საქართველოს საგადასახადო შემოსავლების სამინისტროს დებულების დამტკიცების შესახებ

საქართველოს პრეზიდენტის

ბრძანებულება №280

2000 წლის 30 ივნისი

ქ. თბილისი

საქართველოს საგადასახადო შემოსავლების სამინისტროს დებულების დამტკიცების შესახებ

1. დამტკიცდეს საქართველოს საგადასახადო შემოსავლების სამინისტროს თანდართული დებულება.

2. ძალადაკარგულად ჩაითვალოს:

ა) საქართველოს პრეზიდენტის 2000 წლის 14 თებერვლის №44 ბრძანებულება „საქართველოს საგადასახადო შემოსავლების სამინისტროს დროებითი დებულების დამტკიცების შესახებ“;

ბ) საქართველოს პრეზიდენტის 1999 წლის 2 ივნისის №348 ბრძანებულებით დამტკიცებული „საქართველოს საგადასახადო შემო­სავლების სამინისტროს საგადასახადო დეპარტამენტის დებულება“;

გ) საქართველოს პრეზიდენტის 1999 წლის 8 იანვრის №2 ბრძა­ნებულებით დამტკიცებული „საქართველოს საბაჟო სახელმწიფო დე­პარტამენტის დებულება“.

3. საქართველოს საგადასახადო შემოსავლების სამინისტროს ცენტრალური აპარატის საშტატო რიცხოვნობა განისაზღვროს 140 საშტატო ერთეულით სამინისტროს სისტემის ორგანოებისათვის 2000 წლის ბიუჯეტით გათვალისწინებული საშტატო რიცხოვნობისა და ასიგნებების ფარგლებში.

4. ეს ბრძანებულება ამოქმედდეს 2000 წლის 1 ივლისს.

ე. შევარდნაძე

საქართველოს საგადასახადო შემოსავლების სამინისტროს დებულება

    მუხლი    1. ზოგადი დებულებანი

1. საქართველოს საგადასახადო შემოსავლების სამინისტრო (შემდგომში – სამინისტრო) არის საქართველოს კონსტიტუციის 81-ე მუხლისა და „აღმასრულებელი ხელისუფლების სტრუქტურისა და საქმიანობის წესის შესახებ“ საქართველოს კანონის შესაბამისად შექმნილი აღმასრულებელი ხელისუფლების სამთავრობო დაწესებულება, რომელიც მინდობილ სფეროში სახელმწიფო მმართველობის უზრუნველსაყოფად ასრულებს კანონით განსაზღვრულ ან საქართველოს პრეზიდენტის მიერ კანონის საფუძველზე დაკისრებულ ფუნქციებს, ახორციელებს საქართველოს ტერიტორიაზე საგადასახადო და საბაჟო კანონმდებლობის დაცვისა და შესრულების კონტროლს თავის გამგებლობის სფეროში სახელმწიფო მმართველობის უზრუნველსაყოფად.

2. თავისი ფუნქციების განხორციელებისას სამინისტრო მოქმედებს სახელმწიფოს სახელით.

3. სამინისტრო თავის საქმიანობას წარმართავს საქართველოს კონსტიტუციის, საერთაშორისო ხელშეკრულებებისა და შეთანხმებების, საგადასახადო და საბაჟო კოდექსების, „აღმასრულებელი ხელისუფლების სტრუქტურისა და საქმიანობის წესის შესახებ“ საქართველოს კანონის, ამ დებულებისა და სხვა ნორმატიული აქტების შესაბამისად.

4. სამინისტრო ფინანსდება ცენტრალური ბიუჯეტიდან. მისი მატერიალურ-ტექნიკური ბაზის გაუმჯობესება და თანამშრომელთა წახალისება ხორციელდება აგრეთვე სპეცსახსრების მეშვეობით კანონმდებლობით დადგენილი წესით.

5. სამინისტროს აქვს ბეჭედი საქართველოს სახელმწიფო გერბის გამოსახულებით და საკუთარი დასახელებით, დამოუკიდებელი ბალან­სი, ანგარიშსწორების ანგარიში და სპეციალური ანგარიშები ხაზინაში.

6. სამინისტროს გამგებლობის სფეროს განეკუთვნება: გადასახადებისა და სავალდებულო სამედიცინო სადაზღვევო შენატანის აკრე­ფის ორგანიზება, საგადასახადო და საბაჟო ორგანოების საქმიანობის მართვა, კოორდინაცია და მათ მიერ საგადსახადო-საბაჟო პოლიტიკის განხორციელებისათვის ოპერატიული კონტროლის დაწესება, შესაბამისი პროგრამებისა და კონცეფციების შემუშავება და მათი განხორციელების ორგანიზება, აქციზურ მარკებთან დაკავ­შირებული პროცესების რეგულირება და მართვა.

7. სამინისტროს დებულებას ამტკიცებს საქართველოს პრე­ზიდენტი.

    მუხლი 2. სამინისტროს ძირითადი ამოცანები

სამინისტროს ძირითადი ამოცანებია:

ა) საგადასახადო და საბაჟო პოლიტიკის შემუშავებაში მონაწილეობა და ამ პოლიტიკის განხორციელება, საგადასახადო და საბაჟო კანონმდებლობის საფუძველზე საგადასახადო შემოსავლების (მათ შორის – სახელმწიფო ბიუჯეტში კონსოლიდირებული ბიუჯეტგარეშე ფონდების) სრული აკრეფის უზრუნველყოფა;

ბ) საგადასახადო და საბაჟო საქმიანობის ორგანიზაცია და სრულყოფა;

გ) საგადასახადო და საბაჟო პოლიტიკის განვითარების ძირითადი მიმართულებების შესახებ წინადადებათა შემუშავება, შესაბამისი პროგ­რამების შედგენა, კონცეფციების ჩამოყალიბება და მათი განხორციელების ორგანიზება;

დ) საგადასახადო და საბაჟო ორგანოების მიერ გადასახადების აკრეფის მდგომარეობის გაუმჯობესების მიზნით სათანადო დასკვნებისა და წინადადებების მომზადება და მათი განხორციელების ორგანიზება;

ე) საგადასახადო და საბაჟო კანონმდებლობის აღსრულებისა და გამოყენებისათვის ინსტრუქციებისა და მეთოდური მითითების შედგენა და დადგენილი წესით მათი მოთხოვნების შესრულების უზრუნველ­ყოფა;

ვ) მონაწილეობის მიღება სახელმწიფო ბიუჯეტის საშემოსავლო ნაწილის ფორმირების პროცესში;

ზ) კანონმდებლობით მინიჭებულ სხვა უფლებამოსილებათა გან­ხორციელება.

    მუხლი 3. სამინისტროს ფუნქციები

სამინისტროს ფუნქციებია:

ა) საგადასახადო და საბაჟო პოლიტიკის განხორციელებასთან დაკავშირებული კანონების, საერთაშორისო ხელშეკრულებებისა და შეთანხმებების, საქართველოს პრეზიდენტის ბრძანებულებებისა და განკარგულებების შესრულების ორგანიზაცია და კონტროლი;

ბ) საგადასახადო და საბაჟო ორგანოების მუშაობის მიღწეული და მოსალოდნელი შედეგების ანალიზი და პროგნოზირება, მათი საქმიანობის ეფექტიანობის ამაღლებისა და შემდგომი სრულყოფის შესახებ სათანადო რეკომენდაციების მომზადება;

გ) საგადასახადო და საბაჟო კანონმდებლობის დარღვევის ფაქტების შესწავლა, ანალიზი და შეფასება; ამ სფეროში სამარ­თალდარღვევების გამომწვევი მიზეზების აღმოსაფხვრელად შესაბამის წინადადებათა  მომზადება;

დ) საგადასახადო შემოსავლების მობილიზაციის პროგნოზირება მოდელირების შესაბამისი მეთოდების გამოყენებით;

ე) ყოველთვიური საგადასახადო შემოსავლების შესახებ სათა­ნადო ინფორმაციის მოპოვება და დამუშავება;

ვ)  საგადასახადო შემოსავლების შესახებ არსებულ მონაცემებთან დაკავშირებული ანგარიშგების სისტემების სრულყოფა;

ზ) შესაბამის წინადადებათა მომზადება საგადასახადო კანონმდებლობის სრულყოფის მიზნით;

თ) აქციზური მარკების გამოყენებისათვის მკაცრი კონტროლის დაწესება, დასაბეჭდი აქციზური მარკების რაოდენობის განსაზღვრა და მათი ბეჭდვის ორგანიზება, სამომხმარებლო ბაზარზე მარკირებას დაქვემდებარებული აქციზური საქონლის  მონიტორინგი;

ი)  სამინისტროს სისტემის ორგანოების მატერიალურ-ტექნიკური ბაზის განვითარების უზრუნველყოფა;

კ) კანონმდებლობით მინიჭებულ სხვა უფლებამოსილებათა გან­ხორციელება.

