ასპინძის მუნიციპალიტეტის საკრებულოს 2010 წლის 16 ივლისის №11 დადგენილებაში „ასპინძის მუნიციპალიტეტის საკრებულოს დებულების (რეგლამენტის) დამტკიცების შესახებ“ ცვლილებების და დამატებების შეტანის შესახებ

ასპინძის მუნიციპალიტეტის საკრებულოს

 დადგენილება №7

2011 წლის 18 მარტი  

დ. ასპინძა

ასპინძის მუნიციპალიტეტის საკრებულოს 2010 წლის 16 ივლისის №11 დადგენილებაში ,,ასპინძის მუნიციპალიტეტის საკრებულოს დებულების (რეგლამენტის) დამტკიცების შესახებ“ ცვლილებების და დამატებების შეტანის შესახებ

      მუხლი 1

„ნორმატიული აქტების შესახებ“ საქართველოს კანონის მე-20 მუხლის და 25-ე მუხლის პირველი პუნქტის „ბ“ ქვეპუნქტის შესაბამისად, ,,ასპინძის მუნიციპალიტეტის საკრებულოს დებულების (რეგლამენტის) დამტკიცების შესახებ“ ასპინძის მუნიციპალიტეტის საკრებულოს 2010 წლის 16 ივლისის №11 დადგენილებაში  შეტანილ იქნეს შემდეგი ცვლილებები და დამატებები:

1. დადგენილების 24-ე მუხლის:

ა)პირველი  პუნქტი  ჩამოყალიბდეს ახალი რედაქციით:

1. საკრებულოს კომისიებია:

ა) სამანდატო, საპროცედურო საკითხთა და ეთიკის კომისია;

ბ) საფინანსო-საბიუჯეტო კომისია;

გ) სივრცით-ტერიტორიული დაგეგმარების, ინფრასტრუქტურის და აგრარულ

   საკითხთა კომისია;

დ) ქონების მართვისა და  ბუნებრივი რესურსების საკითხების კომისია;

ე) სოციალურ საკითხთა კომისია.“.

    მუხლი 2

ძალადაკარგულად გამოცხადდეს ასპინძის მუნიციპალიტეტის საკრებულოს 2010 წლის 4 აგვისტოს №15 დადგენილება ,,ასპინძის მუნიციპალიტეტის საკრებულოს 2010 წლის 16 ივლისის №11 დადგენილებაში „ასპინძის მუნიციპალიტეტის საკრებულოს დებულების (რეგლამენტის) დამტკიცების შესახებ ცვლილებების შეტანის შესახებ“.

    მუხლი 3

დადგენილება ამოქმედდეს გამოქვეყნებისთანავე.

საკრებულოს თავმჯდომარე                          ა. მელიქიძე