„საქართველოში შემოტანილი საქონლის და სატრანსპორტო საშუალებების წინასაიმპორტო და წინასაექსპორტო სავალდებულო ინსპექტირებისათვის, მათ საბაჟო რეჟიმებში განთავსებამდე და შემდგომ გადაადგილებაზე სავალდებულო ზედამხედველობისა და იმპორტის შემდგომი კონტროლის განხორციელებაზე ტენდერის მოწყობის შესახებ“ საქართველოს პრეზიდენტის 1998 წლის 5 დეკემბრის №676 ბრძანებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №125

1999 წლის 3 აპრილი

ქ. თბილისი

„საქართველოში შემოტანილი საქონლის და სატრანსპორტო  საშუალებების წინასაიმპორტო და წინასაექსპორტო  სავალდებულო ინსპექტირებისათვის, მათ საბაჟო რეჟიმებში განთავსებამდე და შემდგომ გადაადგილებაზე სავალდებულო ზედამხედველობისა და იმპორტის შემდგომი კონტროლის განხორციელებაზე ტენდერის მოწყობის შესახებ“ საქართველოს პრეზიდენტის 1998 წლის 5 დეკემბრის №676 ბრძანებულებაში ცვლილებებისა და დამატებების შეტანის თაობაზე

„საქართველოში შემოტანილი საქონლის და სატრანსპორტო საშუალებების წინასაიმპორტო და წინასაექსპორტო სავალდებულო ინსპექტირებისათვის, მათ საბაჟო რეჟიმებში განთავსებამდე და შემდგომ გადაადგილებაზე სავალდებულო ზედამხედველობისა და იმპორტის შემდგომი კოტროლის განხორციელებაზე ტენდერის მოწყობის შესახებ“ საქართველოს პრეზიდენტის 1998 წლის 5 დეკემბრის №676 ბრძანებულებაში შეტანილ იქნეს შემდეგი ცვლილებები:

1. ბრძანებულების სათაური ჩამოყალიბდეს შემდეგი რედაქციით:

„საქართველოს საბაჟო სისტემის ინსტიტუციონალური განვი­თარების, საბაჟო სისტემიდან საბიუჯეტო შემოსავლების გაზრდის, საბაჟო დეპარტამენტზე დაკისრებული ამოცანების შესრულებაში დახმარების გაწევის, საბაჟო დეპარტამენტისათვის ტექნიკური და ინტელექტუალური დახმარების გაწევისათვის და საგარეო-სავაჭრო ოპერაციებზე კონტროლის ოპტიმალური მექანიზმის ჩამოყალიბებაზე ტენდერის გამოცხადების შესახებ“.

2. ბრძანებულების 1-ლი პუნქტი შეიცვალოს  შემდეგი რედაქ­ციით:

„1. გამოცხადდეს ღია საერთაშორისო ტენდერი საქართველოს საბაჟო სისტემის ინსტიტუციონალური განვითარების, საბაჟო სისტემიდან საბიუჯეტო შემოსავლების გაზრდის, საბაჟო დეპარ­ტამენტისათვის დაკისრებული ამოცანების შესრულებაში დახმარების გაწევის, საბაჟო დეპარტამენტისათვის ტექნიკური და ინტელექ­ტუალური დახმარების გაწევისათვის  და საგარეო-სავაჭრო ოპერაციებზე კონტ­როლის ოპტიმალური მექანიზმის ჩამოყალიბებაზე“.

3. ბრძანებულების მე-2 პუნქტში:

ა) სატენდერო კომიტეტის წევრთა შემადგენლობიდან გამოყ­ვანილ იქნენ:

ირაკლი მანაგაძე - საქართველოს ეროვნული ბანკის პრეზიდენტი;

მიხეილ უკლება - საქართველოს სახელმწიფო ქონების მართვის მინისტრი;

ზურაბ ცქიტიშვილი - საქართველოს პარლამენტის დარგობრივი ეკონომიკის კომიტეტის თავმჯდომარე.

ბ) სატენდერო კომიტეტის წევრების ჩამონათვალს დაემატოს:

რევაზ ადამია - საქართველოს პარლამენტის თავდაცვისა და უშიშროების კომიტეტის თავმჯდომარე;

თამარ ბერუჩაშვილი - საქართველოს ვაჭრობისა და საგარეო-ეკონომიკური ურთიერთობების მინისტრი;

ივანე ჩხარტიშვილი- საქართველოს სახელმწიფო მინისტრის მოადგილე.

4. მე-3 პუნქტი შეიცვალოს და ჩამოყალიბდეს შემდეგი რედაქციით:

„3. სატენდერო კომიტეტმა უზრუნველყოს:

ა) ტენდერის მოწყობასთან დაკავშირებული საორგანიზაციო საკითხების მომზადება;

ბ) ტენდერში მონაწილე კომპანიებისათვის ხელშეწყობა და დახმარება;

გ) შემოსული წინადადებების შესწავლა და ანალიზი;

დ) ტენდერის შედეგებზე შესაბამისი ანგარიშის წარდგენა საქარ­თველოს საკანონმდებლო და აღმასრულებელი ხელისუფლების წინაშე განსახილველად;

ე) ტენდერში მონაწილეთაგან გამარჯვებულის გამოვლენა და მასთან შესაბამისი ხელშეკრულების მომზადება“.

5. მე-4 პუნქტი  შეიცვალოს და ჩამოყალიბდეს შემდეგი რედაქციით:

„4. საქართველოს საბაჟო სახელმწიფო დეპარტამენტმა (თ. მაღ­ლა­კელიძე) უზრუნველყოს:

ა) საქართველოს მთავრობის სახელით ტენდერში გამარჯვებულ კომპანიასთან ხელშეკრულებაზე ხელის მოწერა;

ბ) ხელშეკრულებით ნაკისრი ვალდბულებების განუხრელი შეს­რულება;

გ) მიმდინარე წლის 1 ივნისიდან მუშაობის დასაწყებად გამარ­ჯვებული კომპანიისათვის დახმარების აღმოჩენა“.

6. ბრძანებულებას დაემატოს შემდეგი შინაარსის მე-5 პუნქტი:

„5. საქართველოს ფინანსთა სამინისტრომ (დ. ონოფრიშვილი) საქართველოს საბაჟო სახელმწიფო დეპარტამენტთან (თ. მაღლა­კელიძე) ერთად განახორციელოს კონტროლი ხელშეკრულების მეორე მხარის მიერ ნაკისრი ვალდე­ბულებების შესრულებაზე და პროექტის განხორციელების მიმ­დინარეობაზე“.

ე. შევარდნაძე