    მუხლი 4. სამინისტროს უფლებამოსილება

სამინისტრო უფლებამოსილია:

ა) მიიღოს თავისი სისტემის ორგანოებისათვის შესასრულებლად სავალდებულო გადაწყვეტილებანი;

ბ) განსაზღვროს საგადასახადო და საბაჟო ურთიერთობების სა­მართ­ლებრივი რეგულირების მექანიზმები;

გ) კანონმდებლობით დადგენილი წესით მოამზადოს და განსახილველად წარადგინოს წინადადებები მოქმედ კანონმ­დებლობაში ცვლილებათა და დამატებათა შეტანის შესახებ;

დ) შეიმუშაოს და დაამტკიცოს საგადასახადო და საბაჟო საქმიანობის მარეგულირებელი აქტები;

ე) დაამყაროს საქმიანი კავშირურთიერთობა  სხვა ქვეყნების შესაბამის სამსახურებთან და საერთაშორისო ორგანიზაციებთან;

ვ) მოქმედი კანონმდებლობის შესაბამისად განახორციელოს სამინისტროს სისტემის ორგანოებში კადრების შერჩევის, განაწი­ლებისა და კვალიფიკაციის ამაღლების ღონისძიებები;

ზ) საჭიროების შემთხვევაში მოიწვიოს სამთავრობო და  სახელმწიფო საქვეუწყებო დაწესებულებათა, საჯარო სამართლის იურიდიულ პირთა, აფხაზეთისა და აჭარის ავტონომიური რესპუბლიკების, ქალაქებისა და რაიონების, საჯარო ხელისუფლების ადგილობრივი თვითმმართელობისა და მმართველობის ორგანოთა, აგრეთვე სხვა იურიდიულ პირთა წარმომადგენლები, მეცნიერები და სპეციალისტები და მიიღოს მათგან საჭირო ინფორმაცია;

თ) კანონმდებლობით დადგენილი წესით კომპეტენციის ფარგლებში გამოითხოვოს და მიიღოს სახელმწიფო დაწესებულებებისაგან, მათ შორის, საქართველოს ფინანსთა სამინისტროს სახაზინო დეპარტამენტისა და საქართველოს ეროვნული ბანკისაგან შემოსავლებთან დაკავშირებული სამსახურებრივი (მათ შორის, საიდუმლო) ინფორმაცია, დოკუმენტები, ნორმატიული აქტები და სხვა მასალები;

ი) შექმნას საკვალიფიკაციო და საატესტაციო კომისიები;

კ) მოაწყოს კონფერენციები, თათბირ-სემინარები, ორგანიზება გაუწიოს კვალიფიკაციის ასამაღლებლად თანამშრომელთა მივლინებას როგორც ქვეყნის შიგნით, ისე საზღვარგარეთაც;

ლ) იქონიოს და განკარგოს ცენტრალიზებული სპეცსახსრების ანგარიში;

მ) კანონმდებლობით დადგენილი წესით შექმნას საბაჟო და საგადასახადო ორგანოების საჯარო მოსამსახურეთა სასწავლო ცენტრი;

ნ) განახორციელოს კანონმდებლობით მინიჭებული სხვა უფლება­მოსილებანი.

    მუხლი 5. სამინისტროს სისტემა და სტრუქტურული ერთეულები

1. სამინისტროს სისტემაში შედიან საბაჟო და საგადასახადო ორგანოები, გენერალური ინსპექცია,  საგანგებო ლეგიონი და აქციზური მარკების სამსახური.

2. სამინისტროს ცენტრალური აპარატის სტრუქტურული ქვედანაყოფებია:

ა) მინისტრის აპარატი;

ბ) საერთაშორისო ურთიერთობათა სამმართველო;

გ) აღრიცხვისა და ანგარიშგების დეპარტამენტი;

დ) ანალიზის, პროგნოზირებისა და საგადასახადო პოლიტიკის დეპარტამენტი;

ე) კადრების სამმართველო;

ვ) ფინანსებისა და საბუხჰალტრო აღრიცხვის სამმართველო;

ზ) მატერიალურ-ტექნიკური უზრუნველყოფის სამმართველო;

თ) იურიდიულ საკითხთა სამმართველო;

ი) საჩივრების განხილვის სამმართველო.

3. საბაჟო ორგანოებია:

ა) საბაჟო დეპარტამენტი;

ბ) აფხაზეთის ავტონომიური რესპუბლიკის საბაჟო სამმართველო;

გ) აჭარის ავტონომიური რესპუბლიკის საბაჟო სამმართველო;

დ) რეგიონალური საბაჟოები;

ე) საბაჟო საგუშაგოები;

ვ) საბაჟო გამშვები პუნქტები.

4. საგადასახადო ორგანოებია:

ა) საგადასახადო დეპარტამენტი;

ბ) აფხაზეთის ავტონომიური რესპუბლიკის საგადასახადო ინსპექ­ცია;

გ) აჭარის ავტონომიური რესპუბლიკის საგადასახადო ინსპექცია;

დ) მსხვილ გადამხდელთა ინსპექცია;

ე) საოლქო საგადასახადო ინსპექციები;

ვ) ზონალური საგადასახადო ინსპექციები;

ზ) რაიონული საგადასახადო ინსპექციები.

5. სამინისტროს სახელმწიფო საქვეუწყებო დაწესებულებები, ცენტრალური აპარატის სტრუქტურული ქვედანაყოფები და ტერიტორიული ორგანოები იქმნება მოქმედი კანონმდებლობით დადგენილი წესით.

6. სამინისტროს სისტემის ორგანოების საქმიანობის წესი და უფლებამოსილებანი განისაზღვრება მოქმედი კანონმდებლობითა და დებულებით, რომელსაც ამტკიცებს მინისტრი.

7.  სამინისტროს სტრუქტურული ქვედანაყოფები, სახელმწიფო საქვეუწყებო დაწესებულებები და ტერიტორიული ორგანოები სამსა­ხურებრივ  საკითხებთან დაკავშირებით საქართველოს პრეზიდენტს მი­მართავენ მინისტრის მეშვეობით.

    მუხლი 6. სამინისტროს ხელმძღვანელობა

1. სამინისტროს ერთმმართველობის პრინციპის საფუძველზე ხელმძღვანელობს მინისტრი, რომელსაც საქართველოს კანონით დად­გენილი წესით თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.

2.  მინისტრს ჰყავს სამი მოადგილე, მათ შორის, ერთი პირველი.

3. მინისტრის პირველ მოადგილეს, მოადგილეებს, საგადასახადო და საბაჟო დეპარტამენტების თავმჯდომარეებს, აგრეთვე გენერალური ინსპექციის უფროსსა და საგანგებო ლეგიონის უფროსს მინისტრის წარდგინებით თანამდებობაზე ნიშნავს და თანამდებობიდან ათავი­სუფლებს საქართველოს პრეზიდენტი.

