„საქართველოში ალკოჰოლიანი სასმელების, ლუდისა და თამბაქოს ნაწარმის წარმოების, იმპორტისა და რეალიზაციის აქციზური მარკების შემოღების შესახებ“ საქართველოს პრეზიდენტის 1998 წლის 28 მაისის №355 ბრძანებულების შესრულების უზრუნველსაყოფად გასატარებელ აუცილებელ ღონისძიებათა თაობაზე“ საქართველოს პრეზიდენტის 1999 წლის 28 თებერვლის №88 ბრძანებულებაში ცვლილების შეტანის შესახებ

საქართველოს პრეზიდენტის

ბრძანებულება №532

1999 წლის 8 სექტემბერი

ქ. თბილისი

„საქართველოში ალკოჰოლიანი სასმელების, ლუდისა და თამბაქოს ნაწარმის წარმოების, იმპორტისა და რეალიზაციის აქციზური მარკების შემოღების შესახებ“ საქართველოს პრეზიდენტის 1998 წლის 28 მაისის №355 ბრძანებულების შესრულების უზრუნველსაყოფად გასატარებელ აუცილებელ ღონისძიებათა თაობაზე“ საქართველოს პრეზიდენტის 1999 წლის 28 თებერვლის №88 ბრძანებულებაში ცვლილების შეტანის შესახებ

„საქართველოში ალკოჰოლიანი სასმელების, ლუდისა და თამბაქოს ნაწარმის წარმოების, იმპორტისა და რეალიზაციის აქციზური მარკების შემოღების შესახებ“ საქართველოს პრეზიდენტის 1998 წლის 28 მაისის №355 ბრძანებულების შესრულების უზრუნველსაყოფად გასატარებელ აუცილებელ ღონისძიებათა თაობაზე“ საქართველოს პრეზიდენტის 1999 წლის 28 თებერვლის N88 ბრძანებულებაში შეტანილ იქნეს შემდეგი ცვლილებები:

1. ბრძანებულების მე-4 პუნქტი ჩამოყალიბდეს შემდეგი რედაქციით:

„4. 1999 წლის 10 ოქტომბრიდან აიკრძალოს აქციზური მარკებით ნიშანდებას დაქვემდებარებული ლუდის წარმოება და იმპორტი, აგრეთვე საქართველოს ტერიტორიაზე ლუდის მწარმოებლების მიერ მათი მიწოდება აქციზური მარკების გარეშე, ხოლო 1999 წლის 1 ნოემბრიდან - აღნიშნული საქონლის რეალიზაცია აქციზური მარკების გარეშე“.

2. ბრძანებულებას დაემატოს შემდეგი შინაარსის მე-5 და მე-6 პუნქტები:

„5. საბითუმო და საცალო ქსელის საწარმოებში 1999 წლის 10 ოქტომბრის მდგომარეობით განხორციელდეს აქციზური მარკებით ნიშანდებას დაქვემდებარებული ლუდის საბოლოო ინვენტარიზაცია. ნება დაერთოთ აღნიშნულ საწარმოებს ინვენტარიზაციის შედეგად დაფიქსირებული აქციზური მარკებით ნიშანდებას დაქვემდებარებული ლუდის ნაშთების რეალიზაცია აქციზური მარკების გარეშე განახორციელონ 1999 წლის 20 ნოემბრამდე.

6. ინვენტარიზაციის შედეგად დაფიქსირებული მარკირებას დაქვემდებარებული ლუდის ნაშთების ნიშანდება განხორციელდეს საქართველოს ფინანსთა სამინისტროსა და საქართველოს საგადასახადო სახელმწიფო დეპარტამენტის მიერ ერთობლივად დადგენილი წესის შესაბამისად“.

3. ბრძანებულების მე-5, მე-6, მე-7, მე-8, მე-9 და მე-10 პუნქტები შესაბამისად ჩაითვალოს მე-7, მე-8, მე-9, მე-10, მე-11 და მე-12 პუნქტებად.

ე. შევარდანძე