით:

„1. მე-3 მუხლის „ა“ და „ბ“ ქვეპუნქტებით გათვალისწინებული ღონისძიებების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.“.

5. №15 დანართის (დიალიზი და თირკმლის ტრანსპლანტაცია):

ა) მე-7 მუხლს დაემატოს შემდეგი შინაარსის მე-4 პუნქტი:

„4. პროგრამის ფარგლებში ჰემოდიალიზისა და პერიტონეული დიალიზის მომსახურების მიმწოდებელი გამოვლენილად ითვლება მომსახურების მიწოდებისათვის საჭირო მე-5 მუხლის მე-3 პუნქტით გათვალისწინებული შესაბამისი საქონლის მიწოდების შემთხვევაში. შესაბამისად, პროგრამის ფარგლებში ჰემოდიალიზისა და პერიტონეული დიალიზის მომსახურების მიმწოდებელი პროგრამით განსაზღვრული მომსახურების განხორციელებას იწყებს მე-5 მუხლის მე-3 პუნქტით გათვალისწინებული შესაბამისი საქონლის (სადიალიზე მასალების, კათეტერის, მედიკამენტების) მიწოდებისთანავე.“;

ბ) მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. მე-5 მუხლის მე-3 პუნქტით გათვალისწინებული ღონისძიებების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.“.

6. №27 დანართის (მოსახლეობის სპეციფიკური მედიკამენტებით უზრუნველყოფა) მე-8 მუხლის პირველი პუნქტი ჩამოყალიბდეს შემდეგი რედაქციით:

„1. პროგრამის მე-3 მუხლით გათვალისწინებული მედიკამენტების, საკვები დანამატისა და მომსახურების შესყიდვას 2011 წლის პირველ აპრილამდე უზრუნველყოფს სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.“.

მუხლი 2. დადგენილება ამოქმედდეს 2011 წლის 31 მარტიდან.

ნ. გილაური