    მუხლი 7. მინისტრი

1. მინისტრი კანონმდებლობით დადგენილი წესით:

ა) დამოუკიდებლად იღებს გადაწყვეტილებებს სამინისტროს კომპეტენციას მიკუთვნებულ საკითხებზე, მოქმედებს სამინისტროს სახელით, წარმოადგენს სამინისტროს სახელმწიფო ხელისუფლების სხვა ორგანოებთან და ორგანიზაციებთან ურთიერთობისას;

ბ) უშუალოდ, აგრეთვე მოადგილეების, სამინისტროს აპარატის სტრუქტურული ქვედანაყოფების, სახელმწიფო საქვეუწყებო დაწესებუ­ლებებისა და სხვა დაქვემდებარებული სამსახურების მეშვეობით წყვეტს ამ დებულებით განსაზღვრულ საკითხებს;

გ) ამტკიცებს ინსტრუქციებს;

დ) შეაქვს წინადადებები საქართველოს პრეზიდენტთან სამი­ნისტროს წლიური ბიუჯეტის შემოსავლისა და გასავლის საკითხებზე და, აუცილებლობის შემთხვევაში, დამატებითი ბიუჯეტის პროექტის შე­სახებ;

ე) განკარგავს სამინისტროსათვის ბიუჯეტით გამოყოფილ ასიგ­ნებებსა და სპეცსახსრების თანხებს;

ვ) ამტკიცებს სამინისტროს სტრუქტურული ქვედანაყოფების, სა­ხელმწიფო საქვეუწყებო დაწესებულებების, საგადასახადო და საბაჟო ორგანოების მოსამსახურეთა მატერიალური წახალისებისა და მატე­რიალურ-ტექნიკური უზრუნველყოფის ფონდის გამოყენებისა და განაწილების წესს და ახორციელებს მისი შესრულების კონტროლს;

ზ) სახელმწიფოს ბიუჯეტით დამტკიცებულ ასიგნებათა ფარგ­ლებში ამტკიცებს სამინისტროს სისტემის სახელმწიფო საქვეუწყებო დაწესებულებების ხარჯთა ნუსხას;

თ) პასუხს აგებს სახელმწიფო ქონების დაცვისა და გამოყენებისათვის და ორგანიზაციას უწევს ამ საქმიანობას კანონმდებლობით დადგენილი წესით;

ი) წყვეტს სამართლებრივ დავას სამინისტროს სტრუქტურულ ქვედანაყოფებს, ტერიტორიულ ორგანოებს, აგრეთვე სამინისტროს დაქვემდებარებულ სახელმწიფო საქვეუწყებო დაწესებულებებს შორის;

კ) საქართველოს პრეზიდენტს დასანიშნად წარუდგენს მინისტრის პირველი მოადგილისა და მოადგილეების, საგადასახადო და საბაჟო დეპარტამენტის თავმჯდომარეების, გენერალური ინსპექციის ხელმძღვანელისა და საგანგებო ლეგიონის უფროსის კანდიდატურებს;

ლ) თანამდებობაზე ნიშნავს და თანამდებობიდან ათავისუფლებს სამინისტროს დაქვემდებარებული სახელმწიფო საქვეუწყებო დაწე­სებულებების ხელმძღვანელებს, საბაჟო და საგადასახადო ორგანოების ხელმძღვანელებსა და მათ მოადგილეებს, სამინისტროს ცენტრალური აპარატის საშტატო ნუსხით გათვალისწინებულ საჯარო მოსამ­სახურეებს, თუ კანონმდებლობით სხვა რამ არ არის გათვა­ლისწინებული;

მ) ამტკიცებს საკვალიფიკაციო და საატესტაციო კომისიების შემადგენლობასა და დებულებებს;

ნ) ამტკიცებს სამინისტროს სისტემის ორგანოების საშტატო რიცხოვნობასა და ნუსხას;

ო) ამტკიცებს სამინისტროს აპარატის სტრუქტურული ქვედანაყოფების, სამინისტროს სახელმწიფო საქვეუწყებო დაწესებულებებისა და ტერიტორიული ორგანოების სტრუქტურებსა და დებულებებს;

პ) განსაზღვრავს მინისტრის მოადგილეების, სამინისტროს აპარატის სტრუქტურული ქვედანაყოფების, სახელმწიფო საქვეუწყებო დაწესებულებებისა და მის დაქვემდებარებაში არსებული სხვა სამსახურების ხელმძღვანელთა და საჯარო მოსამსახურეთა პერსო­ნალური პასუხისმგებლობის საკითხებს, ამტკიცებს მათ თანამდებობრივ ინსტრუქციებს;

ჟ) სამინისტროს სისტემის საჯარო მოსამსახურეებს წარადგენს საპატიო წოდებებისა და ჯილდოების მისანიჭებლად, ანიჭებს საჯარო მოსამსახურეებს სპეციალურ წოდებებს, კანონმდებლობით დადგენილი წესით აკისრებს დისციპლინურ პასუხისმგებლობას ან ახორციელებს მათ მიმართ წამახალისებელ ღონისძიებებს;

რ) სამსახურებრივ ზედამხედველობას უწევს სამინისტროს სტრუქტურული ქვედანაყოფებისა და ტერიტორიული ორგანოების, სამინისტროს მმართველობის სფეროში შემავალ სახელმწიფო საქ­ვეუწყებო დაწესებულებების საქმიანობის კანონიერებასა და მიზან­შეწონილობას, სამინისტროს თანამდებობის პირთა და სხვა საჯარო მოსამსახურეთა სამსახურებრივ აქტებსა და მოქმედებას;

ს) აუქმებს პირველი მოადგილის, მოადგილეების, სამინისტროს სისტემის სახელმწიფო საქვეუწყებო დაწესებულებების ხელმძღ­ვანელების, სამინისტროს სტრუქტურული ქვედანაყოფების ხელმძღვანელებისა და სამინისტროს სხვა თანამდებობის პირების, საბაჟო და საგადასახადო ორგანოების ხელმძღვანელების აქტებსა და მოქმედებას, რომლებიც არ შეესაბამება საქართველოს კონსტიტუციას, კანონებს, საქართველოს პრეზიდენტის ბრძანებულებებსა და განკარგულებებს, აგრეთვე მინისტრის ბრძანებებს;

ტ) სამინისტროს საქმიანობის ანგარიშს წარუდგენს საქართველოს პრეზიდენტს;

უ) ახორციელებს მისთვის საქართვევლოს კანონებით, საქართველოს პრეზიდენტის ბრძანებულებებითა და განკარგულებებით დაკის­რებულ სხვა უფლებამოვალეობებს.

2. მინისტრი უფლებამოსილებას ახორციელებს და წყვეტს კანო­ნით დადგენილი წესით.

    მუხლი 8. მინისტრის პირველი მოადგილე და მოადგილეები

1. მინისტრის პირველი მოადგილისა და მოადგილეების უფლებამოსილება განისაზღვრება მინისტრის ბრძანებით, თუ კანონით ან საქართველოს პრეზიდენტის სამართლებრივი აქტით სხვა რამ არ არის დადგენილი.

2. მინისტრის პირველი მოადგილე ხელმძღვანელობს და კოორდინაციას უწევს სამინისტროს საქმიანობას მინისტრის არყოფნისას.

3. მინისტრის პირველი მოადგილე და მოადგილეები მინისტრის ბრძანებით ხელმძღვანელობენ განსაზღვრული სტრუქტურული ქვედანაყოფების მუშაობას.

4. მინისტრის ერთ-ერთი მოადგილე მინისტრის დავალებით ახორციელებს საპარლამენტო მდივნის ფუნქციას.

5. მინისტრის პირველი მოადგილისა და მოადგილეების უფლებამოსილების განხორციელება იწყება და წყდება კანონმდებლობით დადგენილი წესით.

