დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს გემების სახელმწიფო რეესტრის, გემების სახელმწიფო წიგნის წარმოების და საზღვაო იპოთეკის აღრიცხვის წესების“, „საზღვაო დისციპლინური წესდების“ და „ნავსადგურების, გემებისა და საქართველოს საზღვაო ტრასპორტის სხვა ობიექტების დაცვის სისტემის შესახებ დებულების“ დამტკიცების თაობაზე საქართველოს საზღვაო ტრანსპორტის ადმინისტრაციის თავმჯდომარის 2003 წლის 12 დეკემბრის N51 ბრძანებაში დამატების შეტანის თაობაზე | |
---|---|
დოკუმენტის ნომერი | 60 |
დოკუმენტის მიმღები | ერთიანი სატრანსპორტო ადმინისტრაციის უფროსი |
მიღების თარიღი | 25/03/2011 |
დოკუმენტის ტიპი | ერთიანი სატრანსპორტო ადმინისტრაციის უფროსის ბრძანება |
გამოქვეყნების წყარო, თარიღი | ვებგვერდი, 110328027, 29/03/2011 |
ძალის დაკარგვის თარიღი | 01/07/2024 |
სარეგისტრაციო კოდი | 310020000.47.052.016006 |
საქართველოს ეკონომიკისა და მდგრადი განვითარების სამინისტროს ერთიანი სატრანსპორტო ადმინისტრაციის უფროსის
ბრძანება №60
2011 წლის 25 მარტი
ქ. თბილისი
„საქართველოს გემების სახელმწიფო რეესტრის, გემების სახელმწიფო წიგნის წარმოების და საზღვაო იპოთეკის აღრიცხვის წესების“, „საზღვაო დისციპლინური წესდების“ და „ნავსადგურების, გემებისა და საქართველოს საზღვაო ტრანსპორტის სხვა ობიექტების დაცვის სისტემის შესახებ დებულების“ დამტკიცების თაობაზე საქართველოს საზღვაო ტრანსპორტის ადმინისტრაციის თავმჯდომარის 2003 წლის 12 დეკემბრის №51 ბრძანებაში დამატების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
1. „საქართველოს გემების სახელმწიფო რეესტრის, გემების სახელმწიფო წიგნის წარმოების და საზღვაო იპოთეკის აღრიცხვის წესების“, „საზღვაო დისციპლინური წესდების“ და „ნავსადგურების, გემებისა და საქართველოს საზღვაო ტრანსპორტის სხვა ობიექტების დაცვის სისტემის შესახებ დებულების“ დამტკიცების თაობაზე საქართველოს საზღვაო ტრანსპორტის ადმინისტრაციის თავმჯდომარის 2003 წლის 12 დეკემბრის №51 ბრძანებით (სსმ III, №149, 26.12.2003 წ., მუხ. 1216) დამტკიცებულ „საქართველოს გემების სახელმწიფო რეესტრის, გემების სახელმწიფო წიგნის წარმოების და საზღვაო იპოთეკის აღრიცხვის წესებს“ დაემატოს მე-5 თავი შემდეგი რედაქციით:
„თავი V. გარდამავალი დებულებები
მუხლი 28. სახელმწიფო რეესტრში გემების რეგისტრაციის შეჩერება
1. შეჩერდეს სახელმწიფო რეესტრში გემების რეგისტრაცია 6 თვის ვადით, გარდა საქართველოს ტერიტორიულ წყლებში მცურავი თევზსაჭერი გემებისა და პორტის აკვატორიაში მომუშავე მცირეტონაჟიანი მცურავი საშუალებებისა.
2. გამონაკლის შემთხვევაში გემების რეგისტრაცია დასაშვებია ერთიანი სატრანსპორტო ადმინისტრაციის უფროსის ბრძანების საფუძველზე, თუ:
ა) ხომალდის ასაკი არ აღემატება 12 წელს;
ბ) ხომალდი იმყოფება საკლასიფიკაციო საზოგადოებების საერთაშორისო ასოციაციის (IACS) წევრი საკლასიფიკაციო საზოგადოების ზედამხედველობის ქვეშ;
გ) ხომალდი სრულად შეესაბამება საერთაშორისო საზღვაო ორგანიზაციის მიერ აღიარებულ მოთხოვნებს ნაოსნობის უსაფრთხოების, უშიშროების, გარემოს დაცვისა და ეკიპაჟის შემადგენლობის თაობაზე;
დ) ხომალდი არ ყოფილა დაკავებული უკანასკნელი 12 თვის განმავლობაში.“.
2. ბრძანება ამოქმედდეს გამოქვეყნებისთანავე.
ი. დავითაძე
დოკუმენტის კომენტარები