საქართველოს შინაგან საქმეთა სამინისტროს სპეციალური შემოსავლების გამოყენების შესახებ

საქართველოს პრეზიდენტის

ბრძანებულება №151

2003 წლის 15 აპრილი

ქ. თბილისი

საქართველოს შინაგან საქმეთა სამინისტროს სპეციალური შემოსავლების გამოყენების შესახებ

საქართველოს შინაგან საქმეთა სამინისტროს თანამშრომელთა მატერიალური წახალისებისა და მატერიალურ-ტექნიკური უზრუნველ­ყოფის მიზნით:

1. საქართველოს შინაგან საქმეთა სამინისტროს მძღოლის მართვის მოწმობების, ავტოსატრანსპორტო საშუალებათა სახელმწიფო სანომრე ნიშნების, ტექნიკური პასპორტების, ტექნიკური დათვა­ლიერების ფირნიშების დამზადების, გაცემისა და აღრიცხვის, მოქალაქეთა ეროვნული პასპორტებისა და პირადობის მოწმობების გაცემიდან, საგზაო მოძრაობის წესების დარღვევისათვის ამოღებული ჯარიმებიდან, ბეჭდებისა და შტამპების დამზადებაზე, დიაგნოსტიკური ცენტრების, ცეცხლსასროლი და გაზის იარაღის რეგისტრაციის ნებართვების გაცემიდან 2003 წლის 1 იანვრიდან 2004 წლის 1 იანვრამდე მიღებული შემოსავლების 70 პროცენტი წარიმართოს საქართველოს შინაგან საქმეთა სამინისტროს თანამშრომელთა მატერიალური წახალისებისა და მატერიალურ-ტექნიკური ბაზის განმტკიცებისათვის საქართველოს ფინანსთა სამინისტროს სახაზინო სამსახურში შინაგან საქმეთა სამინისტროსათვის გახსნილ სპეციალურ ანგარიშზე, ხოლო 30 პროცენტი – საქართველოს სახელმწიფო ბიუჯეტში.

2. ძალადაკარგულად ჩაითვალოს საქართველოს პრეზიდენტის 2001 წლის 6 თებერვლის №42 ბრძანებულება „საქართველოს შინაგან საქმეთა სამინისტროს სპეციალური შემოსავლების გამოყენების დროებითი წესის შესახებ“.

ე. შევარდნაძე