    მუხლი 9. სამინისტროს სისტემის სხვა თანამდებობის პირები

1. მინისტრის, მინისტრის პირველი მოადგილისა და მოადგილეების გარდა სამინისტროს თანამდებობის პირები არიან:

ა) სამინისტროს დაქვემდებარებული სახელმწიფო საქვეუწყებო დაწესებულებების ხელმძღვანელები და მათი მოადგილეები;

ბ) სამინისტროს ცენტრალური აპარატის სტრუქტურული ქვედანაყოფების ხელმძღვანელები და მათი მოადგილეები;

გ) სამინისტროს სახელმწიფო საქვეუწყებო დაწესებულებების სტრუქტურული ქვედანაყოფების ხელმძღვანელები და მათი მოადგი­ლეები;

დ) საბაჟო და საგადასახადო ორგანოების ხელმძღვანელები და მათი მოადგილეები.

2. სამინისტროს სისტემის თანამდებობის პირებს თანამდებობაზე ნიშნავს და თანამდებობიდან ათავისუფლებს მინისტრი, თუ კანონმდებლობით სხვა რამ არ არის გათვალისწინებული.

    მუხლი 10. სამინისტროს სტრუქტურული ქვედანაყოფი

1. სტრუქტურული ქვედანაყოფის ამოცანები, ხელმძღვანელობა, მის შემადგენლობაში არსებული სტრუქტურული ერთეულები და მათი ძირითადი ამოცანები, თანამდებობათა ჩამონათვალი, ქვემდებარეობა და შენაცვლების წესი, აგრეთვე საკუთარი ბლანკის ქონა და მისი გამოყენების წესი განისაზღვრება სტრუქტურული ქვედანაყოფის დებულებით, რომელიც მტკიცდება მინისტრის ბრძანებით;

2. სტრუქტურული ქვედანაყოფის ხელმძღვანელი უშუალოდ ექვემდებარება მინისტრს, მინისტრის პირველ მოადგილეს ან მინისტრის მოადგილეს.

3.   სტრუქტურული ქვედანაყოფის ხელმძღვანელი:

ა) ანაწილებს მოვალეობებს მისდამი დაქვემდებარებული სტრუქ­ტურული ქვედანაყოფის საჯარო მოსამსახურეებს შორის და აძლევს მათ მითითებებსა და განკარგულებებს;

ბ) თვალყურს ადევნებს სტრუქტურული ქვედანაყოფის საჯარო მოსამსახურეების მიერ სამსახურებრივი მოვალეობების შესრულებას;

გ) ხელს აწერს ან ადასტურებს სტრუქტურულ ქვედანაყოფში მომზადებულ დოკუმენტებს;

დ) აბარებს სტრუქტურული ქვედანაყოფის მუშაობის ანგარიშს;

ე) წარმოადგენს სტრუქტურულ ქვედანაყოფს თავისი მოვა­ლეობის შესრულებისას და სტრუქტურული ქვედანაყოფის სახელით იძლევა სათანადო დასკვნებს;

ვ) წარუდგენს სამინისტროს ხელმძღვანელობას წინადადებებს ქვედანაყოფის სტრუქტურის, შტატების, მუშაობის ორგანიზაციის, სტრუქტურული ქვედანაყოფის საჯარო მოსამსახურეების ხელფასისა და პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ;

ზ) შუამდგომლობს იმ სახსრების გამოყოფის თაობაზე, რომლებიც საჭიროა სტრუქტურული ქვედანაყოფის ამოცანების გადასაწყვეტად;

თ) შუამდგომლობს სტრუქტურული ქვედანაყოფის საჯარო მო­სამსახურეთა კვალიფიკაციის ამაღლების თაობაზე;

ი) დადგენილი წესით ახორციელებს ამ დებულებით, სტრუქ­ტურული ქვედანაყოფის დებულებით, მინისტრის ან უშუალო ხელმძღვანელის მიერ განსაზღვრულ უფლებამოსილებებს.

    მუხლი 11.  საგანგებო ლეგიონი

1. საგადასახადო შემოსავლების სამინისტროს საგანგებო ლეგიონი (შემდგომში – საგანგებო ლეგიონი) არის საგადასახადო შემოსავ­ლების სამინისტროს სამართალდაცვის სპეციალური გასამხედროებული სახელმწიფო საქვეუწყებო დაწესებულება, რომელიც თავისი კომპეტენციის ფარგლებში უზრუნველყოფს საგადასახადო და საბაჟო კანონმდებლობის დაცვას.

2. საგანგებო ლეგიონის საქმიანობის სამართლებრივი საფუძ­ვლებია: საქართველოს კონსტიტუცია, საგადასახადო და საბაჟო კოდექსები, საპროცესო კანონმდებლობა, კანონი „ოპერატიულ-სამძებრო საქმიანობის შესახებ“, საქართველოს საკანონმდებლო და კანონქვემდებარე ნორმატიული აქტები.

3. საგანგებო ლეგიონის დებულებას ამტკიცებს მინისტრი.

4. საგანგებო ლეგიონის ამოცანებია:

ა) გადასახადებისაგან თავის არიდების, დამალული ან შემცირებული შემოსავლების, აგრეთვე საქართველოსა თუ სხვა სახელმწიფოების ხალხთა კუთვნილი მხატვრული, ისტორიული ან არქეო­ლოგიური ღირებულების მქონე ნივთების საქართველოში დაუბრუნებლობასთან დაკავშირებულ და ადმინისტრაციულ სამართალ­დარ­ღვევათა საქმეებზე მოკვლევა;

ბ) საგადასახადო კანონმდებლობისა და საბაჟო წესების დარღ­ვევის ხელშემწყობი პირობების გამოვლენა;

გ) ოპერატიული ინფორმაციის მოპოვება საბაჟო და საგადა­სახადო კანონმდებლობის დარღვევებისა და მათი მონაწილე პირების შესახებ, ამ ინფორმაციის დამუშავება, სისტემატიზაცია, შესაბამის მო­ნაცემთა ბაზის შექმნა;

დ) დადგენილი წესით ინფორმაციის მიწოდება სამართალდაცვის, საგადასახადო და საბაჟო ორგანოებისათვის;

ე) საქართველოს ტერიტორიაზე საქონლისა და სატრანსპორტო საშუა­ლებების საგადასახადო და საბაჟო კოდექსებითა და საქართ­ველოს კანონმდებლობით დადგენილი წესების დარღვევით მიმოქცევის და უკანონო ვაჭრობის აღკვეთა;

ვ) სამინისტროს სისტემის ორგანოების საქმიანობის უსაფრთხოებისა და სამსახურებრივი მოვალეობების შესრულებისას მათი თა­ნამ­შრომლების დანაშაულებრივი ხელყოფისაგან დაცვის უზრუნ­ველყოფა;

ზ) თავისი კომპეტენციის ფარგლებში ოპერატიულ-სამძებრო ღო­ნისძიებების განხორციელება.

5. საგანგებო ლეგიონს ხელმძღვანელობს უფროსი, რომელსაც მინისტრის წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.

6. საგანგებო ლეგიონის სტრუქტურული ქვედანაყოფების დებულებებს ამტკიცებს მინისტრი.

7. სხვა სტრუქტურული ქვედანაყოფებთან ერთად საგანგებო ლეგიონის სტრუქტურულ ქვედანაყოფებს წარმოადგენენ კონტრაბანდისა და სხვა საბაჟო სამართალდარღვევათა წინააღმდეგ მებრძოლი სამსახური და რეგიონალურ საბაჟოებში მისი ადგილობრივი ქვედა­ნაყოფები, რომელთა საქმიანობის ოპერატიულ ხელმძღვანელობას ახორ­ციელებს საბაჟო დეპარტამენტის თავმჯდომარე.

