დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ”საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილებების შეტანის შესახებ | |
---|---|
დოკუმენტის ნომერი | 40/ნ |
დოკუმენტის მიმღები | საქართველოს განათლებისა და მეცნიერების მინისტრი |
მიღების თარიღი | 21/03/2011 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 110321023, 24/03/2011 |
სარეგისტრაციო კოდი | 040030000.22.022.016079 |
საქართველოს განათლებისა და მეცნიერების მინისტრის
ბრძანება №40/ნ
2011 წლის 21 მარტი
ქ. თბილისი
,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილებების შეტანის შესახებ
,,ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე,
ვბრძანებ:
მუხლი 1. შევიდეს ცვლილებები ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებით (სსმ III,26.09.2005, №112, მუხ. 1233) დამტკიცებულ:
ა) დანართ №1-ში:
ა.ა) წესდების 24-ე მუხლი ჩამოყალიბდეს შემდეგი რედაქციით:
,,მუხლი 24. სკოლები, რომლებიც ახორციელებენ განვითარების შეფერხების (შემეცნებითი ფუნქციებისა და ადაპტური ქცევის დეფიციტის), სენსორული (სმენისა და მხედველობის) და ქცევისა და ემოციური (ასოციალური, აგრესიული და დაუმორჩილებელი ქცევის განმეორებადი და მდგრადი გამოვლინება, რომელიც არ არის ფსიქოტური მდგომარეობის, გუნება-განწყობის ცვალებადობის ან სხვა დაავადებების თანმდევი სიმპტომი) დარღვევის მქონე ბავშვთა სპეციალურ საგანმანათლებლო პროგრამებს
დანართი №4-ით და დანართი №6-ით გათვალისწინებული ზოგადსაგანმანათლებლო დაწესებულებები ახორციელებენ განვითარების შეფერხების, სენსორული და ქცევისა და ემოციური დარღვევებისა მქონე, ბავშვთა სპეციალურ საგანმანათლებლო პროგრამებს.“;
ა. ბ) წესდების 25-ე მუხლი ამოღებულ იქნეს;
ბ) დანართი №4-ში და აღნიშნული დანართის მე-8 პუნქტით გათვალისწინებული თბილისის №201 საჯარო სკოლა ამოღებულ იქნეს;
გ) დანართი №5-ში და აღნიშნული დანართის პირველი, მე-3 და მე-5 პუნქტებით გათვალისწინებული თელავის №10 სკოლა, სოფ. ბროწეულას სკოლა და მესტიის №3 სკოლა ამოღებულ იქნეს.
მუხლი 2. ბრძანება ამოქმედდეს გამოქვეყნებისთანავე.
დ. შაშკინი
დოკუმენტის კომენტარები