საჯარო სამართლის იურიდიული პირის „მცირე სიმძლავრის ელექტრონული მანქანების ტექნოლოგიის სამეცნიერო-კვლევითი ინსტიტუტი – ელექტროტექნიკური მრეწველობის სამეცნიერო-კვლევითი ცენტრის“ რეორგანიზების შესახებ

საქართველოს პრეზიდენტის

ბრძანებულება №232

2005 წლის 20 აპრილი

ქ. თბილისი

საჯარო სამართლის იურიდიული პირის „მცირე სიმძლავრის ელექტრონული მანქანების ტექნოლოგიის სამეცნიერო-კვლევითი ინსტიტუტი – ელექტროტექნიკური მრეწველობის სამეცნიერო-კვლევითი ცენტრის“ რეორგანიზების შესახებ

1. „საჯარო სამართლის იურიდიული პირის შესახებ“ საქართველოს კანონის მე-9 მუხლის მე-2 პუნქტის შესაბამისად, რეორგანიზებულ იქნეს საჯარო სამართლის იურიდიული პირი „მცირე სიმძლავრის ელექტრონული მანქანების ტექნოლოგიის სამეცნიერო-კვლევითი ინსტიტუტი – ელექტროტექნიკური მრეწველობის სამეცნიერო-კვლევითი ცენტრი“ კერძო სამართლის იურიდიულ პირად.

2. საქართველოს ეკონომიკური განვითარების სამინისტრომ (ა. ალექსიშვილი) უზრუნველყოს რეორგანიზაციასთან დაკავშირებული ღონისძიებების განხორციელება მოქმედი კანონმდებლობის მოთხოვნათა დაცვით.

3. ძალადაკარგულად გამოცხადდეს „საჯარო სამართლის იურიდიული პირის – მცირე სიმძლავრის ელექტრონული მანქანების ტექნოლოგიის სამეცნიერო-კვლევითი ინსტიტუტის – სამეცნიერო-კვლევითი ცენტრის შექმნის შესახებ“ საქართველოს პრეზიდენტის 2000 წლის 12 ნოემბრის №484 ბრძანებულება.

4. ამ ბრძანებულების მე-3 პუნქტი ამოქმედდეს ბრძანებულების მე-2 პუნქტში აღნიშნული ღონისძიებების განხორციელებისა და სამეწარმეო რეესტრში შესაბამისი კერძო სამართლის იურიდიული პირის რეგისტრაციისთანავე.

მ. სააკაშვილი