    მუხლი 12. გენერალური ინსპექცია

1. გენერალური ინსპექცია არის სამინისტროს სახელმწფიო საქვეუწყებო დაწესებულება, რომლის შექმნის წესი და უფლებამოსილებანი განისაზღვრება „აღმასრულებელი ხელისუფლების სტრუქ­ტურისა და საქმიანობის წესის შესახებ“ საქართველოს კანონის, სამინისტროს დებულებით და გენერალური ინსპექციის დებულებით, რომელსაც ამტკიცებს მინისტრი.

2. გენერალური ინსპექცია დადგენილი წესით უზრუნველყოფს სამინისტროს სისტემის ორგანოებისა და მათი სტრუქტურული ქვედანაყოფების, აგრეთვე თანამდებობის პირების მუშაობის კონტროლს, ხელმძღვანელობს მუშაობის ეფექტიანობის შემოწმებას.

3. გენერალური ინსპექციის ძირითადი ამოცანაა სამინისტროს სისტემის თანამდებობის პირთა და მოხელეთა მიერ დისციპლინისა და კანონიერების დაცვის კონტროლი, სამსახურებრივი გადაცდომის ფაქ­ტებზე სამსახურებრივი მოკვლევა, ამ ფაქტებთან დაკავშირებით შემო­სული განცხადებებისა და ინფორმაციების შემოწმება და შესაბამისი დას­კვნების მომზადება, სამინისტროს სისტემის ორგანოების საფინანსო-სამეურნეო და სხვა საქმიანობის შემოწმება.

    მუხლი 13. საგადასახადო შემოსავლების სამინისტროს საბაჟო დეპარტამენტი

1. საქართველოს საგადასახადო შემოსავლების სამინისტროს საბაჟო დეპარტამენტი (შემდგომში – საბაჟო დეპარტამენტი) არის სამარ­­თალდაცვის ორგანოს სტატუსის მქონე სახელმწიფო საქვეუწყებო დაწესებულება, რომელიც თავისი კომპეტენციის ფარგლებში უზრუნ­ველყოფს საქართველოს ეკონომიკურ უშიშროებას და ახორციელებს საბაჟო საქმიანობის ორგანიზაციას.

2. საბაჟო დეპარტამენტის საქმიანობის სამართლებრივი საფუძვლებია: საქართველოს კონსტიტუცია, საბაჟო კოდექსი, საქართველოს საკანონმდებლო და კანონქვემდებარე ნორმატიული აქტები.

3. საბაჟო დეპარტამენტის დებულებას საბაჟო დეპარტამენტის თავმჯდომარის წარდგინებით ამტკიცებს მინისტრი.

4. საბაჟო დეპარტამენტი თავისი კომპეტენციის ფარგლებში, მოქმედი კანონმდებლობის საფუძველზე იღებს გადაწყვეტილებებს და გამოსცემს მითითებებს, რომელთა შესრულებაც სავალდებულოა სა­ბაჟო ორგანოებისათვის.

5. საბაჟო დეპარტამენტი ახორციელებს საბაჟო ორგანოების საქმიანობის მართვას, კოორდინაციასა და ზედამხედველობას.

6. საბაჟო დეპარტამენტი მისთვის დაკისრებული მოვალეობების შესასრულებლად:

ა) ორგანიზაციას უწევს  საბაჟო გადასახდელების აკრეფას და უზრუნველყოფს სახელმწიფო ბიუჯეტში მათ დროულ და სრულ შეტანას;

ბ) თავისი კომპეტენციის ფარგლებში იღებს და ამუშავებს ინფორ­მაციას საგადასახადო შემოსავლების შესახებ;

გ) შეაქვს წინადადებები საბაჟო გადასახდელებისა და მათი გამოყენების მექანიზმების შესახებ;

დ) ორგანიზაციას უწევს საქონლის საბაჟო ღირებულების სის­წორის განსაზღვრას;

ე) საქართველოს კანონმდებლობით გათვალისწინებულ შემთხვევებში უზრუნველყოფს სერტიფიკატების გაცემას, მათ გაუქმებას ან გამოთხოვას, უზრუნველყოფს მათი რეესტრების წარმოებას, აკონტ­როლებს სერტიფიკატების საფუძველზე შექმნილი დაწესებულებების საქმიანობას;

ვ) მონაწილეობს საქართველოს საბაჟო საზღვარზე ცალკეულ სახეობათა საქონლისა და სატრანსპორტო საშუალებების, სტრატეგიული და საქართველოს ინტერესებისათვის სხვა სასიცოცხლოდ მნიშვ­ნელოვანი მასალების, აგრეთვე კულტურული ღირებულებების გადაად­გილების სანებართვო წესის შემუშავებასა და მისი მოთხოვნების შეს­რულების უზრუნველყოფაში;

ზ) თავისი კომპეტენციის ფარგლებში ახორციელებს სავალუტო კონტროლს;

თ) ორგანიზაციას უწევს საბაჟო წესების დარღვევებისა და ადმინისტრაციულ სამართალდარღვევათა წინააღმდეგ ბრძოლას კა­ნონ­მ­­დებლობით დადგენილი წესით;

ი) უზრუნველყოფს საქართველოს საგარეო ვაჭრობის საბაჟო სტატისტიკისა და სპეციალური საბაჟო სტატისტიკის წარმოებას და მონაცემების ოფიციალურ გამოქვეყნებას;

კ) ორგანიზაციას უწევს საგარეო-ეკონომიკური საქმიანობის სასაქონლო ნომენკლატურის გამოყენებას, საჭიროების შემთხვევაში ამზადებს წინადადებებს ნომენკლატურაში დამატებების შეტანის შე­სახებ;

ლ) განსაზღვრავს საბაჟო რეჟიმების სამართლებრივი რეგულირების მექანიზმებს;

მ) მისთვის დაკისრებული ამოცანებისა და ფუნქციების განხო­რციელების მიზნით, კანონით დადგენილი წესით, გამოითხოვს დაწესე­ბულებებისაგან (მიუხედავად საკუთრების ფორმისა და დაქვემ­დებარებისა), აგრეთვე მოქალაქეებისაგან დოკუმენტებსა და მონაცემებს, აკონტროლებს  მიღებულ ინფორმაციას და, საჭიროების შემთხ­ვევაში, საგანგებო ლეგიონის სპეციალური ქვედანაყოფის მეშვეობით ახორციელებს მოკვლევას, საბაჟო საქმიანობის საკითხების გადასაწყვეტად ქმნის საექსპერტო საბჭოებსა და დროებით სამუშაო კომისიებს;

ნ) ახორციელებს საქართველოს კანონმდებლობით მისთვის და­კის­რებულ სხვა ფუნქციებს.

    მუხლი 14. საგადასახადო შემოსავლების სამინისტროს საგადასახადო დეპარტამენტი

1. საგადასახადო შემოსავლების სამინისტროს საგადასახადო დეპარტამენტი (შემდგომში – საგადასახადო დეპარტამენტი) არის სამი­ნისტროს სახელმწიფო საქვეუწყებო დაწესებულება, რომელიც უზრუნველყოფს საგადასახადო კანონმდებლობის დაცვასა და შესრულების კონტროლს.

2. საგადასახადო დეპარტამენტის საქმიანობის სამართლებრივი საფუძვლებია: საქართველოს კონსტიტუცია, საგადასახადო კოდექსი, საქართველოს საკანონმდებლო და კანონქვემდებარე ნორმატიული აქ­ტები.

3. საგადასახადო დეპარტამენტის დებულებას საგადასახადო დე­პარ­ტამენტის თავმჯდომარის წარდგინებით ამტკიცებს მინისტრი.

4. საგადასახადო დეპარტამენტი თავისი კომპეტენციის ფარგ­ლებში, მოქმედი კანონმდებლობის საფუძველზე იღებს გადაწყვეტილებებს და გამოსცემს მითითებებს, რომელთა შესრულებაც სა­ვალ­დებულოა საგადასახადო ორგანოებისათვის.

