საქართველოს პრეზიდენტის 2000 წლის 10 ოქტომბრის №439 ბრძანებულებით დამტკიცებულ საქართველოს აეროპორტებში სახელმწიფო ხელისუფლების უმაღლესი და მაღალი თანამდებობის პირთა და უცხო ქვეყნების ოფიციალურ დელეგაციათა მომსახურების წესში ცვლილებისა და დამატებების შეტანის თაობაზე

საქართველოს პრეზიდენტის

ბრძანებულება №660

2003 წლის 30 დეკემბერი

ქ. თბილისი

საქართველოს პრეზიდენტის 2000 წლის 10 ოქტომბრის №439 ბრძანებულებით დამტკიცებულ საქართველოს აეროპორტებში სახელმწიფო ხელისუფლების უმაღლესი და მაღალი თანამდებობის პირთა და უცხო ქვეყნების ოფიციალურ დელეგაციათა მომსახურების წესში ცვლილებისა და დამატებების შეტანის თაობაზე

„საქართველოს აეროპორტებში სახელმწიფო ხელისუფლების უმაღლესი და მაღალი თანამდებობის პირთა და უცხო ქვეყნების ოფიციალურ დელეგაციათა მომსახურების წესის დამტკიცების შესახებ“ საქართველოს პრეზიდენტის 2000 წლის 10 ოქტომბრის №439 ბრძანებულებით დამტკიცებულ საქართველოს აეროპორტებში სახელმწიფო ხელისუფლების უმაღლესი და მაღალი თანამდებობის პირთა და უცხო ქვეყნების ოფიციალურ დელეგაციათა მომსახურების წესში შეტანილ იქნეს შემდეგი ცვლილება და მე-2 პუნქტი ჩამოყალიბდეს შემდეგი რედაქციით:

„2. ქ. თბილისის აეროპორტში სახელმწიფო ხელისუფლების უმაღლესი და მაღალი თანამდებობის პირებისათვის განკუთვნილი პირველი (VIP1) სამთავრობო დარბაზით (აეროპორტის ძველი კორპუსის მარჯვენა ფლიგელი) სარგებლობენ:

ა) საქართველოს პრეზიდენტი (უფლებამოსილების პერიოდში და უფლებამოსილების შეწყვეტის შემდეგაც მისი სიცოცხლის ბოლომდე);

ბ) საქართველოს პარლამენტის თავმჯდომარე;

გ) საქართველოს სახელმწიფო მინისტრი;

დ) საქართველოს კათოლიკოს-პატრიარქი;

ე) საქართველოს საკონსტიტუციო სასამართლოს თავმჯდომარე;

ვ) საქართველოს უზენაესი სასამართლოს თავმჯდომარე;

ზ) ზემოაღნიშნულ პირთა ოჯახის წევრები;

თ) პირველი დარბაზით ასევე სარგებლობენ ზემოაღნიშნულ პირთა მიერ მოწვეული საზღვარგარეთის ქვეყნების თანამდებობის პირები და დელეგაციები*.

საქართველოს პრეზიდენტის

მოვალეობის შემსრულებელი                            ნ. ბურჯანაძე