საჯარო სამართლის იურიდიული პირის – საქართველოს ეროვნული საინვესტიციო სააგენტოს ფუნქციური გაძლიერების შესახებ

საქართველოს პრეზიდენტის

ბრძანებულება №213

2003 წლის 15 მაისი

ქ. თბილისი

საჯარო სამართლის იურიდიული პირის – საქართველოს ეროვნული საინვესტიციო სააგენტოს ფუნქციური გაძლიერების  შესახებ

საჯარო სამართლის იურიდიული პირის – „საქართველოს ექსპორტის ხელშეწყობის სააგენტოს “ ფუნქციების, ბალანსზე არსებული ქონებისა და მისთვის სახელმწიფო ბიუჯეტით გათვალისწინებული დაფინანსების საჯარო სამართლის იურიდიული პირის – „საქართველოს ეროვნული საინვესტიციო სააგენტოსათვის“ გადაცემასთან დაკავშირებით:

1. გაუქმდეს საჯარო სამართლის იურიდიული პირი – „საქართველოს ექსპორტის ხელშეწყობის სააგენტო “.

2. საქართველოს ეკონომიკის, მრეწველობისა და ვაჭრობის სამინისტრომ (გ.გაჩეჩილაძე) „საჯარო სამართლის იურიდიული პირის შესახებ“ საქართველოს კანონის მე-17 მუხლის შესაბამისად მოახდინოს საჯარო სამართლის იურიდიული პირის – „საქართველოს ექსპორტის ხელშეწყობის სააგენტოს “ ლიკვიდაცია.

   3. საქართველოს ფინანსთა სამინისტრომ (მ.გოგიაშვილი) კანონმდებლობით დადგენილი წესით საკუთარი კომპეტენციის ფარგლებში ორ თვეში უზრუნველყოს საჯარო სამართლის იურიდიული პირის – „საქართველოს ექსპორტის ხელშეწყობის სააგენტოსათვის“ სახელმწიფო ბიუჯეტით გათვალისწინებული დაფინანსების საჯარო სამართლის იურიდიული პირის – „საქართველოს ეროვნული საინვესტიციო სააგენტოსათვის“ გადაცემა.

  4. ძალადაკარგულად ჩაითვალოს საქართველოს პრეზიდენტის 2001 წლის 24 აპრილის №152 ბრძანებულება „საქართველოს ექსპორტის ხელშეწყობის სააგენტოს შესახებ “.

                                                                                                                                                ე. შევარდნაძე