5. საგადასახადო დეპარტამენტი ახორციელებს საგადასახადო ორგა­ნოების საქმიანობის მართვას, კოორდინაციასა და ზედამ­ხედველობას.

6. საგადასახადო დეპარტამენტი:

ა) შეიმუშავებს საგადასახადო კონტროლის განხორციელების მეთოდებსა და პროგრამებს, საქართველოს საგადასახადო კოდექსით განსაზღვრული ყველა სახის გადასახადის ინსტრუქციების პროექტებს, მეთოდურ მითითებებსა და გადასახადების ადმინისტრირებასთან და­კავ­შირებულ დებულებებს;

ბ) შეიმუშავებს წინადადებებს საგადასახადო კანონმდებლობაში ცვლილებებისა და დამატებების შეტანის შესახებ; მონაწილეობს საგადასახადო კანონპროექტების მომზადებასა და განხილვაში და აანალიზებს საგადასახადო კანონმდებლობაში შეტანილი ცვლილებების ეფექტიანობას;

გ) შეიმუშავებს წინადადებებს  დასაბეგრი შემოსავლების აღ­რიცხ­ვის სრულყოფის შესახებ;

დ) აანალიზებს ვადაგადაცილებულ დავალიანებათა წარმოშობის მიზეზებს და შეიმუშავებს მათი იძულებითი წესით გადახდევინების მეთო­დებსა და პროგრამებს;

ე) შეიმუშავებს დებულებებსა და პროგრამებს გადამხდელთა რე­გის­ტრაციისა და იდენტიფიკაციის შესახებ;

ვ) შეიმუშავებს გადამხდელთა დახმარების პროგრამებს, დეკლა­რაციების შევსებისა და დამუშავების მეთოდებს;

ზ) იღებს და ამუშავებს ინფორმაციას საგადასახადო შემო­სავლების შესახებ;

თ) ტერიტორიულ საგადასახადო ინსპექციებს უზრუნველყოფს საინფორმაციო სისტემებითა და კომპიუტერული პროგრამებით;

ი) კოორდინაციას უწევს საგადასახადო ორგანოებში შუამდ­გომლობისა და აპელაციის განხილვის სამუშაოებს და უზრუნველყოფს მათ მეთოდური და ინფორმაციული მასალებით;

კ)  სასამართლოსა და სხვა ორგანოებში საგადასახადო საჩივრების განხილვისას დახმარებას უწევს საგადასახადო ინსპექციებს;

ლ) აანალიზებს საგადასახადო დავის წარმოქმნის მიზეზებს, გადასახადის გადამხდელთა შუამდგომლობისა და აპელაციის განხილვის შედეგებს;

მ) თავისი  კომპეტენციის ფარგლებში მონაწილეობს სასამართ­ლოებში საგადასახადო ორგანოების გადაწყვეტილებებზე გადამხ­დელთა აპელაციების განხილვაში.

    მუხლი 15. აქციზური მარკების სამსახური

აქციზური მარკების სამსახური არის სამინისტროს სახელმწიფო საქვეუწყებო დაწესებულება, რომლის ძირითადი ამოცანაა საქართველოში აქციზური მარკების სრულყოფილად დანერგვის სტრატეგიის შემუშავება საქართველოს ფინანსთა სამინისტროსთან ერთად, მისი განხორციელების ორგანიზება, აქციზური მარკების შემოღებასთან, გავრცელებასთან და დანერგვასთან დაკავშირებული შედეგების ანალიზი და პროგნოზირება, აქციზური მარკების რეალიზაცია და რეა­ლიზებული აქციზური მარკების შესახებ სამინისტროს სისტემის ორგა­ნოებისათვის ინფორმაციის მიწოდება.

    მუხლი 16. სამინისტროს ტერიტორიული ორგანოები და მათი უფლებამოსილებანი

1. სამინისტროს ტერიტორიული ორგანოებია აფხაზეთისა და აჭარის ავტონომიური რესპუბლიკების საგადასახადო ინსპექციები, აფხაზეთისა და აჭარის ავტონომიური რესპუბლიკების საბაჟო სამ­მართველოები, საოლქო, ზონალური და რაიონული საგადასახადო ინსპექციები, მსხვილ გადამხდელთა ინსპექცია, რეგიონალური საბაჟო, საბაჟო საგუშაგო და საბაჟო გამშვები პუნქტი.

2. სამინისტროს ტერიტორიული ორგანოები იქმნება, მათი ფუნქციები, უფლებამოსილებანი და სამოქმედო ტერიტორიების დად­გენის წესი განისაზღვრება მოქმედი კანონმდებლობით.

3. სამინისტროს ტერიტორიული ორგანოს დებულებას ამტკიცებს მინისტრი.

4. რეგიონალური საბაჟო თავის სამოქმედო ტერიტორიაზე ახორციელებს „საბაჟო კოდექსით“ გათვალისწინებულ ფუნქციებს, კოორდინაციას უწევს საბაჟო ორგანოების საქმიანობას.

5. ავტონომიური რესპუბლიკის საბაჟო სამმართველო ახორ­ციელებს რეგიონალური საბაჟოს ფუნქციებს ავტონომიური რეს­პუბლიკის ტერიტორიაზე.

6. საბაჟო საგუშაგო არის სამინისტროს ტერიტორიული ორგანო, რომელიც ახორციელებს საქონლისა და სატრანსპორტო საშუალებების საბაჟო გაფორმებას და აღრიცხვას, საბაჟო მიზნებისათვის საჭირო დოკუმენტებისა და მონაცემების შემოწმებას, აღრიცხვიანობისა და ანგარიშგების წარმოებას.

7. საბაჟო გამშვები პუნქტი არის საგადასახადო შემოსავლების სამინისტროს ტერიტორიული ორგანო, რომელიც ახორციელებს საქონლისა და სატრანსპორტო საშუალებების აღრიცხვას, ფიზიკური პირის მომსახურებას საზღვარზე გადაადგილებისას, საქონლისა და სატრანსპორტო საშუალებების დანიშნულების საბაჟო ორგანოსათვის მისაწოდებლად განსაზღვრულ პროცედურებს.

8. აფხაზეთისა და აჭარის ავტონომიური რესპუბლიკის საგადასახადო ინსპექციების უფლებამოსილებანი განისაზღვრება მოქმედი კანონმდებლობით.

9. მსხვილ გადამხდელთა ინსპექცია უზრუნველყოფს საქართ­ველოს ტერიტორიაზე მსხვილ გადამხდელთა მიმართ საგადასახადო კანონმდებლობის დაცვისა და მისი შესრულების კონტროლს.

10. საოლქო ინსპექციები თავიანთ სამოქმედო ტერიტორიაზე ახორციელებენ გადამხდელთა რეგისტრაციას, გადამხდელთა მომ­სახურებას, საგადასახადო კონტროლს, მონაცემთა დამუშავებას, გადასახადების აკრეფას, იურიდიულ მომსახურებასა და საგადასახადო საჩივრების განხილვას.

11. ზონალური ინსპექციები თავიანთ სამოქმედო ტერიტორიაზე ახორციელებენ გადამხდელთა რეგისტრაციას, მომსახურებას, მონაცემთა დამუშავებას, გადასახადის აკრეფას და იურიდიულ მომ­სახურებას.

12. რაიონული ინსპექციები თავიანთ სამოქმედო ტერიტორიაზე ახორციელებენ გადამხდელთა რეგისტრაციასა და მომსახურებას.

