გარდაბნის მუნიციპალიტეტის 2011 წლის 28 თებერვლის №8 დადგენილებით დამტკიცებულ ,,გარდაბნის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ”დადგენილებაში ცვილებების შეტანის თაობაზე

გარდაბნის მუნიციპალიტეტის საკრებულოს

დადგენილება №19

2011 წლის 22 მარტი

ქ. გარდაბანი

გარდაბნის მუნიციპალიტეტის 2011 წლის 28 თებერვლის №8 დადგენილებით დამტკიცებულ ,,გარდაბნის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ” დადგენილებაში ცვილებების შეტანის თაობაზე

 ,,ზოგადი ადმინისტრაციული კოდექსის“ 63-ე მუხლის და „ნორმატიული აქტების შესახებ“ საქართველოს კანონის მე-20 მუხლის შესაბამისად, გარდაბნის მუნიციპალიტეტის საკრებულომ დაადგინა:

მუხლი 1

ამოღებულ იქნეს გარდაბნის მუნიციპალიტეტის 2011 წლის 28 თებერვლის №8 დადგენილებით დამტკიცებულ ,,გარდაბნის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ“ დადგენილების პრეამბულიდან „ადგილობრივი თვითმმართველი ერთეულის საკუთრებაში არსებული ქონების სარგებლობის უფლებით გადაცემის შესახებ წესის დამტკიცების თაობაზე“ საქართველოს ეკონომიკური განვითარების მინისტრის 2007 წლის 28 სექტემბრის №1-1/1476 ბრძანებით დამტკიცებული წესის მე-2 მუხლის მე-2 პუნქტის მითითება.

მუხლი 2

შევიდეს ცვლილება გარდაბნის მუნიციპალიტეტის 2011 წლის 28 თებერვლის №8 დადგენილებით დამტკიცებულ ,,გარდაბნის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ“ დადგენილების პირველ მუხლში და ჩამოყალიბდეს შემდეგი რედაქციით:

„მუხლი 1. გარდაბნის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირა გარდაბნის მუნიციპალიტეტის ტერიტორიაზე არსებული არასასოფლო-სამეურნეო დანიშნულების მიწაზე განისაზღვროს შემდეგი ოდენობით:

ა) ცენტრალურ ზონაში 1 კვ.მ-ზე 0,2995 ლარი;

ბ) შუალედურ ზონაში 1 კვ.მ-ზე 0,2496 ლარი;

გ) პერიფერიულ ზონაში 1 კვ.მ-ზე 0,1996 ლარი.“.

მუხლი 3

დადგენილება ძალაში შედის გამოქვეყნებისთანავე.

მუხლი 4

დადგენილება შეიძლება გასაჩივრდეს სასამართლოში (მის.: ქ. გარდაბანი, დ. აღმაშენებლის ქ. №14) საქართველოს ადმინისტრაციული საპროცესო კოდექსის 22-ე მუხლის მე-3 ნაწილით დადგენილი წესით, უშუალო ზიანის მიყენებიდან 3 თვის ვადაში.

საკრებულოს თავმჯდომარე                                                                      გ. ფეიქრიშვილი