    მუხლი 17. ანალიზის, პროგნოზირებისა და საგადასახადო პოლიტიკის დეპარტამენტი

ანალიზის, პროგნოზირებისა და საგადასახადო პოლიტიკის დეპარტამენტის ძირითადი ამოცანაა საგადასახადო და საბაჟო პოლიტიკის, ასევე პერსპექტიული განვითარების ძირითადი მიმართულებების შესახებ წინადადებების შემუშავება, საგადასახადო და საბაჟო კანონმდებლობის სრულყოფისა და ჰარმონიზაციის პროცესში მონაწილეობა, კანონმდებლობის აღსრულებისა და გამოყენებისათვის სათანადო ინსტრუქციებისა და მეთოდური მითითებების პროექტების მომზადება, საგადასახადო და საბაჟო კანონმდებლობის დარღვევის გამომწვევი მიზეზების ანალიზი და პრობლემების გადასაჭრელად შესაბამისი წინადადებების შემუშავება, კომპეტენციის ფარგლებში ფისკალური პოლიტიკის საკითხებზე საერთაშორისო ხელშეკ­რულებების მომზადებაში მონაწილეობა, „კაპიტალსა და შემოსავლებზე ორმაგი დაბეგვრის თავიდან აცილებისა და გადასახადების გადაუხ­დელობის აღკვეთის შესახებ“ სახელმწიფოთაშორისი ხელშეკ­რულებების პროექტების მომზადებაში მონაწილეობა, საგადასახადო და საბაჟო ორგანოების მუშაობის შედეგების ანალიზი და მათი შესრულების ეფექტიანობის ამაღლებისა და შემდგომი სრულყოფის შესახებ წინადადებათა მომზადება, საგადასახადო და საბაჟო ორგანოების საქმიანობის კოორდინაცია, ქვეყნის საერთო-ეკონომიკური და ფინანსური განვითარების პროცესში ჩამოყალიბებულ ტენდენციათა ანალიზი და მოსალოდნელი შედეგების პროგნოზირება, ცალკეული გადასახადების, რეგიონის, ქვეყნის მთლიანი საგადასახადო შემოსავლების დეტალური ანალიზი და მოკლევადიანი, საშუალო­ვადიანი და გრძელვადიანი პროგნოზირება.

    მუხლი 18. აღრიცხვისა და ანგარიშგების დეპარტამენტი

აღრიცხვისა და ანგარიშგების დეპარტამენტის ძირითადი ამოცანაა საბაჟო და საგადასახადო დეპარტამენტებიდან საგადასახადო შემოსავლების შესახებ მონაცემების მიღება, სტატისტიკური დამუ­შავება და ფინანსური მონიტორინგი, გადამხდელთა რეგისტრაციისა და საგადასახადო და საბაჟო ორგანოებს შორის ინფორმაციის გაცვ­ლისათვის კონტროლის დაწესება, ეკონომიკური საქმიანობის გან­მახორციელებელი არარეგისტრირებული პირების გამოვლენის შესახებ ინფორმაციის მიღება და დამუშავება, ბიუჯეტისადმი ვადა­გადაცილებულ დავალიანებათა შესახებ ინფორმაციის ოპერატიული დამუშავება და ანალიზი, ურჩ გადამხდელთა გამოვლენის მიზნით გან­ხორციელებული ღონისძიებების შესახებ ინფორმაციის მიღება და დამუშავება, ვადაგადაცილებული დავალიანებების ამოღების მიზნით იძულებითი მეთოდების გამოყენების შესახებ ინფორმაციის მიღება და დამუშავება, საგადასახადო და საბაჟო ორგანოების მიერ საკონტროლო-ეკონომიკური მუშაობის ანგარიშების დამუშავება, საგადასახადო დეკლარაციათა მონაცემების სტატისტიკური დამუშავება, საბა­ჟო და საგადასახადო ორგანოების კომპეტენციის ფარგლებში სამარ­თალ­დარღვევათა გამოვლენის შესახებ ინფორმაციის მიღება და დამუშავება, საგარეო-ეკონომიკური საქმიანობის შესახებ ინფორმაციის მიღება და დამუშავება, საბაჟო და საგადასახადო ორგანოებში ოპერატიულ-ბუხჰალტრული აღრიცხვის მეთოდების შემუშავება.

    მუხლი 19. ფინანსებისა და საბუხჰალტრო აღრიცხვის სამმართველო

ფინანსებისა და საბუხჰალტრო აღრიცხვის სამმართველოს ძირი­თადი ამოცანაა სამინისტროს კომპეტენციის ფარგლებში საშტატო ნუს­ხების ფორმირება და დასამტკიცებლად წარდგენა, სამინისტროს სის­ტემის ორგანოების ნაერთი ბალანსების შედგენა, თანამდებობრივი სარ­გოების განსაზღვრის და საბაჟო და საგადასახადო ორგანოებისა და სამინისტროს სისტემის სხვა ორგანოების საჯარო მოსამსახურეთა მატერიალური სტიმულირების საკითხებზე წინადადებების შემუშავება, სისტემის ნაერთი ბიუჯეტის პროექტის მომზადება და წარდგენა საქართველოს ფინანსთა სამინისტროში და საჭიროების შემთხვევაში მათში შესატანი ცვლილებების მომზადება, საბიუჯეტო თანხების ათვი­სებისათვის კონტროლის დაწესება, სამინისტროს სისტემის ორგანოების საჯარო მოსამსახურეთა თანამდებობრივი სარგოების განსაზღვრის შესახებ წინადადებების მომზადება, სპეცსახსრების ხარჯვისათვის კონტროლის დაწესება, სამინისტროს სისტემის ორგანოების ნაერთი ბალანსების მომზადება, სამინისტროს სისტემის ორგანოების მატერიალურ-ტექნიკური ბაზის განვითარების ფინანსური უზრუნველყოფა და მათი მიზნობრივი ხარჯვის კონტროლი.

    მუხლი 20. საკადრო რესურსების მართვის სამმართველო

საკადრო რესურსების მართვის სამმართველოს ძირითადი ამოცანაა თავისი კომპეტენციის ფარგლებში სამინისტროს სისტემის ორგანოების საჯარო მოსამსახურეთა დანიშვნა-გათავისუფლების შესახებ ბრძანებების მომზადება, მათი პირადი საქმეების შედგენა, შრომის წიგნაკების, ჩანართი ფურცლების აღრიცხვა-წარმოება, საპენსიო საბუთების გაფორმება, სამინისტროს სისტემის ორგანოების კადრების სამსახურების მუშაობის მეთოდური ხელმძღვანელობა და კოორდინაცია, წოდებათა მინიჭების საკითხის მომზადება, მოხელეთა პროფესიული მომზადების, გადამზადებისა და ვაკანტური თანამ­დებობის დასაკავებლად კონკურსებისა და ატესტაციების ორგანიზება, მოხელეთა რეზერვის შექმნა და მიზნობრივი გამოყენება, შრომის დისციპლინის დაცვის კონტროლის განხორციელება, საკადრო პოლიტიკის ღონიძიებათა განხორციელების უზრუნველყოფა, სამინისტროს სისტემის ორგანოების საჯარო მოსამსახურეთა შესახებ ინფორ­მაციული ბანკის შედგენა, სამინისტროს სისტემის ორგანოებში შიდა კონტროლის განხორციელებისას საკადრო პოლიტიკის გატარების ღო­ნის­ძიებათა შესრულების შემოწმების უზრუნველყოფა დამტკიცებული პროგრამის და წესის შესაბამისად.

    მუხლი 21. საერთაშორისო ურთიერთობათა სამმართველო

საერთაშორისო ურთიერთობათა სამმართველოს ძირითადი ამოცანაა სამინისტროს კომპეტენციის ფარგლებში საერთაშორისო შეთანხმებების მომზადების, გაფორმებისა და შესრულების ორგანი­ზება, სამინისტროს ურთიერთობის უზრუნველყოფა საზღვარგარეთის სახელმწიფოთა დაწესებულებებთან და საერთაშორისო ორგანი­ზაციებთან, საერთაშორისო აქტებთან შეერთებისა და რატიფიკაციის თაობაზე წინადადებების შემუშავება, დონორ ორგანიზაციებთან ურთიერთობათა კოორდინაცია, საპროტოკოლო საქმიანობა.

    მუხლი 22. მატერიალურ-ტექნიკური უზრუნველყოფის სამმართველო

მატერიალურ-ტექნიკური უზრუნველყოფის სამმართველოს ძირითადი ამოცანაა სამინისტროს სისტემის ორგანოების მატერიალურ-ტექნიკური ბაზის გამართული ექსპლუატაციისა და ფუნქციონირების უზრუნველყოფა, მისი გაუმჯობესება და სრულყოფა, სამინისტროს სისტემის ორგანოების ცენტრალიზებული მომარაგება, საპროექტო-სამშენებლო-სარემონტო სამუშაოების დაგეგმვა, ორგანიზება და შესრულების კონტროლი, საბეჭდი მასალების გამოცემის უზრუნველყოფა.

    მუხლი 23. იურიდიულ საკითხთა სამმართველო

იურიდიულ საკითხთა სამმართველოს ძირითადი ამოცანაა საგადასახადო და საბაჟო კანონმდებლობის სრულყოფის მიზნით შესაბამისი ნორმატიული აქტების პროექტების მომზადება, სამინისტრო სტრუქ­ტურული ქვედანაყოფების საქმიანობის სამართლებრივი უზრუნველყოფა, სასამართლოსა და სხვა ორგანოებში სამართლებრივი სა­კითხ­ების განხილვისას საგადასახადო და საბაჟო ორგანოების იური­დიული სამსახურების საქმიანობის კოორდინაცია, საბაჟო და საგადასახადო კანონმდებლობის სისტემატიზაცია.

    მუხლი 24. მინისტრის აპარატი

მინისტრის აპარატის ძირითადი ამოცანაა საქმისწარმოების ორგანიზაცია, სამინისტროში შემოსულ საკონტროლო დავალებათა შესრულების კონტროლის ორგანიზაცია, მინისტრის სათათბირო ორგანოების სხდომების მომზადება და საოქმო წარმოების განხორციელება, კანონმდებლობის შესაბამისად საჯარო ინფორმაციის ხელმი­საწვდომობის უზრუნველყოფა, სამინისტროს კომპიუტერიზაციის დაგეგმვა და უზრუნველყოფა, მინისტრის დავალებებისა და ბრძანებების შესრულების კონტროლი, მასობრივი ინფორმაციის საშუალებებთან ურთიერთობა და საზოგადოების ინფორმირება სამინისტროს კომ­პეტენციას მიკუთვნებული საქმიანობის განხორციელების თაობაზე.

    მუხლი25. საგადასახადო საჩივრების განხილვის სამმართველო

საგადასახადო საჩივრების განხილვის სამმართველოს ძირითადი ამოცანაა საბაჟო და საგადასახადო ორგანოებში შუამდგომლობისა და აპელაციის განხილვის სამუშაოების კოორდინაცია და მეთოდური უზრუნველყოფა, საგადასახადო დავის წარმოქმნის მიზეზების ანალიზი და მათი აღმოფხვრის ღონისძიებების შემუშავება, საგადასახადო საჩივრებისა და პროტესტების განხილვა და შესაბამისი წინადადებებისა და დასკვნების მომზადება; სასამართლოებში სამინისტროს სისტემის ორგანოების წარმომადგენლობა.

    მუხლი 26. მინისტრის სათათბირო ორგანო

1. მინისტრს შეუძლია თავისი მმართველობის სფეროში სათათბირო უფლებებით შექმნას კომისიები და საბჭოები (შემდგომში – სათათბირო ორგანო) განსაზღვროს მათი მოვალეობანი და საქ­მიანობის წესი.

2. სათათბირო ორგანოს შეიძლება მიეცეს გადაწყვეტილების გამოტანის უფლება, თუ ეს უშუალოდ კანონიდან გამომდინარეობს.

3. სათათბირო ორგანო იქმნება მინისტრის ბრძანებით, რომლითაც განისაზღვრება მისი ამოცანები, მათი შესრულების ვადა და სათათბირო ორგანოს საქმიანობის უზრუნველყოფის სტრუქტურული ქვედანაყოფი.

4. თავმჯდომარეს (აუცილებლობის შემთხვევაში თავმჯდომარის მოადგილეს) და წევრებს ნიშნავს მინისტრი.

5. სათათბირო ორგანოს წევრად შეიძლება დაინიშნოს სხვა სამ­თავრობო დაწესებულების საჯარო მოსამსახურე ამ დაწესებულების ხელმძღვანელის თანხმობით, მის მუშაობაში შეიძლება ჩაბმულ იქნენ პირები, რომლებიც არ არიან საჯარო მოსამსახურეები.

6. თუ სათათბირო ორგანოს თავმჯდომარე არ არის მოხელე, რომელიც შედის სამინისტროს ხელმძღვანელობაში, ან არ არის სამი­ნისტროს სტრუქტურული ქვედანაყოფის ხელმძღვანელი, მინისტრი სამინისტროს ხელმძღვანელობიდან ან სამინისტროს სტრუქტურული ქვედანაყოფების ხელმძღვანელობიდან ნიშნავს ამ ორგანოს მუშაობისათვის პასუხისმგებელ პირს.

7. სათათბირო ორგანოს საქმიანობასა და სხდომაზე საოქმო წარმოებას უზრუნველყოფს მისი მომსახურე სტრუქტურული ქვედა­ნაყოფი.

8. სათათბირო ორგანო უფლებამოსილია მის წინაშე მდგომი ამოცანების შესრულების მიზნით სამინისტროს სისტემის ორგა­ნოებისაგან გამოითხოვოს საჭირო დოკუმენტები.

9. სათათბირო ორგანოს თავმჯდომარე ანგარიშვალდებულია მინისტრის წინაშე, თუ მოქმედი კანონმდებლობით სხვა რამ არ არის გათვალისწინებული.

10. სათათბირო ორგანოს მუშაობისას დამატებითი სამსახურებრვი მოვალეობის შესრულება შეიძლება ანაზღაურდეს.

11. სამინისტროში იქმნება სათათბირო ორგანო – საბჭო, რომელშიც შედიან: მინისტრი, მინისტრის პირველი მოადგილე, მოადგილეები, საგადასახადო და საბაჟო დეპარტამენტების ხელმძღ­ვანელები, მინისტრის აპარატის უფროსი, აგრეთვე მინისტრის გადაწყვეტილებებით სამინისტროს აპარატისა და სახელმწიფო საქვეუწყებო დაწესებულებების თანამდებობის პირები. სათათბირო საბჭოს საქმიანობის წესს, წევრთა რიცხოვნობას და პერსონალურ შემადგენლობას განსაზღვრავს მინისტრი შესაბამისი ბრძანებით.

    მუხლი 27. სამინისტროს სიმბოლიკა

1. სამინისტროს აქვს მრგვალი ბეჭედი სახელმწიფო გერბის გამოსახულებით და წარწერით „საქართველოს საგადასახადო შემოსავლების სამინისტრო“.

2. სამინისტრო გამოიყენებს სახელმწიფო დროშას მოქმედი კანონმდებლობის შესაბამისად.

3. სახელმწიფო გერბის გამოსახულება გამოიყენება როგორც საკუთრივ სამინისტროს, ისე მის სისტემაში შემავალ დაწესებულებათა ბლანკებსა და აბრებზე.

4. სამინისტროს შეიძლება ჰქონდეს ემბლემა, რომელიც მტკიცდება და რეგისტრირდება კანონმდებლობით დადგენილი წესით.

5. სამინისტროს ემბლემა შეიძლება გამოყენებულ იქნეს სავიზიტო ბარათებზე, სხვა ბეჭდვით გამოცემებსა და სამინისტროს სუვენირებზე.

    მუხლი 28. სამინისტროს ადგილსამყოფელი

სამინისტროს ადგილსამყოფელია ქ. თბილისი.